2021-09-05 16:22:26
الواهــــــس !!!
كثير من الطلاب يشكي من هاي المسألة ويگول :-
انا والله واهس ما يمي للدراسة
اريد ادرس بس احس شي يمنعني
اجي للكتب احاول اقرا بس امل واتركها ووو
خلينه نكون واضحيـــــن ولا تكذب على نفسك ليـش ماكو واهـس ؟؟؟
خلي ب بالك لو كل ناجح نشوفه كان هيچ يشكي ومتكاسل ما كان نجح ولا عرف كلمة نــــــجـــــــاح...
"" كُــــــل دخــــــــان بالجــــو وراه نار تشتــــعـــــــل ""
وكل خطأ نعاني منـه وراه اسباب سوته وخلتنه هيچ
تريد تعـرف ليش ما الك واهـس ؟؟
چ: صير صريـح مع روحك واعرف الاسباب وقدم العـقـل والمنطق على العاطفـة والرغبـات تنجح وتتفـوق .. كثييير اسباب تنهي الواهـس وتتعب العقل واذا فعلا انـت تريد تتفوق وتبـدع وترسـم مستقبلك حاول تعالجها ،
من اسباب الفشل ممكن صديق او قريـب يـمـك ما يشجـع للدراسـة ..،
ممكن انسان سلبي يحچي 24 ساعة سلبي سلبي ويحطمك ،
ممكن انت متعلق بالفيس والمسنجر وتقضي ثلاث واربع ساعات ع النـت.
ممكن اصلا طريقة دراستك خطأ او مكان الدراسة مو ملائم وغيرها من الاسباب!!!؟؟!!!.. انت اصدق مع روحك وحددها وتخلّص منها
غيرك طالب ما عنده مثل ملازمك بس يدرس ويتعب.
غيرك طالب مريض وما يعرف لذة النوم والعافية بس يدرس عادي ،
غيرك ما عنده كثير اشياء قيمة انت تملكها لكن غني بطموحه وتفكيره ،
الي يقود الانسان بهالحياة طمــــــــوح والطموح يولد الهمة الي ما تعرف كلمة واهس ومستحيل ،
ألم التعب من الدراسة ساعات ايام وينقضي بس لذة النجاح وسعادته يبقى وياك كل العمر
ـ توكل على الله "
222 views𝐺𝐻𝐴𝐼𝐷𝐴𝐴 𝐹𝐴𝐿𝐴𝐻 , 13:22
ك
