أسم المشروع: "تعال" أختصاص: موقع Gambling أستهداف المشروع: فئات البالغين +18من الشعب العربي. التفاصيل: عبارة عن موقع يكَدر من خلال 2 زلم يتراهنون على شغلة يفوتون يكتبون الشغلة اللي ديتراهنون عليها وموعد انتهاء الرهن وتصير روابط Virals بتصاميم مرتبة .1 Vs. 2. وصورهم وتفاصيل بشكل مرتب تماماً مثل تصاميم نزالات بين لواعيب الESport بس هنا استهداف مو العاب وانما كل شيء يخص البالغين. المشروع ياخذ 5% من كل طرف ويتكفل بنقل اموال للرابح التسويق: أستهداف فئات المجتمع من الشباب حتى كبار السن ككل ويتم تعيين الخدمة ك Deal Protector وليس Gambling وهو فعلا هالشيء بعالم المنتديات اسم الخدمة هاي Middle Man.. كمثال ثنين اشخاص يتراهنون على شغلة كالتالي:
-1 الاول يكول العراق رح يرجع بخير بالانتخابات الاخيرة, الثاني يكله كوم بي. شون نفيد المجتمع بهالنقاشات ؟ نخليهم يسون رهن من مليون دينار يامنوهن بالمنصة اذا صار العراق بخير بالانتخابات الاخيرة خلال مدة معينة الاول العرائي الشريف يربح مليونين مالته اللي نومه ومال صاحبه اللي راهنه. وهنا الشخص ثاني البائس انكسرت عينه ورح يتذكر طول عمره انه خسر مليون لانه وكَف ضد العراق وشكك بالكتلة الصدرية والانتخابات العراقية ويتعلم من اخطائه.
-2 اثنين يمضرطون انهم مشجعين وجماعتنا وجماعتكم ولعبتنا ولعبتكم وهمه كلفة استكان الجالي بالكهوة ماعدهم يدفعوا هنا تجيبهم وتخليهم يتراهنون بفلوس حتى يكون الكلام موزون الاول رح يخسر فلوس اذا مضرط والثاني رح يربح مقابل توقعاته (تماما مال Lotto الاوربية بس لطريقة مبسطة)
-3 (الـGroup Gambling) أثنين شياب ديتعاركون على حدث صار بالستينات وسبعينات الاول يكول الملكية جانت احسن والثاني يكول عبدالكريم احسن.. يجون يتراهنون بمبلغ ابتدائي كمثال مليون مليون وتنشر القضية للعامة للمراهنة ووقت الDeadLink مال ديل كمثال شهر.. الرابط هذا ناس تكَدر تشارك بيه هي هم تراهن بشكل عادل سواء يوكفون ويه ال1 او ويه ال2 وهنا بلنهاية تصير الرهن قضية راي عام وبلنهاية التقرير الاخير اللي يطلع حسب النتائج والبحث والدلائل هو اللي يثبت بالارقام والاحصائيات منو الجان احسن بالنسب هل عبدكريم او ملكي..
تسوي بروفايلات المراهنين تتوثق بمعلومات رسمية KYC وتصير مثل BioLink المراهن الاقوى يشارك بروفايلة ويفيك بيه تماما مثل Bio Link التسويق حيكون منه وبيه من عدت جوانب.
◄ ايجابيات المشروع:- - مشروع ربحي , ترفيهي, خيري - مشروع له تاثير على ثقافة المجتمع بالمعلومات والحد من النزاعات المتكررة. - مصدر رزق وكسب للباحثين والمتعلمين وذوي الاحتياجات الخاصة. - مثال ولعبة يحتذا بها لاثبات الرجولة والكلمة الحرة (كمثال تسويقي: انت رجال تعال تراهن كَد كلمتك او اكل خرا واسكت).
◄ سلبيات المشروع:- - الادمان على الرهانات لدرجة خسارة بيت الوالد - استغلال المنصة بالترويج للرهانات التي تعتمد على الحظ / الغير مفيدة (دمبللللللللللللة) - التاثير النفسي على الخاسرين عندما يتم اعلانهم بشكل عام.
◄ عقبات المشروع: - عدم وجود شيعة متمكنين او ابناء الحجي شركاء بالمشروع. - وجود بند قانوني قد يمنع مشاريع الGambling في العراق. - المنافسة الغير شريفة من خلال حظر وحجب وسائل الدفع المحلية.
◄ حلول العقبات: - أتفق ويه الحجي شريك بالمشروع. - أتاكد من القوانين العراقية لوجود ثغرة تغطي المشروع. - أتفق ويه شركات الدفع المحلية ووقع عقد احتكار على المشروع قبل لا تبداء بالبرمجة. - وظف واحد ساقط بالتسويق وواحد ربة كامز بالكونتنت يحولك واجهة المشروع لشيء ميخلي ناس تفكر انه فقط Gambling
◄ فوائد المستثمر: - - عدم وجود منافسيين بتقديم الخدمة. - - مشروع واعد باستغلال ثغرة بالمجتمع. - - اذا انت الحجي ف ربعك مطاية محد رح ييفهم المشروع او يكدر ينافسه. - - مع الوقت رح تصير شخص خير من خلال دعم الحملات الخيرية من خلال فلوس الرهانات. - - رح تدفع للدولة ضرائب وتخلي فلوس الشعب تتحرك بدل مانايمة جوا مخاديد.
الربح المتوقع بحسب احصائية 10.000 الف مستخدم سنوياً (جمهور Kids) لمشروع صديق هو 250000$صافي من خلال الوساطة بتقديم الخدمة فقط ببلد مثل العراق من المتوقع ان يكون الربح اضعاف مضاعفة لهل رقم اذا تم عمله بشكل مضبوط.
