للفائدة مره من المرات ادرس طلاب تحصيلي متميزين اكو طالب جان ي | شرح مناهج اللغة الإنكليزية للمراحل الأبتدائية.
للفائدة مره من المرات ادرس طلاب تحصيلي متميزين اكو طالب جان يحب يتحدث هواي وكل موضوع عنده تفاصيل عليه ويحجي خارج الموضوع ويدز صور ورسومات واحسه مستمتع ويحجي لطلاب محد يهتم اله وميكدر يوصل فكرته بصوره صحيحه بحكم هو بعده عمره 12 هسه ناجح من سادس فكان اكو طلاب هواي و وقتنا محدود جدا واختبارات صعبه فكلت هذا طالب اريد اشوفه شنو فكرته حتلو الوقت كله اله كتله شنو فكرتك محمد شنو هاي الصور ورسومات كلي استاذ اني ما اقرى مثل الطلاب واضحك هم يقرون هواي اني اقرى قليل اربط كلشي اقرا برسم او قصه مثلا عندي كلمه تعريف population اقرا ع سرعه وارسمه ارسم مخطط بسيط بلد ومدينه وناس او مفردات صعبه مثل stethoscope سماعه طبيب ارسمها لو مرات اربط شخصيات افلام كارتون مع القراءة يعني احول القراءة المملة الى متعة بكل المواد صفنت عليه تفاجئت بذكائه ورسمه جان كولش حلو رغم بسيط ورصاص ع سريع اجت نتائج انقبل محمد متميزين ضمن العشرة الاوائل العبره شنو انت تفكر تمارس القراءة واجب ومفروض عليك وممله راح تكون مملة لو تقرا ساعات تفكر تمارس القراءة اللغة الانكليزية ك هواية وكانما تجي للقطعة كقصه بيهل شخصيات راح تستمع كقصه بعيدا عن الملل …….
