#علم_الصيدلة_تفاعلكم_للأستمرار حسيت هلباااا يسألوا ع الشي هدا | سنه تالته تانوي 👩‍🏫✒

#علم_الصيدلة_تفاعلكم_للأستمرار
حسيت هلباااا يسألوا ع الشي هدا حبيت نفيدكم
الصيدلة ،،،
5 سنوات مع سنة الاعداد ،،

سنة الاعداد حتقروا فيها 7 مواد
فيزياء و كيمياء و علم حيوان(زولوجي) و علم نبات(بوتاني) وإحصاء ولغة عربية ولغة انجليزية لازم ماتصفيهم كلهم ولو قعدت وحدة تعاودي السيم ع خاطرها

سنة اولي تقرا: يوهستو واناتومي وعقاقير وصيدلانيات وتحليليه 1 وعضويه 1 ،،

سنة ثانيه : تقرا فيها فايتو ، فزيكل ، انجنيرنيق ، بايو كيمستري تحليليه 2 عضوية 2 فسيو ،،

سنة ثالثه: فارماكولجي ، بايو فارما ، دوز 1 ، تحليليه 3 ، بارا ، مايكرو ،،

سنة رابعه: كلينك ، دوز 2 ، بايو تكنولوجي ، باثو ، مبادئ صحة عامه ، كمبيوتر ،،
وطبعاً السنوات اللي فوق مش قانون تقدرو تنزلو الماده اللي تبوها ف السيم اللي تبوه وكيف ماتحبوا انتم وطبعاً هدا بعد الاعداد والسنه سمسترين

واهم شي واللي اغلبهم يسالوا عليه
الصيدلة كالتالي :
كلنا عارفين الشغلة الأساسية متاعها لكن في شي فيها ممكن الأغلبية مش عارفينه ويلي هو تخصص (الصيدلة السريرية).
والشخص هذا يُقال إنه دكتور ، وإنما في أغلب المستشفيات يكون فوق الدكتور ومرّات يقعد المشرف عليه .
كيف تتخرج/ي من الصيدلة السريرية ؟!
أقرا الصيدلة ، وبعد تتخرج/ي منها في سنة إضافية فيها خاصة للأشخاص يلي حابين يتخصصوا في الصيدلة السريرية ، يعني تقرو سنة زيادة بعد التخرج "سنة وحدة زايدة بس".
وتقعدو دكتور/ة و تشتغل/ي في المستشفى .
الحلو في التخصص هذا إنّه مش معروف هلبا فأغلب يلي يخشوله يتعينوا بسهولة بعد التخرج لأن المتخرجين منه عددهم ضئيل على مستوى ليبيا كلها تخيل؟! ومافيش زحمة عليه .
و طبعاً بصفة عامة تخصص #الصيدلة جميل وممتع جداً
#منقول