2022-09-01 10:01:42
#الدراسة_المسائية
من اسمها مسائي !! اذاً الداوم يكون بيها مسائي بعد دوام طلبة الصباحي اوك ؟
- عادة دوام طلاب الصباحي يكون 5_6 ساعات اما المسائي 3 ساعات او كلش كلش 4 ساعات فقط.
من ناحية التكاليف :- فهي #غير_مجانية !!
زين واحد يسأل ليش مو مجانية مع العلم هي دراسة حكومية حالها حال الصباحي ؟
- الجواب :- بسبب فرق المعدل بينك وبين طالب الصباحي ! شلون يعني فرق المعدل ؟
هسه اجاوبك اسمع مثال
- كلية التمريض جامعة الموصل حسب العام قبلت الحد الأدنى :- معدل 93.5 للاناث اما مسائي فقبلت :- 80-85 شكد فارق الدرجات بينهم ؟ 10 درجات تقريبًا !!!
لهذا طالب المسائي يدفع أجور دراسية بالدراسة المسائية كون قبولاتهم اقل بهواي من الصباحي.
#قوة_الشهادة :- تأتي ثانياً بعد الشهادة الصباحية(+الموازي) .
#أولوية_التعيين :- الأولوية للصباحي ( + موازي) ثم يأتي المسائي.
#ملحق_مهم
- مو كل الكليات بيها مسائي ، مثلاً المجموعة الطبية مابيها مسائي واكو ايضاً كليات واقسام اخرى مابيهم دراسة مسائية ،تكدر تشوف دليل الطالب وتعرف الكليات والأقسام إللي بيها مسائي.
- اجور المسائي نزلتلكم هي فوك.
348 viewsedited 07:01