'تنويه هام جدًا ' أغلب أساتذتنا (د/ وائل صلاح 'رمد' - د/ المط | Islam khalaf
"تنويه هام جدًا " أغلب أساتذتنا (د/ وائل صلاح "رمد" - د/ المطري "جراحة" - د/ الهواري " باطنة" - د/ موافي " باطنة " وغيرهم كتير مش مسامحين نهائيًا في رفع الڤيديوز (صوت وصورة) الخاصة بالكورسات بتاعتهم وانما مسامحين في رفع التسجيلات الصوتية فقط وعلشان كده دايمًا برفع التسجيلات "صوتية" بس على القناة! وأي داتا برفعها لازم بتأكد في المقام الأول ان الدكتور صاحبها مسامح في نشرها بعد التواصل معاه بشكل مباشر .. فأي داتا موجودة على القناة حاليًا (قرابة ١٠,٠٠٠ ڤيديو ) تأكدوا إني استأذنت قبل رفعها ودكاترتنا جزاهم الله خيرًا مسامحين فيها الشاهد ان الدكاترة بعتوا وحاليًا بيشتكوا ان فيه أكتر من بوت وقنوات اتعملوا وبيرفعوا الڤيديوز بتاعتهم دي (صوت وصورة)! وان الطلبة برضه بتتداولها مابينهم فالدكاترة بعتوا إنهم مش مسامحين تمامًا ومسامحين فقط في التسجيلات "الصوتية" وانا حبيت أبلغكم رسالتهم.. بوضّح لكم من باب إني عارف إن أي حد بيرفع حاجه بيبقى غرضه الأول مساعدة زمايله ودي حاجة تحسب له دايمًا وربنا يحازيه خير الجزاء عليها لكن أحسبكم على خير بتتحرّوا الحلال والحرام في المقام الأول فمن البداية ماينفعش ترفع حاجه على بوت أو قناة أو جروب أو حتى تتداول حاجه بينك وبين صاحبك إلا بإذن صاحبها وبعد التأكد إن متسامح فيها عملًا بأن "النية الصالحة لا تصلح العمل الفاسد" يعني ماينفعش حتى لو غرضك ونيتك المساعدة وتكون في حاجه "شبه مسروقة" بالنسبة لصاحبها لأنه مش موافق على تداولها! التسجيلات "الصوتية" موجودة على القناة ولكل الدكاترة في كل المواد https://www.youtube.com/c/Islamkhalaf وكافية جدًا لكن بلاش تداول الڤيديوز! لأن مش متسامح فيها وكلنا عارفين إن دا حق كامل لأي دكتور من دكاترتنا وإن أغلبهم بيدوا الكورس مجانًا لأي حد مش مقتدر .. - و دي رسالة د/ وائل صلاح (رمد) اللي بعتها ليا امبارح لتوضيح إنه مسامح فقط في التسجيلات الصوتية اللي على القناة لكن مش مسامح تمامًا في ڤيديوز الكورس بتاعه اللي بتتداول صوت وصورة حاليًا!
