2021-08-11 21:24:27
مهم لكل شخص انقبل تخصص إعلام وأيضا المحوّلين للتخصص
مقابلة التخصص |
كل مايلي اجتهاد شخصي قد تختلف عن اسئلة المقابلة الفعلية ولكن الاهم أنو يكون عندكم فكرة مسبقه عن طبيعة الاسئلة
وتذكروا جيداً ان هالمقابله مجرد البداية ولازم تثبتون نفسكم وانكم تستحقون القبول وبالنهاية هي مجرد اسئلة فقط وإجاباتكم هي اللي تحدد اما قبول نهائي او ينزلونك لرغبه اللي تحت الاعلام !!
الاسئلة المتوقعه بنسبة 90٪ |
-الاسم الثلاثي ؟
-انقبلت بأي رغبه ؟
-ليش تبي تلتحق بقسم الإعلام؟
-ليش نقبلك ومانقبل غيرك؟
——————————————————
هالاسئلة مو اكيد بس حتى تأخذوا نظره عامة عليها وماتتوهقون |
-ايش تعرف عن الاعلام؟
-هل انت مهتم بالإطلاع على الأخبار ؟
-ماهي اخر الاخبار اللي سمعتها ؟
-مستواك باللغة الانجليزية ؟
"هالفتره بالذات كونوا مطلعين على الاخبار لا تستبعدون انهم يسألونكم عن اخبار هالفترة "
تخصص الاعلام في جامعة الملك فيصل لأول مره تكون في مقابلة ، لازم تأخذون الامر بجديه .
المقابلة ما اصبحت جزء من القبول عبث ، لان كثير يدخلون التخصص سمعه ولا يعطون التخصص حقه بالاخير تصير المخرجات ذات كفاءات منخفضة بالتالي المقابلة خطوه جيده لكل طالب عنده حلم وطموحات عالية..
نصائح وإرشادات :
1)التوتر امر طبيعي ، المقابلة شيء جديد عليك ولكن تخيلوا مجرد خيال انو بعد القبول المبدئي توترك في المقابله يتسبب في عدم قبولك النهائي !!
2)افهم السؤال جيداً .
3)لاتتردد بطلب إعادة السؤال أو التوضيح في حال كان السؤال مبهم .
(خلال لحظة اعادة السؤال فكر عدل بالاجابة)
4)الاجابة تكون في سياق السؤال وعدم الخروج منه او تحوير مسار السؤال .
شغله مهمة جداً :
لازم تعرفون ان الغرض من المقابلة مجرد مقياس للمعايير اللي تحددها الجامعة للإجتياز
يعني مافي شيء اسمه إجابة صحيحة او خطأ،،
فقط حتى يعرفون هل معايير القبول تنطبق عليك أو لا .
كذلك لازم تعرفون ان الجامعة ترحب بكل طالب عنده شغف ومتمسك بحلمه ويقدرون توترك بس برضو لازم تقدمون نفسكم بالشكل الجيد ، التقييم بيكون على الظاهر لهم اما اللي بعقلك وبقلبك محد يدري عنه ولا بيقيسون بناءً على افكارك اللي بداخلك لذلك حضروا للمقابلة جيداً تدربوا قدام المراية بينكم وبين نفسكم
نقطه أخيره ؛
تخصص الإعلام عالم جميل جداً ومايستشعر عظمة التخصص إلا المتخصصين فيه
"بكل قناعة وشغف وحب " و المقابلة مجرد بداية
"بوابة الدخول إلى عوالمه "
ختاماً
•اتمنى لكم كل التوفيق والنجاح والأهم
"القبول النهائي" …
اجتهاد شخصي ، لاسمح بتعديل عليها ونشرها دون ارفاق رابط القناة أو نسبها للقنوات الاخرى : https://t.me/joinchat/UWl96gsPAkxhMTg0
3.6K views18:24
ق
