2022-02-11 18:11:54
﷽
«شعر #غیرت_دینی»
او زمان که هامیدا #غیرت دینی واریدی
حقِ عشق اولدی ادا، غیرت دینی واریدی
اَل اله وئردی اوچ عُنصر اوتا ائتدی غلبه
یئل ده، توپراقدا، سودا، غیرت دینی واریدی
تنگه گلمیشدی هامی، جنگه کمر باغلادیلار
عشقه جان اولدی فدا، غیرت دینی واریدی
خشک و تر گاهی یانار یانمادی بوردا تر وخشک
بلکه، یاشدا ، قورودا ، غیرت دینی واریدی
هامینی بیر یئره یغدی نفس گرمیلن
حضرت #روح_خدا ، غیرت دینی واریدی
ظلمت ئولدی غرض، آیدین سحره چخدی هامی
گورسنوب نورِ هُدیٰ، غیرت دینی واریدی
دئسه لر روحِ خدانین کیمیدی یاری؟ دئنن
معرفتلی شُهد‌ا، غیرت دینی واریدی
بوشدی گر روحِ خدانین یئری، وار #سید_علی
یارِ مهدی دی بودا، غیرت دینی واریدی
بو سوزی من دئمیرم، بلکه س‌ل ی‌م ا‌ن‌ی دیییر
که گییپ قانلی ردا، غیرت دینی واریدی
دوز مسلمان اودی تبیین حقایق ائلیه
دییه آری هامیدا غیرت دینی واریدی
خبر آلدیم نَییدی #بهمن آییندا او خروش
عرشیدن گلدی ندا، غیرت دینی واریدی
ناموس وندی بو #وطن ، حفظ ائله مثل او زمان
خلقِ با آبرودا، غیرت دینی واریدی
غیرت الان دا وار اما اوزمان، سوزبیریدی
یوخودی آیری صدا غیرت دینی واریدی
یا حسین دلده وفا اهلی یزیدی لردن
ئوز صفین ایتدی جدا ، غیرت دینی واریدی
یاز «کلامی» بیزه دم وئردی محرم له صفر
قوی بیله شاه وگدا، غیرت دینی واریدی
#کلامی_زنجانی
#۲۲_بهمن #دهه_فجر
ــــــــــــــــــــــــــ
صفحه رسمی استاد کلامی زنجانی
@KalamieZanjani
122 views15:11
ک
