2022-04-29 18:36:56
ده لیسی‌یم
نئیله‌ییم ازه‌لــــــدن بئله‌دیر طبعیم
طبیعت ده‌لیسی، چـــؤل ده‌لیسی‌یم
هارداسا گؤرورم، قیلیــــرام سجده
گؤزه‌للیک ده‌لیسی، گول ده‌لیسی‌یم
نئیلیرم دونیـــــانین آلتین، آخچاسین
گَزیرم یوردومـــون باغین، باغچاسین
آچساز اوره‌ییمین باغلــی بوخجاسین
نه، شهرت، نه ده‌کی، پول ده‌لیسی‌یم
سورساز اوره‌ییمی بودور باخ، سؤزو
ائلین سربستلییـــــی، آرزیمین گؤزو
سؤنولمز باغریمین کوکره‌نمیش کؤزو
وطن ده‌لیسی‌یــــــم، ائل ده‌لیسی‌یم
گاهدان شوغ شیغاییب طرلان سایاغی
کئچیـــــــــرم دَره‌نی تپه‌نی، داغی
اولــورام «هه
دوشوبـــــــدوکؤنلومه یئنه «بورزه‌لی»،
«آلمالی»،«نووه‌دی»،«آزگی»،«خانعلی»
بونـــــــلار«یانار»ی دا، ائتمیشدی ده‌لی
سؤیلـــردی: داغـلارین یول ده‌لیسی یم
آلیب قراریمی اوداغــــــــــلار منیم،
اوبالی، اویماقلی یایلاغـــــــلار منیم،
قیز ـ گلین شاقراقلی بولاغــــلارمنیم
آی آشیق بیـــر ساری تئل ده‌لیسی‌یم
هارای توتقونلوغون، هارای الیندن
هارای گؤزلریمین داشقین سئلیندن
آی «چنگـی» آنامین لایلا دیلیندن،
یاز منه بیر قوشقو، دیل ده‌لیسی‌یم
285 views15:36
ا
