2017-06-22 21:25:31
استمرار العلاقة ما بتحكم بعدد السنين اللي عشتوها مع بعض يعني ما تفتكرو عنو لو استمرت علاقتكم خمسه سته سنين دا معناه انو كدا مهما يحصل بينكم مش ح ينفع تخلو بعض لا ممكن
انتو عارفين العلاقات دي أشبه بي شخصين ماشين في طريق طويل وشايلين حمل معاهم
المفروض انو كل واحد يشيل شويه من التاني ويفضلو يخففو عن بعض إلى آخر الطريق
بس احيانا بتحصل انو بس نمشي شويه ببدء طرف يحمل على التاني ويفضل يحمل ويحمل الطرف التاني بحاول يتحمل ويتحمل معتمد الطرف الاول على انو الطرف التاني مش ح ينفع يسبو بعد السنين دي كلها ناسي فكرة انو السنين الجايه اكتر بكتير من السنين اللي الفاتت
ف شنو بيجي يوم الطرف التاني بشوف انو بجد ما قادر يكمل يلا شنو تلاقيه ماشي بطريقه بطيئة وبحاول يعصر على على نفسو لقايت يصل لي طريق مسدود وهناك بوقف و بقول لي هنا وكفاية
وانت كدا ح تقول بعد العمر دا كلو ح تبيعني
لا ي عمري انت هو مش باعك انت هو باع جزء من عمرو اللي الفات و اشترى بيه باقي عمرو اللي جااي
#فشنو_نصيحة اوع في يوم تقول انو الزول دا انا خاتيهو في جيبي وضامنه انا بقول ليك انو اي زول عندو طاقه محدد بس يصل ليها مش ح يقدر يمشي خطوة واحدة لي قدام
فشنو حافظو على البتحبو هم كل ثانيه وكل لحظه مهما طال بكم الزمن عشان ما تفقدو هم
#نصيحه
#بت_ود_جدة
1.0K views18:25