مرات اولياء الامور لو طلاب يدزولي ملخص يردون حلول لو استفسار ل | شرح مناهج اللغة الإنكليزية للمراحل الأبتدائية.
مرات اولياء الامور لو طلاب يدزولي ملخص يردون حلول لو استفسار لمنهج صف السادس الابتدائي بصراحة اتفاجئ ع بعض الملخصات اباوع عليهن الكي جايب الموضوع وظائف راجع جايبة قواعد راجع جايبة مفردات وهو موضوع واحد وتخيل طالب صف سادس ابتدائي كيف راح يتلقى هيج تنوع بتوظيف المواضيع قواعد متناول اكثر من المؤلف نفسة الي بدليل ذاكر بالخطة هذني القواعد اريدهن ترة اذا تجي تعامل اللغة كل سطر بالمنهج هو بي قواعد. صح صف سادس وزاري بس ماكو هيج منطق كل سطر من قطعة لو اجي اطلع منه قواعد لو الموضوع اوظفة اكثر من 4 وظائف ف ياحبيبي ياعيني انت بهل طريقة كرهت الطالب باللغة كثفت عليه معلومات اكثر من المنهج ما مكثف صار نفور عند الطالب والطالب المتوسط والضعيف شكد ماهو كاره اللغة لعدم قدرته ع القراءة والتواصل كرهته ازيد ممكن عندك طلاب شطار ع مستوى عالي وتريد كل شي تاخذ الهم مو مشكلة بس من نشرت ملخص خلي بالك انت دتعامل مع مستوى طلاب العراق 70% هو مستواهم ضعيف الاختصاص الناجح هو الي يقدم المادة بابسط صورة احنا بالعراق ظرفنا خاص طلابنا مستواهم ضعيف والاكثر من هذا يحسون اللغة الانكليزية صعبة وميحب حتى يقرها فواجب الاختصاص يسهل المادة لاضعف طالب لو مستوى تحت الصفر ارغبة بالمادة وخلي عنصر مشترك بالدرس لو انطي ع سبيل المثال الانشاء كل يومية كلمة في سبيل ماخلي يحس هو طالب غير فعال ومنعزل عن الطلاب اهم شي المشاركة وهذا يجي من سهولة طريقتك وتناولك للمواضيع وتذكر المادة العلمية مهما وصلت عليها 50% والطريقة عليها 50%
هذا الموضوع مو انتقاد بكد ماهو نصيحة ويبقى معلم او مدرس الاختصاص هو حر بطريقتة واسلوبه بالتدريس وعذراً ع الاطالة
