في بعض الأشخاص بعيشوا بحياتنا بشكل سرّي كتير، يعني هيكي بتحسّ | - لُطف♡.
في بعض الأشخاص بعيشوا بحياتنا بشكل سرّي كتير، يعني هيكي بتحسّ حالك مخبّيهن بجيبتك الشّتوية الدّافية، كل ما بردت معك الظروف بتهرب لهونيك وبتدفا. هيدول الأشخاص ما بتجمعك معن يمكن إلّا صورة وحدة، يمكن ما بتحكيهن تفاصيل يومك، بمكن كمان قدّام النّاس بتبيّن علاقتكن عاديّة، بس هيّ أعمق من هيك بكتير، وأقرب من هيك بكتير. هيدول الشّخصيّات بالتّحديد بلفّوك بالطمأنينة من كلّ جوانبك، معن بتعرف إنو كلّ شي ح يصير حلو، حتّى لو كنت حاسس إنو الحلو مستحيل. بحولولك المستحيل لممكن. هالأشخاص هنّي مونة الأيّام يلي بتخاف منّا!
