خلو الناس الجوه حياتكم براحتهم البسأل عليك كتر خيرو والمابسأل بسأل غيرو البفضل في حياتك ينور والبمشي برضو كان منور وماتفرض نفسك علي زول وخليك ضيف خفيف في حياة الحواليك وماتلوم وتعاتب الناس بقت م طايقه نفسها أدي أي زول فرصتو وخليه يختار المساحه العايز يبقى فيها في حياتك ح يعدو عليك ناس كتيره في مشوارك منهم البمشي من غير رجعه ومنهم الببقى بعيد بعد ما كان هو الأقرب لقلبك ومنهم العلاقتو بيك بقت أكتر من عاديه ومن غير أسباب ومنهم العلاقتو بيك تنسيك كل الوسخ العدو عليك ومن ده كلو أديك ملحوظه : أوع تصدق إنو مافي زول مابتغير أي زول بقرب ليك على حسب حوجتو ليك ودايما البدايات جميله بس العبره في الخواتيم ولمن تحب زول ومايبادلك نفس الإحساس إياك تفكر إنك م بتستاهل أو تصغر نفسك أو يجيك إحساس إنك أقل منو مش إحتمال تكون أساسآ إنت كتير عليه م أي إحساس حسيتو تجاه زول تنتظر منو مقابل وم أي زول بتحبو فرضآ عليه يحبك مش عشان إنت مابتتحب بس ببساطه قد تكون زول جميل من جواك لكن مناسب لي زول تاني وزي ماقال "غابريال غارسيا ماركيز" لا تتوقع ان الجميع بنفس درجة إحساسك وبنفس طيبتك وعفويتك وبنفس أخلاقك وردود فعلك ،، نعم الطين واحد لكن الأرواح تختلف
