2021-12-10 00:51:13
- أني أشتريت ويندوز اصلي مثل مكلت وراسلت سبورت بس ماحلو مشكلتي مثل ما كَلت بالبوست لحد الان؟
= شوكت مراسلهم ؟
- اليوم صبح
= شنو مشكلتك چانت ؟
- الشاشة الزرقاء
= الديث سكرين اكو الها اسباب هواية الكود الظاهر بالسكرين شنو ؟
- ما أعرف بس فرمتة وانحلت المشكلة بس السبورت مافادني ف حبيت انبهك ان شرحك او طرحك للموضوع بيه خطاء او تضخيم او اوفر شوية سبورت مايكروسوفت ازبل منه ماكو طلع.
= يعني انت مراسلهم الصبح ومراسلني العصر تكَلي ان سبورت عالمي عنده 2.161 مليار مستخدم ضايج لانه ماحلك مشكلتك بسرعة بدون ان حتى تفهمهم الايرور مال ديث سكرين مالتك ؟
- لا بس شفتك كاتب ان الفرمتة هي اخر حل بس هي ماكو اسهل منها نص ساعة وكلشي ينحل.
= اذا فرمتة سهلة بالنسبة الك هيج ليش ماتسوي ريستور بوينت بعد اسهل من فرمتة بمراحل !!!
- شون ؟
= حبيبي بس فعل الريستور بوينت اول متفرمة حاسبتك وبعد متحتاج ابدا تفرمة جهازك الا نادراً.. الريستور بوينت اول متنصب نسخة رح يطلب منك ان تفعله او تغلقه مع ذلك بس اكتب بلبحث مال ويندوز Create restore Point ,فعل اعدادات حسب متريد اذا تريد نصيحتي فعلها على الC فقط يعني على قرص النظام في حال اليوم نصبت شي او صارتلك الديث سكرين بسبب انك بعبصت بشغلة مجرد ترست جهاز دوس F2 ورح يدخل safe mode واختار بخانة الربير ريستور بوينت ورح يطلعلك بلقرص اخر تاريخ سو جهاز باك اب بيه مجرد تدوس عليه تعوفه يحمل 3-5 دقايق ورح تشوف حاسبتك رجعت تماما للتاريخ مذكور. سامع ببرنامج ديب فريز ؟ هذه اليستخدموه بلنتوركات هذه الريستور بوينت نفس فكرته بس لمرة وحدة يخليك ترجع بلنظام للتاريخ مذكور اي اعدادات او ملفات سويتها بلسي بعد هالتاريخ كلها تروح وترجع لنفس ماجانت.
- حلو رح ابدي بي منا وهيچ.
= ولو سؤال شخصي بس شنو البرامج المكركة الدتستخدمها ؟
- تقريباً اغلب برامج مكركة لاني استخدمهن زينات. بس من شفت بوستك كلت خلي احول ويندوز والافس رسمي واخلص من دوختهن.
= أني بكل بوست اكتب جريدة في سبيل اوصلك كل شيء اني ذكرتلك مسبقاً مايكروسوفت سبورت هو دعم فني لمنتجات مايكروسوفت فقط. يعني هسه مادام انت عندك اوفس و ويندوز رسمي من تراسل سبورت اذا شاف ان العلة او سبب من الديث سكرين هو برنامج مكرك مارح يقدملك سبورت او تحديداً رح يطلب اذنك باتخاذ اجراءات لازمة باحتمال خسارة بياناتك من اجل اصلاح جهاز.. تعرف شيسوي ؟ ببساطة يحذف كل البرامج مكركة من جهاز. شون يسوي هالشيء ؟ مايكروسوفت اصلا الهم وصول كامل لجهازك السبورت من يتصل بيك مارح يكلك نصب اي شي مجرد يكلك تحب اتصل بيك ؟ وطب طح تلكاه ديتحكم بلماوس مالتك لان انت الريدي فاتح برنامج مال سبورت الGet help ف انت من بداية اذا ناوي تاخذ طريق مكرك ماداكلك عوفه بس دافهمك الفرق ان سبورت مال مايكروسوفت للامور رسمية لمنتجاتهم ولما تكلهم مثلا عندي مشكلة بالادوبي شرح يسوي ؟ مايصلحها يكلك راسل سبورت ادوبي يحلون مشكلتك واذا كتلهم ما افهم رح يطلبون منك ايميلك مال ادوبي وهمه يحولون الDebug data للادوبي على ايميلك وادوبي تحلك المشكلة بدون متتصل بيك حسب الداتا رح تتشارك. بس هالشيء مو مباشر هالشيء يتاخر طبعا. انت اول متراسل سبورت اول من يجاوبك همه ناس مختصين بالاجابة فقط يحللون مشكلتك ويشوفون قسم مناسب الها من ثم يحولوك عليهم. اذا لكل واحد بلعالم يراسل يحتاج مهندس خاص بيه جان مابقى مهندس بلعالم كاعد ياعيني طبعا يتاخر ممكن يتاخر 4-5 ايام همين حسب اللود بس بلنهاية يحلون مشكلتك وبلاش بدون متدوخ اني انصح السبورت مال مايكروسوفت للكبار بالعمر واللي مابيهم حيل يبحثون لا اكثر خلي سبورت همه يحيرون بشغلتك.
ولو مشوفني الايرور كود مال ديث سكرين جان بكل بساطة شسويت ؟ مجرد اكتب كود بالكوكل ويطلعلي الحل مباشرتاً انت ثاني مرة من يطلعلك انتبه عالكود عيوني مو بس شاشة زركة واطلع كبل. اكو َQRCODE واكو رمز للايرور بس تبحث عنه تلكه نتائج. مشكلة النتائج عربية زبالة ف استخدم دائما كوكل اميركا اختصارا لنتائج البحث التعبانة بالمنطقة.
392 views╲ ⎝ ⧹ ╲ ⎝ ⧹ Not Anas ⧸ ⎠ ╱ ⧸ ╱, 21:51