"شوق وشقى".

2022-09-01 01:45:06 "كنت أتنموس في محبته نوماس
وكان الوحيد اللي بقلبي أساسي

شخصٍ حسبته صافي القلب حساس
وظنيت قلبي طاح فيه متواسي

أثري أنا وأحلامي البيض يِئاس
غدره غرف قلبي وموّت حماسي

ياهم عينٍ مايجي حوله نعاس
دقات قلبي حارمتني نعاسي

مغبون غبن كليب من غدر جساس
وأزيتك وأنا بـ رد فعلي سياسي

ماهيب والله خفة القلب والراس
ثقلي يحطم كل رقمٍ قياسي

لكن أنا ماني بواحد من الناس
وهذا ماهو قدري ولا هو مقاسي

وأسمي اذا حطوه من بين الاقواس
ماهو ترا من صورتي أو لباسي

بأقواس لأني بالشعر طير قرناس
ويطيب شعري من بعض طيب راسي

وكاني أنا أخطيت وأمنت جساس
مليون زيرٍ بين ربيعي وناسي". باز کردن / نظر دهید

2022-09-01 01:44:06 "الليل والعزله وقافي ومعناي
‏والأمنيات الناجيه والغريقه

‏ياخذني التفكير فيها من أقصاي
‏لين الصباح يفك بـ الشمس ريقه

‏صدري وسيع وضحكتي في محياي
‏لو أني من الضيقه أشعر بـ ضيقه

‏أصغر مشاريهي على أحلام دنياي
‏وأن ماصفت لي جعلها في حريقه". باز کردن / نظر دهید

2022-09-01 01:43:06 الصمت ساعة لبسته مثل هندامي
‏شفت المفوَّه تعذَّر والكتوم أقدا !

‏أنا أمتلك مبدأ أن .. المبدأ إلزامي
‏وما أصعب العيش للي يمتلك مبدا

‏صبري وصبرك إلين أصايد أحلامي
‏الأيام مثل البشر فيه أصدقا وأعدا

‏ريّانة العود .. ليه أجامل أيامي
‏وأحب خشم الظروف ووجنتيك أبدا ؟ باز کردن / نظر دهید

2022-09-01 01:42:06 "على الهون يادمعي من العين لا تنساب
‏دموع التعازي والتهاني لها حفله
‏
مطيحك سوى بـ أسباب ولا بدون أسباب
‏مطيح العزيز اللي .. تحنّه وتاسف له
‏
الأحباب يبعدها قدرها عن الأحباب
‏ولا أحر من فرقى تلوعك .. على غفله". باز کردن / نظر دهید

2022-09-01 01:41:06 "في معركة ياسي هزمت أمنياتي
‏والمعركه في داخلي مالها صوت

‏من كثر ماصارعت ذاتي بـ ذاتي
‏نصي يبي الدنيا ونصي يبي الموت". باز کردن / نظر دهید

2022-09-01 01:40:06 إن جيت أرد الطعن قفّيت هارب
الجرح فيهم .. لكن الدم منّي ! باز کردن / نظر دهید

2022-09-01 01:39:11 "أنا تايه وشوقي على حالتي مفضوح
‏ياليت القمر والليل ماجاب لي ذكره

‏أدوّر على اللي شوف وجهه يرد الروح
‏مثل مايدوّر شاعر الفكره .. الفكره". باز کردن / نظر دهید

2022-09-01 01:38:11 "إلين الفجر تعّبت المساري لين قلّ الحيل
‏ تقديني هواجيس السهر .. وتتوّه دروبي

‏أنا تعرفني أرصفة الطرق وأشجارها والليل
‏كثر ماهيب تجهلني النوايا وقلب محبوبي". باز کردن / نظر دهید

2022-09-01 01:37:06 من ثرثرة عقلي الى آخر الصمت
‏كلام واجد دون صدري دفنته

‏نسيت صوتي كم مضى ماتكلمت
‏لو مرّ صوتي مسمعي ماعرفته ! باز کردن / نظر دهید

2022-09-01 01:36:06 "أنت ياحلمٍ هدرت الحياه أطرد وراه
‏ماثنتني عنك شدّه ولا أحس بـ ملل

‏أتشبّث كن عمري معك طوق النجاه
‏وأدري أن طردك غرابيل وأن تركك جلل

‏تنكسر من فقدك أصغر تفاصيل الحياه
‏مثل كسر كبار الاموال بصغار الهلل

‏لو توجّهك المسافات من كل إتجاه
‏خطوةٍ ماقربت لك ولا سدت خلل". باز کردن / نظر دهید