هاجر الورفلي ❤⚔-Joree AlWerfli

2021-10-09 01:42:02 مساء الخير دفعتنا
هاردلك لمنتخبنا طبعًا اكيد كلكم شفتوا المباراة
+ وشن رأيكم في قرار التعليم بخصوص البداية في 7.11 ؟
وهل جاهزين او لا؟
#هاجر_جمال_الورفلي باز کردن / نظر دهید

2021-09-16 02:39:26 مساء الخير ، اول شي صلوا على النبي محمد ، عليه الصلاة والسلام ، ثانيًا اسف عشان اختفيت عليكم نمر بفترة خمول بشكل سيء
جاية بنشارككم
طبعًا كراسة هذ لقدامكم في عطلة كورونا كتبت فيها التجارب لاستفدت منهم ، ونصائح من ناس في حياتي فعليًا ماشاء الله ناجحين في حياتهم ، ونصائح من يوتيوبر مأثرين فيا بشكل إيجابي ، كراسة هذ بديت فيها يوم 19.8.2020 وعبيته كله ليوم 30.11
كل مرة نقرأ منه كم ورقة وفعليًا منصدمة في الفوائد لفيه
نهاية لكتاب كتبت اهداف السنة بحكم بعدها بديت قراية معش فضيت ف لقيت روحي من 13 هدف حققت بس 4 اهداف وشي هذ محبطنش بالعكس فرحت ومازال السنة ماكملت نقدر نلحق نحقق الباقي ف جيت نحكيلكم الكلام هذ تبوني نشارككم شن فالكراسة هذ وشن رايكم حتى انتو اديروا اهداف لباقي السنة ؟
#هاجر_جمال_الورفلي باز کردن / نظر دهید

2021-09-15 13:53:00 مبارك لكل الناجحين تستاهلوا كل خيررر
والراسبين مش نهاية الدنيا تعوضوها باز کردن / نظر دهید

2021-09-14 14:18:27 بشرونا نجحتوا ؟ باز کردن / نظر دهید

2021-09-09 00:25:04 اهلاً اي حد حابب يتعلم انجليزي بشكل عام وع بداية الدراسة حايكون شرح قواعد شهادة ثانوية تفضلوا للقناة هذ

@tanyatanaweyalmey باز کردن / نظر دهید

2021-09-08 13:05:02 سادس شي اختبر نفسك فالدرسته وشوف لخش دماغك كيف استفدت منه لأنه اهم شي تمحتن نفسك عشان تكون واثق من نفسك لما تدخل للامتحان .
---
يوم الأختبار :
خليك محافظ ع نوم كافئ لدماغك عشان يرتب المعلومات .
اعرف كيف تتعامل مع قلقك بالتأكيدات الايجابية .
متحاولش في صبح الامتحان انك تتعلم معلومات جديدة راجججع فقط ع لعندك واكد عليه مليون بالمية متخلش اي حد يلخبط دماغك بمعلومة جديدة ف يحتاج وقت بيش يثتبها ف يتلخبطن كل المعلومات لعندك .
ابتعد ع الناس لتوزع في قلق وطاقة سلبية ( حي علينا امتحان صعب قالوا ،مش حانحلوا ، راسبين من توا ) ابتعد عنهم وخليك بيقين انك حاتفورم و امورك تمام .
جهز نفسك من ناحية النفسية ، ومن ناحية ادواتك وكل شي عشان متقعدش  محتاج شي فالقاعة ، و خليك في كرسي مريح مثلاً فيه اضاءة كويسة ، مش مزعج لك .

فالامتحان حتى لو حسيت روحك مفورم وحليت كل الاسئلة حتى اصعبها خليك لأخر الوقت و استرخي وخلي دماغك يرتاح ويحسب حسبته لو في اي لخبطة متقعدش متحمس وبتسلم وخلاص ، وسبحان الله لما تركز ع نفسك وملكش اي اهتمام بالجنبك فالقاعة امتى يسلموا وشن يستصعبوا وتخلي دماغك يسترخي حاتلقى اجاباتك تتحسن و حاتحل وانت رايق وتطلع اخر واحد وانت رايق و حاط يلي يمثل شخصيتك ودراستك بالشكل الكامل والكامل لله.
في استريجات واجد لحل الامتحان (حانلخصها في بوست اخر لآنها موضوع طويل حاتساعدك اتحل الmcq بشكل نزيك*)

نهاية الملخص .
ونكتفي لهذا القدر حاولت بشكل ملخص في نقاط نحطلكم الكتاب ان شاء الله نكون فدتكم ، وفعليًا تعبت عشان نطعل بهالزبدة ولو تجربوها وتخلوها روتين لدراستكم حاتنفع معاكم وتخفف عليكم ضغط نفسي بشكل كبير جدًا  ، وحا نزل اخرى ونفيدكم في طرق الدراسة ان شاء الله نفعتكم بالبوست ديروله save وارجعوله ديما وحانحطه ع قرب السنة الدراسية عشان تلتزموا من البداية ، دعواتكم
#هاجر_جمال_الورفلي باز کردن / نظر دهید

2021-09-08 13:05:02 نهاية الجلسة تبع دراستك هذ اطلع بالنقاط المهمة هذ
-حددت مكان قرايتك و روقت دماغك وجهزته
-نظمت جلسة دراستك بالقائمة تبع المهام لدرتها
-كتبت الملاحظات المهمة فالمادة لتدرس فيها + طبقت طرق التعلم قريت بصوت ، قريت بعيوني ولونت المهم وكتبته في نوتات + سمعته ع روحي لانه التسميع شيي مهم جد وحايرفع ثقتك من نفسك وانت تجاوب
-راجع ع الباب لقريته سوا من الملاحظات لدرتهم او من لمحدده انت بشكل مهم .
- لو كملت قائمة المهام كلها نصيحة ديروا نظام المكأفاة عشان يحفزكم كل يوم * كملت قراية خود مكأفاة ، نسكافيه وشكلاطة ومسلسلك المفضل ، نطلع ندهور ، نفتح نت ، المهم اي جائزة لأنجازك العظيم هذ .
(((ملاحظة مهمة : الملخصات لتدير فيهم لكل باب ولكل مادة احتفظ بيهم عشان نهاية السيم تراجع منهم يعني الهدف من الملخصات هذ كلها والنقاط المهمة وخرائط الدهنية عشان السنة كلها تكون معاك وتزيدك ثقة بمعلوماتك فكل امتحان )))))
و شي اخر الجلسة متاع القراية هذ كلها متخليهاش اطول واجد خودلك راحة بين فترة وفترة متقعدش ساعتين متواصلات فمكان حتى لو كنت منسجم ! جوك حايخرب لا اردًايا وحاتحس انك تعبتت وتوقف
مرة مرة عشر دقائق رست (متفتحش الفون او التلفزيوووون )
تمشى شم هواء فالجنان ، دير شي تشربه ، صلي وهكذا لكن اي مشتت زي التلفزيون او الفون لااا حاتلقى الوقت قعد ساعة مش 10 د
-
تمام حانمشوا ع نصائح هذ بس طبيعي اوقات مش حانركز وحانتشتت شن الرأي توا ؟
- متفقين هذ لازم منه الشي هذ في قرايتنا او شغلنا خلينا فالبداية نعرفوا شن هن عوامل التشتيت
اول شي عوامل التشتيت الخارجية حايكونن زي الكرسي لتقرأ عليه مش مريح ، جو ضغط وحمو ، هرجة العيلة ، كل شوي ينادوا فيك ، صوت تلفزيووون عالي ، تلفون يرن.
طبعًا هذين مقدور عليهن بعد حددنا مكان مريح للقراية و نبتعدوا ع الهرجة
لكن عوامل التشتيت الداخلية : زي موضوع شاغلك ، مشكلة صارت معاك ، مريض برد مثلاً حاتحس بتعب ومجبور انك تقرأ ، سوء تغذية ، نقص فالنوم بسبب السهر ف حاسس بصداع رهيب ونفسية مش نفسية قراية .
تمام شن الحل ؟
لازم تحل المشكلة لصايره معاك بيش تقدر تخفف ضغط ع نفسك ، تهتم بصحتك كويس من ناحية اكلك و نظامه ميكونش معبي حاجات معبية امراض واجد حاول تخليه صحي اكثر معبي امية وفواكة و نظام منعش ، النوم متسهرش اشبع نوم بال8 -7 ساعات حايكون يومك طبيعي مفيهش اي صداع او مود مش حلو .
فوتوا هذ كله !
في شي حايقولك انا اصلاً ليش ندير في هذ كله ؟
الجواب حايكون منك ك شخص حابب ينجح ويفرح بنفسه ويفرح هله ويحقق طموحاته كلهن
ونصيحة مني اهتموا بأنفسكم ك صحة جسدية ونفسية وزيدوا ثقتكم بأنفسكم وابتعدوا ع اي حد يقلل من قيمتكم خلوا شخصيتكم فالمستقبل مثال وقدوة * وطبعًا( الشيء هذ انا بروحي نشتغل عليه ميكونش في بالكم انه انا انسانة في قمة المثالية تجيني اوقات ننحبط ونبكي وننهار وكل شي )
دامك سيطرت ع هذ كله مستحيل دماغك يتشتت وحاتركز ونضمنها لك مليون بالمية وعن تجربة .
نصائح اخرى : حاولوا ديما تكتبوا او تتناقشوا مع حد كبير في اشياء مسببتلكم قلق نفسي فالنهاية نحنا بشر ومش كلها حياتنا شغل وقراية لازم تخصصوا وقت لسلامكم النفسي .
-
خلوا عندكم خطة للعودة للساحة تبع القراية والشغل والمنافسة والكل شي ، اكيد حاتجيكم فترات تنحبطوا وتخف انتاجيتكم و حماسكم
الخطة تكون تحسين الشي لغلطتوا فيه بحيث متعاودوش الخطأ .
-
جاء يوم مثلاً في نص السنة ونص التعب ونص الاسبوع وحاولت ادير النقاط لفوق كلها ومقدرتش لأنك فعلاً تعبت من الضغط شن ادير؟
خوده يوم اجازة ! اها يوم اجازة لأنك حاتكون اضيع في وقت ع فاضي لا دماغك يستوعب ولا نفسيتك تقدر ،تريح وخوده يوم اجازة رفه عن نفسك وثاني يوم رد وطبق النقاط لفوق وعادي بكل مش نهاية العالم .

عندك امتحان نهاية سنة او جزئي او شهري شن حايكون نظامك ؟
اول شي خليك واثق من قدراتك ونفسك بما انك مجتهد ومتواصل من بداية السنة *
ثاني شي خليك مستعد بملخصاتك لشتغل عليهم من بداية السنة والنقاط المهمة والمراجعة  حاتكون 100% مستعد .
ثالث شي خليك منظم كل شي سوا قائمة المهام سوا نفسك ونفسيتك سوا خطتك لبتدرس بيها لليوم هذ .
رابع شي لما تقرأ حدد الاشياء المهمة لتبي اضيع وقتك فيها متضيعش ع اشياء تافه وساهلة وتخسر حماسك ونشاطك فيهن حدد الاولويات وكل شي مهم وابدأ بيه
خامس شي حافظ ع انضباطك فالمدة لقريتها ، ولو كانت المادة دسمة خليك ع نظام (فرق تسد) بمعنى تفكك المادة بشوي بشوي لمهام اصغر كل ما تقرأ عدد دروس معين كل ماتبسط عليك الموضوع ولتكمله خود راحة شوي و رد المادة حاتفكك وتقعد اسهل فنظرك لأنك مرتب امورك . باز کردن / نظر دهید

2021-09-08 13:05:01 ملخص لكتاب:
بخصوص بوست امس ناس واجد طلبت مني زبدت هالكتاب الايام هذ مش بداية السنة الجاية .
ف اهم نقاط طلعت بيهم وطبقتهم حاليًا + بوست طويل بكل * بس حرفيًا مكتوب في نقاط حاتنفعكم + ع قرب السنة الدراسية حانشاركه من جديد عشان ينفعكم او ديروله save
اول نقطة : متخليكش انسان روتيني زيادة في حياتك لأنه الروتين ينتج عنه ملل وكسل زايد
+ خليك انسان كل فترة تجدد عقليتك وحياتك .
ثاني شي التعلم فيه ثلاث طرق واعتقد اغلبنا يطبق فيههن لهوا التعلم البصري: تكون انسان تحب تقرأ منهجك بعيونك اكثر ما تتحرك او تقرأ بصوت تحب تتمعن فالورقة بعيونك وتركز
-تعلم الحركي: تكون تقرأ وتمشي وتتحرك و تتمشي وتحكي مع نفسك هك وعايش الدور
-تعلم السمعي: تحب تقرأ بصووت عالي وتعاود وتزيد كل شي تقرأه لازم بصوت عشان تركز
شوف نفسك اي نوع تستخدم وطوره وخليك فاهمه كويس مثلا زي البصري عشان دماغك ميسهاش دير الوان للكلام المهم و تمعن فيه كويس و حطله خطوط واجواء هك عشان لما فالامتحان تغمض عيونك فعليًا يكون دماغك مخزنة .
شي اخر شوفوا تلخيص النقاط هذ من ناحية الدراسة *
اول شي خصص مكان للدراسة فقطططط حانقولك ليش دماغك طبعه كسول لو جيت قريت في مكان فيه تلفزيون دماغك مش حايتفاعل معاك بكل يقولك المكان هذ للتلفزيون والهدرزة كيف تبيني نركز معاك يا باشا؟
برضوا تجي لطاولة المطبخ تقرأ عليها حاتلقى دماغك مركز مع لخاش ولطالع ومستحيل تقرألك سطرين
ف خودلك دار هادية فاضية اضاءتها كويسة و مريحة الهواء يخشلها مش مضغوطة + تسدك وتسد كتاباتك وحوستك ومفيهاش اي مصدر ازعاج او تشتت (هدرزة ، تلفزيون ، نت وفونك )
وقتها دماغك يقول مفش حل إلا نقرأ لأنه مفش شي يشتتني ولا يزعجني .
حددنا مكان لقراية تمام اول اسبوع لا ارادًيا بمجرد ما تدخل المكان هذ دماغك يقولك هي نقروا لأنه مكاااان للدراسة فقططط*
حددنا المكان لنقروا فيه تمام
ممكن النقطة لحنحكيها توا حاتكون تافه شوي بالنسبة لك يا اسطورة النجاح ولحاب تكون عبقري الدفعة
التأكيدات الايجابية يا خوتي وخواتييي
ارجوكم احكوا مع دماغكم متهزوش ع النقطة هذ احكوا معاه كلام ايجابي حتى لو الكوكب كله حتى لو الوطن العربي كله متفق انك انسان مش حايصير منك انت اؤمن بدماغك ونفسك
قوله ( انا حانجيب المعدل لنبيه ، انا انسان ناجح ، انا حانحقق لفي خاطري فيه ، انا حانقدر نذكر اي معلومة قريتها وبشكل سمح وحانجاوب )
هدرز وخود واعطي لا اراديًا حاتلقى نفسككك متنهد و خاش بقوة ع الكتابات لقدامك لأنه دماغك اتفق معاك فعلاً انك هك .
تمام وتينا دماغنا والمكان لحنقروا فيه بعدها ؟
حدد افكار جلسة الدراسة دير ليستة قائمة الافكار  ولتكملها شطب جنبها بمعنى
اليوم عندي
واجب عربي
ورقة عمل
امتحان رياضيات
شن استفدت انا يا هاجر ؟
حانقولك شن استفدت استفدت انك
بقيت انسان منظم ، خففت هرجة ودوشة دماغك ورتبت امورك ومانسيت شي ، وحسيت بالانجاز لأنك درت القائمة هذ وانجزتها .
لتوا متفقين وتمام
توا بنبدأ في مادة معينة نقولوا مثلا مادة التاريخ
اول شي اي مادة بتبدأ فيها متبتدش وانت متعقد ومش طايق الكوكب البشري كله
تذكر التأكيدات الايجابية لحكينا عليهن ، صلي ركعتين هك عشان ربي يفتح عليك وتهدى
بعدها؟
اول ما تفتح المادة متبدأش دغري فالدرس لقدامك عشان حاتكون بطيء + مش حاتطلع ب ولا معلومة متذكرها !
باهي كيف بندير؟
اول شي نصيحة: خليك انسان تقرأ اول بأول *+ كل فترة راجع ع المنهج او كل نهاية اسبوع حايفرق معاك واجد صدقني *
لو مقريتش اول بأول دير (القراءة السريعة) بمعنى اقرأ عنوان الباب ، بعدها عنوان درس مر عليه مرور الكرام تذكر الافكار لمتذكرهم من الحصة هذ لنشرح فيها الدرس ع كم موقف حكاته ابلتكم بشوي بشوي مر عليهم كلهم وراجع فدماغك شن لمتذكره من لباب هذ وثابت وراسخ فدماغك حاتلقى معلومات لأباس بها وهذ شي كويسس بكل .
بعدها تقدر تقرأ المادة وتوا طقيت في ورقة مهمة وفيها اسئلة واجد ؟ طقيت تمام
خودلك نوتات عبيهم بالكلام المهم ع طريقة اسئلة mcq حاتفيدك وتنفعك واجد بكل + معلومات مهمة جاية فوسط الكلام خودهن واكتبهن فالنوتة وعلقها فالورقة
بحيث لما تجي تراجع حاتلقى الورقة هذ داير عليها اسئلة ومعلقات فالورقة تهيالي وقتها حاتفوت الورقة وتركز ع لكاتبه انت بنفسك.
ثاني طريقة نصيحححة خليكم ع الخرائط الدهنية ، كيف هذ؟
قاعد تقرأ في قطعة من مادة ومش خاش دماغك او خاش بس بتسهلها ع روحك دير خريطة مثلا فالنص دائرة فيها اسم الشي لحاب تقرأه والتفرعات يطلعن من الدائرة هذ وفيها المهم نعتبروا الشي هذ شخصية معينة بندرسوها يكون اسمه فالدائرة الكبيرة والتفرعات (عمره ، مكان ميلاده ، لقبه ، شن دار ) وهكذا باز کردن / نظر دهید

2021-09-07 18:59:31 شن رأيكم فالصورة الجديدة بس باز کردن / نظر دهید

2021-09-07 18:59:14 Channel photo updated باز کردن / نظر دهید