تخصص التقنية الطبية اولاً من ناحية الشغل عندك فرص عمل كثير | سنه تالته تانوي 👩🏫✒
تخصص التقنية الطبية
اولاً من ناحية الشغل عندك فرص عمل كثيرة ومطلوب جدا.
الكلية ح توريك كيف تشتغل كأخصائي ومساعد طبيب او تحتاج تغذية سليمة وعلاج طبيعي وأشعة وتحاليل وعناية .
جميع التخصصات الطبية عندهن امتحان قبول وتصفية بين الطلبة. امتحانات القبول تعتمد ع منهج ثالثة ثانوي
●النسبة يلي تخششك للكلية بين◇ 85% ◇ تعتمد ع English والكيمياء
بعد امتحان القبول تقرأ سنه عام
الكلية فيها أقسام تخصصية مش كيف باقي الطبيات يعني تختار مجال معين تكمل فيه من الأقسام هذينا لمدة 4سنوات
اقسام التخصص +العمل لكل تخصص: ●قسم تقنية الأسنان: تشتغل عند معامل الأسنان تدير أطقم أو ممرض أسنان وبرضو فني صيانة للاطقام تركب وكذا.
●قسم المختبرات : هذا اكثر واحد مطلوب وعنده فرص عمل كثيرة طبعاَ تتعلم فيه طريقة وأنواع التحاليل المختلفة والمواد و الأجهزة المستعملة فيها *يبي حد حذر بسبب الأمراض من نقل الدم*ح تتعلم الوقاية منهن .
●قسم الأغذية: التغذية الصحية لجسم الانسان وتقدر بعدين تطور روحك فيه وتفتح عيادة ولا مركز او تشتغل في عيادات خاصة وتساعد غيرك .
●قسم التخذير :كلكم سألتوا عليه أكثر شي لازم قلب قوي وتركيز عالي طبعا يحكي على التخذير بأنواعه و العناية الفائقة شغلك في العمليات أو في غرف الإنعاش تقدر تشتغل حتى صيدلة لأنه مواده على الفارما الي هي علم الادوية medicine ابسط غلطه او جرعة زائده تودر البيشن يلي عندك
●قسم علم الأدوية: مش عارفه ليش حبيته من اسمه المهم قسم يشبة الصيدلة وعلى ما اعتقد فرق بينهن في الشغل ان يلي متخرج من الصيدلة عنده رخصة ع شان يقدر يفتح صيدلية لي روحه خاصة وخريج تقنية يقدر يشتغل في صيدليات بس مايقدرش يفتح صيدلية خاصه بيه لانه ماعندش رخصة .
●قسم الأشعة: مطلوب في المستشفيات و العيادات الخاصة والعامة ح تعلم فيه كل ما يخص تقنيات وأجهزة الأشعة السواء وغيرها يلي تتبع جسم الإنسان أو حتى الأسنان وصيانة الأجهزه وطريقة تشغليها برضو يبي تركيز فيه نسبة خطورة بسيطه من ناحيه تعاملك مع الأشعة السوداء.
●قسم العلاج الطبيعي: شغله واسع اضافة للعمل في المصحات و الاسعافات يحتاج لواحد يديه خفيفة ويحب يتعامل مع الناس خاصة كبار السن وتقدر تدير جلسات علاج طبيعي خاصة وفيهن مكسب من ناحيه التكلفه.
