2021-08-11 12:47:53
طلاب اليوم حشرحلكم طريقه فعاله جدا لعدم النسيان ولترسيخ الماده في العقل
طبعا راح تكون على شكل جزئين راح ابلش بلاول
اولا: طريقه منحنه النسيان (اي هذا اسمه مو تخترعون )
شنو معنى منحنه النسيان
قبل اكثر من 150عام اكتشف عالم هذا المصطلح اي اكتشف ان المعلومه الي تحفظها او تطلع عليها بعد 24 من حفظها راح تنسى 80٪الى 70٪منها
وبعد اسبوع راح تنسى 90٪ منها وبعد شهرا راح تتذكر فقط 3٪ منها او راح تنساها كليا
هسه شلون تتعالج هذي المشكله
بسيطه تتعالج عن طريق المراجعه المتباعده شنو معناها معناها كالاتي
اي معلومه حفظتها انت راح تقوم بمراجعتها كما ياتي:
1-مراجعه الماده بعد ال 24ساعه الاولى 10 دقائق
2-مراجعه الماده بعد الاسبوع الاول 5دقائق
3-مراجعه الماده بعد شهر 5 دقائق
وبهذا راح تكون مراجع الماده 20 دقيقه بس
وهذي من الطرق السحريه صراحه ماراح تنسى الماده نهائيا بعدها
243 views𝒌𝒖𝒓𝒈𝒖𝒔𝒂𝒍᪥, 09:47