2023-01-04 21:09:19
خلاص هتاخد إجازة مع أغلب المدرسين مع نهاية الشهر ده ولمدة أول 10أيام من شهر 2
وده في تقسيمة الوزارة والأغلب بيمشي بيه
بس أنت إيه رأيك تاخد الشهر ده كامل مذاكرة بجد وتضغط على نفسك شوية وتنهي فترة الكسل دي وترجع أفضل من الأول وتلم كل اللي عليك وتراجع على اللي فات وتذاكر الجديد كمان
ده مش صعب لو أنت حاولت، بس لازم تنهي الشهر ده وتدخل الإجازة ترتاح شوية عشان الفترة اللي جاية اللي بيكمل هو اللي بيوصل
لو ذاكرت كل يوم عدد ساعات الفترة دي يعني هتقدر تخلص فيهم كل اللي عليك سواء جديد أو قديم وتراجع كمان
بس أنت توكل على ربنا وانسى الإهمال والكسل اللي فات وابدأ من تاني
حتى لو فيه مواد واقع فيها خالص، هتلحق تخلصها بس اديها وقت زيادة عن الباقي وهتلحق تخلصها وتبقا متقن قبل فترة المراجعات بإذن الله
بس سيب التلفون اللي بيعطلك واقفله، وابعد عن كل حاجة كانت بتشتتك الفترة اللي فاتت وابدأ صفحة جديدة.
187 views , 18:09