شعر کوردی ڕەنگین ئافرەت‌ـ‌کورد زاوەی کوردی کەڵهۆڕی گریاێە مانگِ هۊرم،لێڵە چراخِ نۊرم گوڕ دا دڵِ تە‌نۊرم ئەو چە‌و جوانِ ئێڵە وەت چم‌‌ئڕا تیەنی‌کە‌و،میخەک‌بەساێە‌وە‌رقەو کِردە‌م خەریک‌و ناتە‌و، ئەوچەوجوانِ ئێڵە دەس ناسە‌ناو دە‌سِ‌گوڵ،پە‌رچین‌بە‌سێ‌وە‌‌سونبڵ تە‌نیا م کردێە وڵ، ئەو چە‌و‌جوانِ‌ئێڵە دە‌یشتِ‌گوڵاڵە جاێە، زەڵفێ‌وە گوڵ بە‌ساێە کە‌ێ دەسخرەم وە واێە،ئەو‌چە‌و جوانِ‌ئێلە هۊردە‌گوڵە سە‌راپاێ،دە‌ورێ تەنێ‌شنە‌ێ‌واێ گە‌ردێدە ناو گوڵاڕاێ، ئەو‌چەو‌جوانِ‌ئێڵە زەڵفێ هە ها گە‌رِ شان، مینێدە‌خوە‌رِ تاوان هوساێە گش‌پە‌ری بان،ئەو چە‌جوانِ‌ئێڵە باڵاێ‌بڵێنە‌چۊ‌نە‌ێ، وەختێ خێاتە وڵ کە‌ێ ڕێوارە ڕێ گلەو‌دە‌ێ ، ئەوچەوجوانِ ئێڵە سوویل‌چە‌وێ ڕە‌ژێدن، وەل سروەێا‌خەنێدن هە‌ر دڵ‌لە‌دڵ کە‌نێدن، ئەو‌چە‌و جوانِ ئێڵە پاتووقەگە‌ێ بناوە، چلمە‌ردِ‌شاێ‌سراوە لەورە وە‌سێدە پاوە ، ئەوچەوجوانِ ئێڵە زەڵفِ فرە‌ێ پە‌شێوێ، کە‌ێدە‌هسارِ‌ڵێوێ تاگە‌ر هە‌قیق نە‌تێوێ،ئەوچەوجوانِ ئێڵە شاعر:ئێران‌ـ‌عە‌لی‌کە‌رە‌می دکلمە :باران‌ـ‌خوسرەوی @kalhor_family_orginal #کلهر_فامیلی 930 views10:24
