ابو طوعه العراقي

2022-10-18 18:22:35 قصيدة ياشيعتي رغم اعداي
جابر الكاظمي

ياشيعتي رغم عداي وگت العطش ذكروني - كلما تشربون الماي وگت العطش ذكروني

ياشيعتي وگت الشرب ذكروني دلالي ظامي - عدواني من ماي العذب حرموني حرمو ايتامي
أنا الذبيح ابلا ذنب سلبوني والجسم دامي -دمع الحزن والأشجان يا شيعه لا تنسوني
أنا الغريب العطشان وگت العطش ذكروني

يا شيعتي نار العطش بين احشاي تلهب وتسري - گلبي انخمش فكري اندهش من دنياي وليدري يدري
فوگ الترب خدي انفرش خيل اعداي هشمت صدري - يا شيعتي ابجرد الخيل عگب الچتل سحگوني
جمر العطش هد الحيل وگت العطش ذكروني

شيعتي ولو يوم انفگد منكم شاب عنكم تأخر - ذكروني من شفت الولد جسمه انصاب و بالدم تعفر
غابت الروح من الجسد لمن غاب عن عيني الاكبر - لفراگ الاكبر ما لوم ونخمد نور عيوني
انا الوحيد المظلوم وگت العطش ذكروني

اليفگد عضيدة وبي غدر هضم البين جور الفجيعه - خل يذكر امصاب الگمر والچفين ظلت گطيعه

بين العدا وسهم الغدر صاب العين يم الشريعه - حيلي انهدم عالعباس خابت عليه اظنوني
بفيض المدامع يا ناس وگت العطش ذكروني

لو شفتو عريس انفجع والاحزان زيدت همه - ذكروه ابجاسم من وگع عالتربان والحنه دمه
تالي العرس نحره انگطع والعدوان وذرة جسمه - ابدال العرس دمه يسيح ومصابه غير لوني
چني سمعت صوته يصيح وگت العطش ذكروني

شيعتي ولو منكم طفل گلبه يذوب وينگطع نحره - يذكر رضيعي المنقتل ابلايه ذنوب وبگلبه جمره
عبد الله نحره منفصل وعلى المصيوب نسچب العبرة - ابعيني شفت طفلي انصاب ياشيعه لا تلوموني
چبدي إنفجع گلبي ذاب وگت العطش ذكروني

لو شفتو عيله محيره والايام جارة عليها - اتذكرو عيالي اميسره بدرب الشام وغدرو بيها

والحرم مدمعها جره على الايتام وميسريها - وتنادي زينب بدموع منهو اليشد ظعوني
جاوبها راسي المگطوع وگت العطش ذكروني باز کردن / نظر دهید

2022-08-22 16:56:41 #قصائد_لستشهد_الامام_السجاد_ع_١٤٤٤_هـ
#مـۄسسـﮫ_مــﻥــبـريۄن_للالـﺢــان

#الناشر_احمد_الـــزوار_c


بدموع القهر نشيع السجاد
ونواسي زينب حزنها عليه زاد
ـــــــــــــــــــــــــــــــــــــــــــــ
لسان السيده زينب ع
قصيدة للامام السجاد ع

رغم لوعـــــاتي وألم حســراتي
حظرت امصابك أهل دمعــــاتي
--****
ابمصيبة ليلك - اجيت ابچيلك - دمع من عيني - ثواب اهديلك
لطمة اخدودي - ألك وزنودي - يصبر گلبي - أطلبت معبودي
اشكثر مفجوعه - ومصابك لوعه - عليك الناظر - تصب ادموعه

اكثرن ونــاتي واجر باهاتي
حظر امصابك أهل دمعاتي
--****
دليلي اتفطر - عليك اتكدر - مصابك ياذي - الجرح بيه يكبر
ثگيله احزاني - الحزن خاواني - عمر گظيته - فلا عافاني
تهدم حيلي - يشمعت ليلي - بألم وبحرگه - صت ياويلي

بعذاب اجروحي ومواجـع نوحي
حظرت امصـابك أهل دمعــــاتي
--****
حظر بحزانه - ابوك اويانه - يقبل اشفافك - غدت ذبلانه
ذبل كل ريعك - وجه التوديعك - الدفنته ابگبره - حظر تشييعك
غسل جثمانك - أوضعها اجفانك - حفرلك لحدك - ويهل تربانك

خلص كل عمرك ورحلت الگبرك
حظرت امصـابك أهل دمعـــاتي
--****
اخلصت انفاسك - وعفت كل ناسك - اجه اعله اخدودك - محمد باسك
ابحظور الزهره - الملائك تقره - الحسن وياهم - ألك دگ صدره
وانا ابكل مجلس - اطب واجلس - اعله صوت الناعي - اون ابلا حس

انصبلك مئتــــم الحسن بي يلطم
حظرت امصابك أهل دمعــــــــاتي
*--*
اوحجابي اوستري - وعباتي وخدري -ألك ياعمه - تحدب ظهري
متدري ابزينب - گلبهه اتعذب - گضيت اسنيني - اون وانحب
الفرح ماشفته - الحزن عاشرته - الاسود لوني - فلا بدلته

ابمشيب اجفوني اوزراگ امتوني
حظرت امصـابك أهل دمعــــاتي
--****
الخادم
كامل السعيدي


ـــــــــــــــــــــــــــــــــــــــــــــــــــــــ
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA باز کردن / نظر دهید

2022-08-14 22:18:27 ابني وحياتي من ايدي غفله يروح
كل ذكرياتي مدفونه جوه الروح

راح وليدي وآنه شبيدي
ياجسام
،،،،،،،،،،،،،،،،،،،،،

شوف عيوني زاعل عيني
اشهگ بأسمه وتبچي سنيني
هواي سوالف بينه وبيني

فارگني ونسمات الهوه
شحن عليه بريتي
راح وغصن گلبي التوه
ابني أول وتاليتي
يمه وصورك بس دوه
فراگك اخذ عافيتي
كل مغربيه اكتب شعر
وزن النعي قافيتي

لمن عفتني
خاويت انه الحسبات
وال گطعتني
گالولي ابنج مات

گلبي بهمه يريدك يمه
ياجسام
،،،،،،،،،،،،،،،،،،،

يمه الخيمه صارت هيمه
يسرح بالي بيهه بضيمه
فوگ ترابك امك غيمه

لو تنعصر ينزل عطر من ذكريات الحنه
معرس رفع راسي بنصر
سيد شباب الجنه
ياتچوة صفاحي المشه
وخلف بگلبي الونه
سهم المنايه الصوبك
لمك گصد يتعنه

شفرة غيابك
تذبحني والعباس
يبني اعله بابك
تنحب صواني الياس

مر بطيوفي
وكحل شوفي
ياجسام
،،،،،،،

ياگلبي شما مرت زفه
اذكر عرسه وطيحة جفه
موقف ابني كفه ووفه

يمه ذكريني من تمر زفة شباب بدمعه
من العرس وسفه انحرم وانطفت عگبه الشمعه
شمعة شبابه يا خلگ بالدهر تضوي السبعه
حنته من دم رگبته والراح مابي رجعه

المنظور ابونه كاظم كتبه بنوح
دمعة عيونه داوت چثيره جروح

ماضن يرجع وفه المرضع
ياجسام
،،،،،،،،،،

خيط بأبره روحي بروحه
گلبي الينزف من جروحه
ياهو يبطل ونه ونوحه

امشي اعله ذكراك وأون واتعثر آنه بهمي
امشي اعله ممشاك واحس مايجري واگف دمي
يا طير سعد الوالده هم صدگ ترجع يمي
سير ولو طيف بحلم وگول ارد افرح امي

امك عفته والفارگ ابنه يموت
ريتك شفتهه چن يونس بنص حوت

أمّن تقره رادت نظره
ياجسام
،،،،،،،، باز کردن / نظر دهید

2022-08-14 18:16:32 موشح

علي السعيدي

هاي زينب وصلتك بضعونهه
وين هاشم خلي يتلگونهه
………………………… ………………… .
هاي زينب جابت وياها الضعن
والسبايه وياها يالكافل لفن
للسبي والشام من غيرك مشن
گوم لختك والعده يولونهه
…………………………………………… ..
گوم ياعباس وصلت كربله
أتلگه زينب وصلتك والعايله
بالضعن تنخاك كل مدلله
وصلن ودمع الحزن بعيونهه
…………………………………………… ..
وصلن الخدّر ياكافلهن عليك
هذا سجادك وحيد ومعتنيك
يدري مگطوعات دافنهن أيدك
بغير چفك لتظن أيعزبونهه
……………………………………………
بغير چفك جابت وياها العلم
من بعيد أتذكرت حرگ الخيم
أتذكرت عبدالله وجروح السهم
أعداك تحدي وگامو أيذكرونهه
…………………………………………… .
أعداك عمداً صيّحو ذاك النهر
حته يتشمتون خاطرهه أنكسر
من الشماته زينبك شبعت قهر
عمداً أرجاس العده أيذونهه
…………………………………………… .
عمداً أيذكرون موته وطيحته
أهناه چانت والخيول السحگته
والسنابك حيل گالو طحنته
وين ماكو فاجعه أيمرونهه
…………………………………………… .
وين صاحت أنا زينب ياهلي
هذا ضعن العايله ومحد ألي
هاي بتك نادتك ها يا علي
ترضه ياحامي الحمه أتخلونهه
…………………………………………… ..
ترضه ما معقوله ياحامي الدخيل
هاي زينب والدمع منهه يسيل
لا حسين اليوم يمهه ولا كفيل
للوطن ياهو الذي أيوصلونهه




تمت بعون الله
علي السعيدي باز کردن / نظر دهید

2022-08-13 16:05:06 ( موشح نجفي )

بهيده زينب لمّن اتدفنونها
لسه جرح السوط فوكَ امتونها


1

آ  يدفان العقليه ام الخدر
ابهيده من تدفنها ونريدك حذر
لسه فوكَ امتونها سوط الشمر
وحمره من دمع الطفوف اعيونها


2

انت لو للمتن حصلت الطبيب
باقي جرح الكَلب مايبره ويطيب
زينب ابنيرانها تجوي اللهيب
لو جمرها ايطيح يحركَ كونها


3

عادت الميت يشيعونه اخّوته
هذا يلطم ذاكَ تهمل دمّعته
والعزيز هنا نشوف امعزّته
شلون زينب بت علي يعوفونها


4

بدار غربه وتلتفت يسره ويمين
اجه الموت وما حضر يمها الحسين
ولا كَصد ليها امير المؤمنين
وما وكَف بالدفن حامي اضعونها

~~
5

نامت ابحزانها تحت الثراء
اتذكرت اهوال من طف كربلاء
اجساد ظلت عالثره وسبي النساء
وبالسياط اهل الرده ايضربونها

~~~~

مصطفى الشافعي باز کردن / نظر دهید

2022-08-12 19:50:01 أبيات نصاري للسجاد (ع)
عله السجاد واجب هالمسية بكل بيت بدمع ننصب عزية
********************
شاف بكربله الما شافته العين شاف امصاب الاكبر ويّه الحسين
وشاف امگطّعة من عمّه چفين وشاف ام الخدر راحت سبية
********************
شاف القاسم بعرسه تحنّه من فيض الدمه اعليه عالي ونّه
صعَب شوفه عليه صَد عينه منّه شباب وحضرته وسفه المنية
****************
شاف ام الخدر فوگ المهازيل تندب بالكفيل بمدمع ايسيل
جسمهه امن التعب ويّه الهوى ايميل وسمع ونّات عمته الهاشمية
***************
مگيّد من مشه للشام ينظر زينب هالوجه بيديهه تستر
عله هذا المصاب الصار يصبر فوّض ما جرى الرب البرية
*********
الشاعر قاسم الساعدي المندلاوي



تريد قصائد حسينيه مكتوبه لمجموعة من الشعراء اضغط هنا وشوف
https://telegram.me/aabas78


تريد قصائد مع الالحان الكاملة اضغط هنا وشوف

https://telegram.me/joinchat/BnKZ3EDmhrwoeBT9kLSvSQ

تريد نعي ابو ذيات خاصه بمحرم اضغط هنا
@abastmymy
تريد كروب للقصائد الحسينيه وألحان منبريه مختلط اضغط هنا
https://t.me/joinchat/AAAAAD7f0FNmkN2JjlNIBw
__
للاستفسار على المعرف
@Abas747 باز کردن / نظر دهید

2022-08-12 19:48:41 نعي ابوذيه للسجاد عليه السلام

اخذني وياك ماكَلّك الى اين
يموت وبيهه انه احصل الى اين
شفت يمه الشمر كَاعد الى اين
حز نحر الابو وأنغشه عليه
*******
على حسين ومصابه من تمر مر
تكَل للهم دليلك من تمرمر
عليل حسين اذكره من تمرمر
لمن شاهد ضحايه الغاضريه
*******
دمع عينه يسيل وأبد منشاف
ومثل همه ابد يا ناس من شاف
يعين الله علي السجاد من شاف
زينب دخلت الديوان اميه
*******
لو تدري الجرح باليسر شدّه
بسبب لن شفت من اعداي شده
اسمعه يكَول حيل الحبل شده
عليل وجتـّفوهن حيل اديه
*******

الشاعر محمد حسن ضيغم


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

كروب قصائد والحان منبريه اشترك
https://t.me/joinchat/AAAAAD7f0FNmkN2JjlNIBw

للتواصل مع الناشر @Abas747 باز کردن / نظر دهید

2022-08-12 19:48:05 نعي للامام السجاد ع
...........
على ياهي الاسولف هاي لوهاي
مصايب كربله فتت لبيب حشاي
واذا اكظم المها اسولف عضاي
احس الفاجعة متعوفني وياي
اسولف عن عطش اطفال للماي
لوعن جسد ماضل عليه فياي
لوعن عذابي الراح والجاي
شفت زينب سبوها بغير حماي
شفت تبجي سكينه تنوح بهداي
بويه حسين وين انته يرجواي
...
شفت حرك الخيم وملاهب النيران
شفت سبي الحرم من غير وليان
شفت مذبوحه يمي بسهم رضعان
عبد الله شفتها النبله بالشريان
شفت جسم ابوي الباقي عريان
ترض صدره خيول مغطه تربان
اسولف ياهظم ياضيم واحزان
تطب مجلس يزيد الطاغي نسوان
وعلينه عيون تنظر كلها عدوان
اسولف حال عمتي شلون جان
تصد للراس ظلت والكلب لهفان
عليك شلون سبيي كفيلي هان
..........
الشاعر
اياد الفرح التميمي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات باز کردن / نظر دهید

2022-08-12 19:41:23 نعي لزينب بنت علي عليهما السلام



ضلت وحدها ضلت وحدها ..ما ضل بعد خوان ضلت وحدها
لاوالي عدها لاوالي عدها ..بين العساكر هاي لاوالي عدها
منهو اليردها منهو اليردها...لو هاجمتنا الخيل منهو اليردها
والعادي صدها والعادي صدها..توجهت صوب حسين والعادي صدها

مابين عدوان مابين عدوان..ركضت حرم وأطفال مابين عدوان
لاغيره لاشان لاغيره لاشان..عند العرب ياحيف لاغيره لاشان
وسطت الميدان وسطت الميدان..صرعى الزلم عالكاع وسطت الميدان
غطتها تربان غطتها تربان...الغيره والناموس غطتها تربان


بالهيمه ركضن بالهيمه ركضن...فرن بنات حسين بالهيمه ركضن
المن يفرن المن يفرن...بين الجمر والجيش المن يفرن
رادن يمرن رادن يمرن...للوالي والكفال رادن يمرن
من الخوف يبرن من الخوف يبرن...لبت فاطمه من الخوف يبرن


مابين ظلام مابين ظلام .عترة رسول الله مابين ظلام
من جمر الخيام من جمر الخيام..تتجوى هاي وهاي من جمر الخيام
كبعت بالالام كبعت بالالام..بت حيدر الكرار كبعت بالالام
الحره تنظام الحره تنظام...لو فكدت الخوان الحره تنظام


ضل الحرم مابين عدوان
ولاوالي عدها ولا كو خوان
اطفال تتراكض ونسوان
بالبيدا طش كل ظعن الحسين

العيال ضلو بين ظلام
وفرهدو بيته الجاب الإسلام
بالنار شعلو كل الخيام
وتفرهدت كل الصواوين


محمد النوري


https://t.me/joinchat/AAAAAEN4vuuUfDbAramBIQ
قناة خاصة نعي/ابو ذيه/هوسات باز کردن / نظر دهید