المنّاي لقّاي. تَجي نتونس؟! عِندي صَحبتي كل ما افكِر أخطِي | خـــــواطرنا ...💙

المنّاي لقّاي.

تَجي نتونس؟!

عِندي صَحبتي كل ما افكِر أخطِي خطوة جَديدة بتقول لي لا لا عَايني بَعيد، المنّاي لقّاي، قَدر ماتتمني ربنا بديك.

فقالت لي:
جدو الله يرحمو كان دائماً بقول لينَا اتمنوا أيّ حاجة مهما شفتوها مستحيلة وصعبة اتمنوا.
ف أبوي قال ليو مامفروض يتمنوا حاجة فوق البقدرو عليها، فقال ليو لا لا خليهم يتمنوا زي ماعايزين الحاجات دي بيّد ربنا لا بيديّ ولا بيدك.
خليهم يتمنوا لأن المنّاي لقّاي.

اتمنوا أيّ حاجة مهما كانتْ صَعبة وبعيدة في عيونكم هي ممكن بَعيدة منكم لكن قريبة جداً من رَبنا.
أمره بين الكافِ والنّون إن قال له كُن سيكون.

مهما كنت شايف الظُروف ضِدك، ومهما كانَت مستحيلة ماتيأس هي بيد رَبنّا.
.