اليوم عدنا فقرة اسمها #استفد هواي من عدنا معرضين للحرق سواء بالماء الحار او حروق شمس او حروق كهرباء الى اخره فراح نحاول نحچي عن حروق الدرجة الاولى والثانية.. اول شي من تتعرض انت او احد افراد عائلتك لاسامح الله لحرق ممنوع تخلي عليه ثلج لان راح يخفظ حرارة الجلد وراح تأذي المكان اكثر مما تنفعه فالتصرف الصحيح انك تخليه جوه الماء الي يكون مايل على برودة او بارد نسبيا تغسل مكان الحرق بالصابون بعد ما حطيت عليه ماء بارد وننتبه لازم يكون صابون طبيعي لان الصابون المعطر يهيج الجلد ممنوع تستخدم اي طريقة من طرق العلاج الشعبية يعني من شفت واحد احترق گبل كسرت البيضة وحطيتها ع الحرق دير بالك تسويها لان مو دائما تنفع التصرف الصحيح انك بوجهك على الصيدلية تجيبله مرهم حروق لان المادة الي بالبيض لربما تسببلي التهاب وتهيج الجلد استخدم الشاش حته تغطي الحرق لكن لاتضغط على المنطقة بقوة خلي اللفة فضفاضة وممنوع تستخدم قطن او اي شي ممكن ان يأثر على النسيج ويلوثه اعطي المريض مسكنات الالم (اللاوصفية). نزع المريض الاكسسوارات او الملابس الضيقة بهدوء ... ممنوع تحاول تفقع الفقاعات الي بالجلد او تحاول توخر جزء من الجلد . 183 viewsDr. Ahmed Ali, 11:34
