جواد كاظم الگرعاوي

2022-07-31 07:33:01 هلالك ريت لابين ولاهل
والف لامرحبه بجيته ولاهل
عفتني لاوطن عندي ولاهل
غريبه محيره بالغاضريه... باز کردن / نظر دهید

2022-07-30 19:57:31 يا شهر يا شهر...راجع بياخبر
عن غريب الطفوف...والكفيل الكمر
____
يا شهر عاشور جيتك جية العام
لواجيت بهالسنه وعندك خبر هام
بلكي هذا العام مامحتركه الخيام
بلكي زينب ما مشت مسبيه للشام
بلكي من كربله...ردت مدلله
تمشي وبلايه خوف..والكفيل الكمر
_______
بلكي راجع هالسنه بقصه جديده
مانوخذن للسبي سكنه وحميده
بلكي عبدالله السهم ماحز وريده
ولارقيه ماتت بديره بعيده
بلكي تنكر شفت..ماتت اعله الطشت
زحمه زركه الجتوف..والكفيل الكمر
_______
بلكي ماسامع بجي ولاونه
ونياح
ولاشفت روس الهواشم فوك الارماح
بلكي جاي بخبر تحمل بيه الافراح
حسين فوك المهر باقي وبعده ماطاح
وزينب استبشرت..كل اهلها نجت
حسين سالم تشوف..والكفيل الكمر
_____
مقتلك هاي السنه هم يحبس أنفاس
القاري يبجي والمحب يلطم على الراس
بلكي مايذكر تهشم راس عباس
ولايكول حسين تحت الخيل ينداس
ما يمر بعطش..ولاشمر وثنعش
ماحصل اي خسوف..والكفيل الكمر
_____
امنياتي بمجلسك اسمعلي قاري
يكول زينب ابد ماطرت صحاري
ولاشمر عكب الكفيل الها يباري
وجذب ماجان الدمع من عدها جاري
مامشت وي غرب..هالروايه جذب
ماتطر الصفوف...والكفيل الكمر
_____
يامحب باحزاني جيت وجايب البين
هالكلام الي تكوله مصدره منين
جيتكم عندي خبر متوذرحسين
وخته من بعد الخدر طبت دواوين
هذا اخر حجي...تحضرو للبجي
شهري شهر الحتوف..والكفيل الكمر

جواد كاظم الكرعاوي باز کردن / نظر دهید

2022-07-27 11:46:13 طلع البدر علينا من ثنيات الوداع
ذا حسيناًَ قد اتانا ثائراً للہ داع
--------------------------------------
الله مايخلف وعوده بيوم واعد كربله
هذا ابوالسجاد اجاها بالأهل والعايله
ضجت ارض الغاضريه بالمراحب والهله
من لمس جدمه ثراها صارت أشرف هالبقاع
---------------------------------
طلع البدر علينا جايب وياه الشمس
زينب الحره العقيله البلخدر معروفه امس
ليش اشوفنها حزينه چنها ياعالم تحس
وي بدرها اوي گمرها بكربله يصير الوداع
--------------------------------
طلع البدر علينا ايد، بيد وي الگمر
نصبوا لزينب خيام وگصدوا لشاطي النهر
حسين گله يابوفاضل هالشريعه الها، مهر
هامك وعينك مهرها ياعضيدي والذراع
-----------------------------
طلع البدر علينا شايل بچفه الرضيع
وچف رفعها للسماء ويشكي للرب السميع
ساعه لن هاي الچفوف انصبغت بدم النجيع
حرمله صوب رگبته بنبلته وفض النزاع
-------------------------------------
طلع البدر علينا وياه نجمه مدلله
شفته قبلها وشبكها وبالچفوف اتقبله
چني اسمع وين اروحن بويه بعدك تسأله
لومشيت اتگله اشعر ياحبيبي بالضياع
-------------------------------------
مثل شمس الله بسماها حين تطلع كل صبح
طلع البدر علينا راس مرفوع برمح
بجسمه مزدحمه الجراح وجرح مدفون بجرح
للسيوف وللرماح اعله الجسد صار اچتماع

جواد كاظم الگرعاوي باز کردن / نظر دهید

2022-02-24 23:07:17 وداع...ليل الهظم بعدك يجن
وداع...والدمعه مذبوحه بجفن
وداع...نادت طوامير السجن
وداع....... ...وداع
---------------------------------------
باخر ترانيم السحر...سجدة وداع وي القهر...ياموسى بيها ترفع الچفوف
چن سجدتك قبله ونحر...ترسمها لمسات القدر...بس بأنامل تشبه السيوف
اخر وداع وي النفس...غربه وتبينها الشمس...غربه وكأنها غربة الطفوف
مصباح عاشر جمعتك...عيون المنايا اتعنتك...من كل كتر تبرالك الحتوف
وحيد....ياجامع اسرار العلل
وحيد.....بين الغدر بين الجهل
وحيد.....بالدمعه تربي عله الاهل
وداع.......وداع
----------------------------------------
مستقبل الموت بعزم...والوقعه ثغرك مبتسم...ثغرك عجيبه مورد الكتاب
مابين ثغرك والچبد...شسوت سچاچين الحقد...مانلگه بس عد روحك الجواب
سم التوسد مهجتك...ذبل محاسن وجنتك...زود الم روحك على العذاب
مستصحب وياه الأمل...بس مايتم الا بأجل...ساعتها يفتح من فرجها باب
يموت...وي موتتك طاري الصبر
يموت..بوجه القناديل الفجر
يموت...ويودع سنينه العمر
وداع......وداع
------------------------------------------
من طالتك چف الرده...طر الفجر مابي نده....وجه الصبح مظلم عله العباد
اوراق الشجر تجري الدمع...صوت البلابل ينسمع....ينادي بحزن حي على الحداد
مايترس العين الضوه..والريه خانگها الهوه...السبعه بمداها اهتزت الشداد
مد البحر اصبح جزر..للنسمه خاطر منكسر...بيض النوارس لبست السواد
عليك.....صارت تون ارض وسمه
عليك....املاك العرش متزاحمه
عليك....بالونه نادت فاطمه
وداع........وداع
-------------------------------------------
بچفوفك قيود الظلم...بصدرك مظالم تنكظم...والكاظمين الغيظ سرها بيك
حلمك كسر طود الحلم...بس الله يملك هالعلم...ويدري شكثر من حلمه مَن عليك
العفوا عله وجهك منرسم...حتى بمماتك مبتسم...خد الورد بدموعه يرتجيك...
لليگصدك تبدي بنعم...چي لنك انت ابن الكرم...اسباب المنيه بينت بديك
بديك....بانت حقيقه علتك
بديك...تحمل حوائج شيعتك
بديك...يوم ارفعتها ونادتك
وداع.......وداع
-------------------------------------------
چفوف الملائك حملتك...صلت جمع بجنازتك...طافت عليك بونه وبنحيب
سارالنعش صوب الجسر..ويشيعك موكب يسر....يتقدم الموكب نحر خضيب
بيه العقيله ام الخدر...تحديها زجرات الشمر....موكب غريب يشيع بغريب
جنازه ويساره بلا وطن...بالكاظميه اتجمعن..بس الشماته ومايصح حبيب
غريب..يالكاظم وصوت المحب
غريب..بس همسه منك يقترب
غريب...بدمعه عله نعشك تنكتب
وداع...........وداع
-----------------------------------------
الماحضروا بدفنك امس...ولي يندبونك همس...ياسيدي بعينك صرت تشوف
من كل كتر گصدوا زحف...النعشك الف يتبع الف...مو اربعه اتشيل النعش الوف
ياسابع انوار الحجج....زوارك مرخصه المهج...ماتلگي بگلوب الغياره خوف
ابابك دمعها اتسبله...وتهوى بخشوع اتقبله...تنادي بانين ولهفه من تطوف
سلام....ياموسى الك وي العهد
سلام....لامانعوفك للأبد
سلام....وهالكلمه ماتسمع بعد
وداع..........وداع

جواد كاظم الگرعاوي باز کردن / نظر دهید

2021-09-05 19:06:17 ياكريماً كفه كف الرسول
لقد احتارت بفحواكَ العقول
ياماضياً لله
يَبكيكَ شرع الله

_______________
ياكريماً لايضاها جودهُ بل لا يقدر
كيفَ لا والامُ كوثر كيف لا والابُ حيدر
ان ديوانكَ عامر للوفودـ ماتعذر
انَ من فرط السخاءِ لومسكتَ البور أثمر
ياكريماً بابهُ بابَ السماء
كفكُ الممدود زمزم للعطاء
تسقى به الأفواه
يَبكيك شرع الله
_______________
يا زكيُ النفس انى تملك النفس اصطبارا
انَ سيف الجور اردى صرحُكَ العالي وجارا
ودعاة الدينِ جهراً اضرموا في الدينِ نارا
وبوجهِ الحائرينَ اغلقوا كهفَ الحيارا
باتَ لامأوى لمن لايُستجير
وبكفِ العوزِ يرثيكَ الفقير
بالدمعِ والويلاه
يَبكيكَ شرع الله
_________________
لم تُصافح كفَ ظالم لا ولم تبدي انصياعا
بل وجدتَ الناس تنزو نحو سفيان تباعا
بوجوهٍ البسوها الزهد والود قناعا
وقلوبٌ ادمنوها الزيغَ والكفرَ خداعا
مذ لمستَ الغدرَ في الناسِ اللئام
قُلت للدنيا على الدنيا السلام
قد حلَ مانخشاه
يَبكيكَ شرع الله
_______________
أيها التاركُ طوعاً مكر أرباب السياسه
مذ رأيتَ الكل يهفوا يبتغي سوق النخاسه
حلمُكَ السامي تجلى بالتسامح والكياسه
صرتَ حاكم للمشاعر تمشي من غير حراسه
ولذا قد طالكَ الكفُ الاثيم
فرحلت قاصدا وجه الكريم
يامالكاً للجاه
يَبكيكَ شرع الله
____________
لهفَ قلبي كيف كان الوقع في قلبِ اخاكا
حينما شاهدَ طشتاً فيه افرغتَ لضاكا
بين كف الموتِ ملقى ذاحسينُ قد نعاكا
و حنى الظهر انكساراً بدمِ الدمع بكاكا
زينبٌ تبكيكَ بالدمعِ الهدير
يا اخي أضرمتَ في قلبي السعير
ألقيتَ فينا الأه
يَبكيك شرع الله
________________
كيف للعباسِ يصبر وبه الطوفان فاضا
عندما شاهدَ نعشاً فيه للنبلِ اكتضاضا
ورائ الفتنه تبدي لثرى الدفن اعتراضا
تمتطي بغلة حقدٍ فعلها كان امتعاضا
منعوكَ الدفن ياسبط الحبيب
ابعدوكَ عن محمد كالغريب
والمنع بالإكراه
يبكيك شرع الله

جواد كاظم الكرعاوي باز کردن / نظر دهید

2021-08-13 15:09:55 عاشكين... المجلسك اجينه
رافعين.. بحضرتك ادينه
يحسين اخذ منه العهد موقع بدمانه
لامانعوفك للابد انت مبتغانه
--------------------------------------
من قوانين العشگ.. اليحب مايفترگ.. لحضه وبروحه يضم حبيبه
واحنه من نهوه صدگ....بالعشگ مانلحگ.. شيعه والله ومن نحب مصيبه
وي النبض اسمك يدگ.. وي العبير الينشهگ.. بلسم انت وكل جرح طبيبه
نرضه بالحب نحترگ.. وبالحوافر ننسحگ.. وعالرمال اجسادنه سلبيه
يالثلث تيام جسمك عالوطيه
رضت عضامه الخيول الاعوجيه
حاضرين.. ارواحنه تشوفك
بلامعين... حاير بطفوفك
لابد يبو اليمه وصل للخيم ندانه
لامانعوفك للابد انت مبتغانه
-------------------------------------
مجلسك باب الكرم.. واليكصدك ماندم.. بس خدمتك جوهر الكرامه
يالجبتنه من العدم.. وصار بالخدمه سهم... النه وتشرفنه بالخدامه
حتى نتسجل خدم.. كون نبچيلك خيم... كون نتنفس هوى ويتامه
بكل گلب عدنه الم.. وبالذنوب انقر نعم... صوتنه يناديك للقيامه
احنه غير حسين ماعدنه وسيله
والذنوب هواي چفته ثجيله
ياحسين... صرخة الموالي
ياحسين.. مروتك يغالي
يالماعفتنه بكل وكت وبالشدد معانه
لامانعوفك للابد انت مبتغانه
-------------------------------------
گالو وصح المثل.. من الحب ماقتل.. بسبب حبك حللو دمانه
الحبك مصاحب اجل.. وعيبه مايعرف وجل.. ومايعرف الذله والمهانه
بلايه شك ومحتمل.. حبك يزكي العمل.. وللمحب يوم الحشر ضمانه
وحيك علينه نزل.. يكول احفظو المستهل..ودونه بلوحه عشك هوانه
خدمتك يحسين مانطلب سواها
حتى فطرس عالملك بيها يتباها
بالعزاء.. كل نبي يشارك
بالسماء... تندبك الملائك
يلشرفت اهل الارض عينك لسمانه
لامانعوفك للابد انت مبتغانه
-------------------------------------
بهالدموع الهايمه.. نواسي امك فاطمه.. ندري تحضر مجلسك وجينه
بالجفوف اللاطمه.. نريد منها مكرمه.. ابابها ممدوده كل ادينه
عليها نقسم بالضمه.. .بالحسين ومأتمه. ترضه عنه ولو رضت علينه
يرضه خلاق السمه.. انول حسن الخاتمه...مروه يازهراء سجلينه
سجلينه بدفتر الخدمه الشريفه
تقبلينه خدم مولاتي العفيفه
خل نموت.. بخدمة العقيده
بينه صوت.. يردد القصيده
ياخامس اصحاب العبا يانجم سمانه
لامانعوفك للابد انت مبتغانه
-------------------------------------
واحنه بالذر نستعد.. بصوتنه رغم البعد.. صحنه يحسين انت بالضماير
حاشه ياراعي المجد.. عن طريقك نبتعد.. شمابقينه تبقى هالشعائر
من اجت زمرة هند.. بلحضه صرنالك حشد.. فزعتنه فتوة المنابر
زند مشدود بزند... نذور قدمنه الورد.... صحنه يابو اليمه عالسواتر
كلنه عد امرك و أمر المرجعيه
ماتدنس ارضك احفاد ال اميه
هايمين.. بدمعة المجالس
ثائرين... كلنه صرنه عابس
يالأسمك انخط بالدمه ورفرف بلوانه
لامانعوف للابد انت مبتغانه

جواد كاظم الگرعاوي باز کردن / نظر دهید

2021-08-12 21:09:28 لاتعتبين عليه لاتعتبين
من كلتلج ضلي خايف لاتموتين
كربله رحله طويله
وانتي يبنيتي عليله.. لاتعتبين
……………………………………… ....
لويصح بيدي اخذتج لكن الموقف صعب
فاطمه انتي مريضه بويه وبعيد الدرب
حيره يبنيتي الحبيبه مايطاوعني الگلب
شلون اعوفنج وحيده ومشي لديار الغرب
صعب الفراگ يبويه صعب الفراگ
لكن هواي رسايل اهل العراگ
حاير ومابيدي حيله
وانتي يبنيتي عليله.. لاتعتبين
………… .. . …………… .…… .
گربي مني خل اودعج حادي الضعون ابتعد
خل اقبلج خل احضنج خاف ماشوفج بعد
گبالي لاتجرين دمعج احس دلالي انمرد
صبري صبر الزهره امي هذا من الله وعد
ردي للدار وحيده ردي للدار
ولاتتبعين ورانه طبع الاثار
شيلة اهلج موقليله
وانتي يبنيتي عليله… لاتعتبين
…………………………………… …
طارش ابعثلج يجيلج ردي بويه ادللي
ردي بس نوصل اودي يجيبج الاكبر علي
خلي عينج عالگمر ليليه بيه اتأملي
لوتغير لونه احمر كولي راحوا كل هلي
گولي الحسين تحير كولي الحسين
گطعوا جفوف اخيه وطفوا العين
گولي محتاره العقيله
وانتي يبنيتي عليله.. لاتعتبين
…………………………………… .
ردي بويه لدارج احسن شيلي فكرة هالسفر
عالمشي جسمج نحيل وماتحملين القهر
محنه ارض الغاضريه كلها صدمات وخطر
هناك شيضل بدليلج لوسمعتي بالنهر
مايه ممنوع علينه مايه ممنوع
شكم طفل بالخيمه ضل من الضمه يلوع
العطش فطر دليله
وانتي يبنيتي عليله.. لاتعتبين
………………………………………
نفرض اوصلتي الطفوف وهالفرض واقع وهم
منيلج حيل الركض لوحركت النار الخيم
بيمن تلوذين بويه لومعسكرهم هجم
ماضن تعيشين ساعه لوسبوج وي الحرم
سبي الانذال يروعج سبي الانذال
جر الاحبال يموتج جر الحبال
من تركبين الهزيله
وانتي يبنيتي عليله… لاتعتبين
……………………………………
من تودين الرسايل لاتذكرين الجمع
خافن اقراها وي روحي ويفضح عيوني الدمع
خاف الاكبر بالرساله اقره والون يرتفع
واقره اسم عباس بيها وگلب زينب ينصدع
بس تذكرين رقيه بس تذكرين
يفز عبدالله من اديه ويفتح العين
سكنه ونتها ثجيله
وانتي يبنيتي عليله.. لاتعتبين

جواد كاظم الكرعاوي باز کردن / نظر دهید

2021-08-11 20:44:36 يا شهر يا شهر...راجع بياخبر
عن غريب الطفوف...والكفيل الكمر
____________________
يا شهر عاشور جيتك جية العام
لواجيت بهالسنه وعندك خبر هام
بلكي هذا العام مامحتركه الخيام
بلكي زينب ما مشت مسبيه للشام
بلكي من كربله...ردت مدلله
تمشي وبلايه خوف..والكفيل الكمر
___________________
بلكي راجع هالسنه بقصه جديده
مانوخذن بالسبي سكنه وحميده
بلكي عبدالله السهم ماحز وريده
ولارقيه ماتت بديره بعيده
بلكي تنكر شفت..ماتت اعله الطشت
زحمه زركه الجتوف..والكفيل الكمر
___________________
بلكي ماسامع بجي ولاونه
ونياح
ولاشفت روس الهواشم فوك الارماح
بلكي جاي بخبر تحمل بيه الافراح
حسين فوك المهر باقي وبعده ماطاح
وزينب استبشرت..كل اهلها نجت
حسين سالم تشوف..والكفيل الكمر
_____________________
مقتلك هاي السنه هم يحبس أنفاس
القاري يبجي والمحب يلطم على الراس
بلكي مايذكر تهشم راس عباس
ولايكول حسين تحت الخيل ينداس
ما يمر بعطش..ولاشمر وثنعش
ماحصل اي خسوف..والكفيل الكمر
_____________________
امنياتي بمجلسك اسمعلي قاري
يكول زينب ابد ماطرت صحاري
ولاشمر عكب الكفيل الها يباري
وجذب ماجان الدمع من عدها جاري
مامشت وي غرب..هالروايه جذب
ماتطر الصفوف...والكفيل الكمر
_____________________
يامحب باحزاني جيت وجايب البين
هالكلام الي تكوله مصدره منين
جيتكم عندي خبر متوذرحسين
وخته من بعد الخدر طبت دواوين
هذا اخر حجي...تحضرو للبجي
شهري شهر الحتوف..والكفيل الكمر

جواد كاظم الكرعاوي باز کردن / نظر دهید

2021-08-11 20:41:17 هلالك ريت لابين ولاهل
والف لامرحبه بجيته ولاهل
عفتني لااخو العندي ولاهل
خذتهم مني ياشهر الرزيه باز کردن / نظر دهید