نصيحة كدا ع الماشي أنت مطلوب منك تذاكر وتتعب وتعمل اللي علي | الثانوية العامة ملخصات

نصيحة كدا ع الماشي

أنت مطلوب منك تذاكر وتتعب وتعمل اللي عليك وتسهر الليالي.

بس مش مطلوب منك تحط نفسك ف مقارنات بينك وبين صحابك دا ذاكر أكتر منك دا جاب الدرجة النهائية دا عمل دا سوى.....
متقارنش نفسك بحد .. 
لأن في فروق فردية بينك وبين صحابك كل واحد وليه قدراته فمتقعدش تقارن نفسك بغيرك.
- حتى لو أنت مقصر ف مذاكراتك اتعب وذاكر وشد حيلك و مرة مع التانية هتلاقي نفسك بتتحسن حتى لو بتذاكر كمية صغيرة مع الوقت هتلاقي عدد ساعات مذاكرتك بتزيد تلقائيًا متقلقش أهم حاجة متقفش.
- بتغلط عادي خالص اتعلم من غلطك واستفيد منه وحاول متقعش ف الغلط مرة تانية وبعدين أي حد بيغلط ف سؤال بيفضل معلم معاه ومبينساهوش بسهولة.
كل اللي أنت محتاج تعرف المعنى الحقيقى لتوكل اتعب واشتغل على نفسك وسيب الباقي على ربنا
ربنا قال (وقل اعملوا) مقلش (وقل انجحوا)!!
مطلوب منك السعي والجد، والنتيجة بإيد ربنا، متقلقش ربنا معاك فوض أمرك ليه.

عافر هتوصل.