بالمناسبة جوزية خرج من دوري الابطال والكونفدراليه ف شهر واحد ب | اخبار الاهلى لحظه بلحظه
بالمناسبة جوزية خرج من دوري الابطال والكونفدراليه ف شهر واحد باداء اخري من كدا وفي ٢٠٠٤ خرج من الهلال السوداني من دوري الابطال
جوزية خسر ١٤ بطولة مع الاهلي فبلاش والنبي النفخه الكدابه بتاعت مش دا الاهلي ولو كان جوزيه كان عمل وسوي والجيل الذهبي شوف كان بيعمل ايه ؟ عادي كانوا بيخسروا بطولات زي دلوقتي
جوزيه ف اول موسم ليه طلع م الكاس علي ايد المحله وخسر الدوري برضو بعد التعادل مع المحله وخسر ف الولاية التانية الكاس م المقاولون وحدث ولا حرج بقي علي خروجه م الكاس المستمر علي ايد فرق زي بترول اسيوط وانبي والحرس
هل دا يمنع ان جوزيه مدرب اسطوووري وعصره كان العصر الاسطوري للاهلي ؟!
موسيماني جه في وقت اي مدرب كان يخاف يجي وكان يقولك مش هتحمل الخسارة وكان هيكون حقه ، حقق ٢ دوري ابطال افريقيا عارف يعني ايه دوري ابطال افريقيا؟ وكاس مصر وسوبر افريقي وبرونزية كاس العالم دا ف اول سنه اهلي عنده غلطات كتير اكيد شايفها وعارفها ومع الصفقات الجديدة هيتداركها وهو كان مطلبه جناحين علشان المشكلة اللي كلنا بنحكي فيها فهو اكيد عارف يعني والا مكنش طلب جناحين، الصفقات الجديدة يادوب اتدربت ٧ ايام خروج عمار وعبدالقادر من القايمة منطقي علي فكرة وخصوصا انه بطولة من ماتش واحد.
مازلت عند رأي الاهلي الموسم الجديد سيصبح له شكل مختلف جدا وان حدث عكس ذلك فالادارة مش هتصبر عليه ماتشين واكيد هيتشد عليه من دلوقتي هو واللاعيبة.
كل الدعم يابيتسو انت واللاعيبة وفي نفس الوقت هيتقرص ودنكم برضو ومفيش طبطة علشان مع اول نقطه هتخسرها ف الدوري مفيش حاجه هتشفعلك لا انت ولا البهوات بتوعنا
