الخُلود الحُسيني

2022-06-24 23:36:23 قصة طرد قاسم القصاب من العزاء ورؤية الامام الحسين في المنام

يطردني من حنيتك*خادم انه حسينيتك
عاشك تراني اولهان*قاسم اتوب ابيتك
يامظلوم حسين
يامظلوم

*

كل سنه خادم اجي ..دموعي تحجيه الحجي
محد عرفه علتي.. بس دمعه تنزل بالبجي

مشتاق انه الشوفتك.. ورايد اتوب بحظرتك
ناذر نذر اوفرحان..قاسم اتوب ابيتك
يامظلوم حسين
يامظلوم

*

خادم واتوب هنانه .والذنب عاش ويانه
طول العمر مولانه .عاصي بسبب دنيانه

شارب خمر اجيتك ..كل عشره انه فديتك
ما اريد اعيش الحرمان ..قاسم اتوب ابيتك
يامظلوم حسين
يامظلوم

*

سبعه من طبو حجو ..ولصاحب الموكب شكو
الناس هل عافو مشو ..بموكب حسين انتهو

اشكي شكوه لحضرتك ..الناس عافت عتبتك
مجنونك انه وتعبان ..قاسم اتوب ابيتك
يامظلوم حسين
يامظلوم

*

بطلت وانطيت العهد ..ما اروحن الكم بعد
هاك اخذ مني الوعد ..والقلب مني ارتعد

ابيتي اسوي قرايتك..وقماش اسود رايتك
بسرداب بيتي الاحزان .قاسم اتوب ابيتك
يامظلوم حسين
يامظلوم

*

سئلوني كل العائله..لابد اكو فد مشكله
متروح شنهي المسئله..امرك عجيب ومعضله

بالرؤيه جن حاجيتك..وتوبه نصوحه انطيتك
ردو عليه الاخوان..قاسم اتوب ابيتك
يامظلوم حسين
يامظلوم

*

الله قبله التوبه .. وحسين رحمه دروبه
بس الصدق مطلوبه..غيرني شي محبوبه

الموت بيه حَريتي..وادفع ثمن تَاليتي
دارت تراها الازمان ..قاسم اتوب بيتك
يامظلوم حسين
يامظلوم

*
الشاعر جبار عبد الزهرة الشويلي باز کردن / نظر دهید

2022-06-24 23:36:23 صحنه وينه الشمر وينه.. احنه ولد الجعفرية
...
بيوم عاشر نلبس اسود والدمع عدنه مطر
نعزي مولانه ابو صالح نلعن اولاد الشمر
هذا ابن فاطم نحرته هو ابن سيد البشر
حيدر الكرار ابوهم وامهم الظلع انكسر
والله توجعنه سياطه.. شلون يسبي الفاطميه
.....
الف شاب وشاب واگف والدمع منه جره
يذكر مصاب الحسين بگلبه جمره اموجره
حرگه عنده عالفواطم مثل سبع الگنطره
جنه ابو فاظل خبطهه بس سمع سبي لمره
ابعد ايدك عن رحلهن.. عدنه ابو فاظل هويه
....
احنه ننصبهه المأتم شيعي محد علمه
بالگلب بايت جمرهن هاي عدنه مؤلمه
من يدگ زنجيل بيده يذكر امه فاطمه
شيعي يحملها الهويه ويدري ربه ايسلمه
الدنيا مادامت لحاكم شلون تأخذها سبيه
....

باللطم اذكر مصابك واندب الشيب الخضيب
عندي صوره وابخيالي راسم الخد التريب
ياحسين شلون حالك شفت والمنضر رهيب
بلا جفوف وناده خويه انه عباس الحبيب

شلون تتجرأ يضالم عالنساء الهاشمية
.....
كل حرب بيها خساره كربله صارت ربح
ماتدحرج راسه ناصي اول الصعده رمح
هو حي وانت ميت ماتصوب بس جرح
هاي معروفه القضيه حتى ماحاجه شرح
كل طفل عدنه ينادي يذكر اولاد الزجيه
....
هاي أطفال الهواشم تاهت بارض الحزن
والدموع انهار تجري والسمه شالت مزن
وين مااروحن أشاهد طفله عالغبره تون
انت لو مسلم حقيقي الميت كرامه دفن
صعدت الحره تدور فوگ تله الزينبيه
جبار عبد الزهرة الشويلي باز کردن / نظر دهید

2022-06-24 23:36:23 ميمر لأم البنين وتوديعها للحسين عليه السلام
إم البنين الودعت حسين وضناها
عباس ياهيبة علي اسمع وصاها
****
عباس يمه لو رحت عينك عليهم
ماريد واحد بالعرب سيفه يجيهم
اربع ولد تحت الامر واهجم بديهم
عباس سبع الكَنطره اسمك حماها
****
ودعت الحسين بحزن وعيوني صبت
من قلبي تطلع نار الك و بروحي شبت
عينك عله بنت الوصي زينب اتعذبت
معروف تاريخه البطل هو الكفلها
****
اربع صناديد وبطل ودعت يمه
بيهم حسين المرجله وبقلبي ضمه
كلكم فده لابن القلع خيبر أبجلمه
اوصيك عباس بهلك انته التحلها
****
جلمة وداعك غيرت حته شعوري
بيكم وصيه من علي انتم نذوري
هذا الشبل من الاسد بيكم سروري
وموادع الحره صعب ريته عماها
****
ريت العمه حاضر الي والعمد حصتي
لاشوف يومك يالولد واتصير قصتي
يمه الوداع اخطر واشد انتي جرعتي
شوفت حسين ابنك علي والله دواها
****
اموادع الحره كلف بلوه بلوها
باجر تعود العايله واختك سبوها
متون زركه اعله الهزل وسفه خذوها
بيمن اكَابل فاطمه وانعي بنعاها
****
جبار عبد الزهرة الشويلي باز کردن / نظر دهید

2022-06-24 23:36:23 قصيدة واويلاه

واويلاه عله الزلم
واويلاه طاح العلم
****
عباس شايل رايه
والقمر جنه مرايه
ايه تشاهد ايه
شلون كَلي تنلزم
واويلاه عله الزلم
واويلاه طاح العلم
****
عباس ياخويه الغضب
معناها طبينه الحرب
وياك ماتيه درب
بعدك انه انهظم
واويلاه عله الزلم
واويلاه طاح العلم
****
عباس طاحت جربته
وسهام كافر حرمته
اسكينه رادت ردته
وصلت تراها للعظم
واويلاه عله الزلم
واويلاه طاح العلم
****
الحسين ناده زينبي
اختك وكافله نبي
الدين عندي ويه العبي
معروفه هيه تنظلم
واويلاه عله الزلم
واويلاه طاح العلم
****
شفت الجفوف مكَطعه
عباس واخوانه اربعه
الشاره عنده مربعه
والزود كلهه والفهم
واويلاه عله الزلم
واويلاه طاح العلم
****
ع النهر راسه منفطر
بالعمد دمه ع النظر
ياريت بيه هل الامر
لو راح بيدي انتقم
واويلاه عله الزلم
واويلاه طاح العلم
****
جبار عبد الزهرة الشويلي باز کردن / نظر دهید

2022-06-24 23:36:23 قصيدة الدنيا ليل
على وزن اشسوت بيك الخيل

لمن جانه الليل ..وحشه وخوف وخيل
ماعوفك وارجع لدياري ..عاهدتك احميه عيالي
وحشه وخوف وليل ..لمن جانه ليل

*
ما انسه لمن ذبح راسه الشمر
ما انسه. بجسم لاخو لمن يجر
ما انسه ضل نايم بذاك الضهر
ما انسه رجلي انجوت بذاك الجمر

مطرت دم يسيل..نحرك ينزف حيل
عاهدتك اكفلهم أني..عاهدتك احميه عيالي

*

عاهدتك.. انه الكفيله من طحت
عاهدتك... باقي الخدر لو من رحت
عاهدتك...بشرف الشهاده اتوشحت
عاهدتك... عباس خويه لو صحت

بقصره شاف الويل ..واعدته بسجيل
شاهدتك تنظر للباري ..عاهدتك احميه عيالي

*

شاهدتك.. عينك عليه وعالخيم
شاهدتك..بالحسره شيال العلم
شاهدتك.. بالسانك مبين ثلم
شاهدتك...من العطش گلبه انهشم

بس ناولني جفوف ..وانه اعدمهم خوف
حاجيتك مترد جوابي ..عاهدتك احميه عيالي

*
ماهمني.. طول الدرب يم الحسن
ماهمني..گدامي اديه اتحرگن
ماهمني... بنياتي حيل اتعذبن
ماهمني...راووني أشكال المحن

ماتت بت حسين ..وين ادفنه وين
مصدومه وماتت كَدامي ..عاهدتك احميه عيالي

*
اعذرني...لو شفتك مدد بعد
اعذرني.. لو عفتك وماراح ارد
اعذرني..درب سبي حيلي يهد
اعذرني.. مااگدر اوفي لك وعد

صرخت بويه حيل..الدنيا انكَلبت ليل
عاهدتك اجمعهم اني..عاهدتك احميه عيالي

*

#_الشاعر جبار عبد الزهرة الشويلي
#_ غير مبرئ للذمه حذف إسم الشاعر باز کردن / نظر دهید

2022-06-24 23:36:23 قصيدة ها يازينب

ها يازينب.. شلونه متنج بالسبي
ها يازينب.. صدگ محتركه العبي
ها يازينب ..طحتي بيد الاجنبي
ها يازينب

****

حاضره انتي وشاهديتي هلفجيعه
شفتي بعيونج اصيحن عالشريعه
ها يزينب والكفل جفه كطيعه
وانه عطشان وجربتي هم صريعه

لوجفوفي.. وينه يدنه لهلحرم
لوجفوفي.. وانه سطار الزلم
لوجفوفي.. وحتى لواحبي حبي
ها يازينب شلونه متنج بالسبي
ها يازينب

****

روحي صرخت من حرگ بيده خيامي
اوكف اوكف روحي نشغت لله ضامي
هايملك الموت فدوه اسمع كلامي
خلي اديه تستعد هي وحسامي


لوندبتي.. الدنيا اگلبها رعب
لوندبتي.. ابد ماعندي صعب
لوندبتي..زينب وبت النبي
ها يازينب شلون متنج بالسبي
ها يازينب

****

شفت زينب والحرم چنها القيامه
والمخيم يحترگ باول علامه
حبال خشنه وتربط بيد اليتامه
وسفه عيني شاهدت كل انتقامه


لويردني... ساعه اجرد صارمي
لو يردني.. والله ياناس اعلمي
لو يردني.. وانه عباس الابي
ها يازينب شلونه متنج بالسبي
ها يازينب

****
هاي ناري بصدري وجت من سبوهن
بعيني اشاهد هالمصيبه وفجعوهن
كون ميت لااشوفن عذبوهن
بس حرم واطفال تمشي وجتفوهن

اعتذرلج ..خويه طايح عالوطيه
اعتذرلج.. خويه يالرحتي سبيه
اعتذرلج ..اسمعي زينب واصتبي
ها يازينب.. شلونه متنج بالسبي
ها يازينب

****

اعتذرلج خويه زينب واعتذاري
كونج تقلبينه كون يطفي ناري
عالثره طايح يزينب وانه عاري
َوداعت الله من مشيتي يامراري

روحي خويه.. اخذي من جفي الكفاله
روحي خويه.. وداعت الله بهل العجاله
روحي خويه.. وسفه اختي لتنسبي
ها يازينب... شلونه متنج بالسبي
ها يازينب

****

#_الشاعر جبار عبد الزهرة الشويلي
#_ غير مبرئ للذمه حذف إسم الشاعر باز کردن / نظر دهید

2022-06-24 23:36:23 قصيده جبل الصبر


يازينب.... يازينب

ماطاحت باارض الكفر
ماخافت الا اعله الخدر
لبوة علي. ماتنكسر
معدن رجوله
يازينب...... يازينب

.....
راس ارتفع حدالنحر
بركان بالطف انفجر
هي فخر سيد البشر
قصة. بطوله
يازينب..... يازينب
.....
جبريل اجه بجنحه نزل
من الغضب راسه اشتعل
قدم عزائه وابتهل
لله. ورسوله
يازينب.... يازينب
....
قرأن ناطق ماصمت
بأرض الطفوف وكبرت
أيات طفها أنزلت
لحظة. نزوله
يازينب.... يازينب
....
قهرت دواوين الظلم
بمنطق علي دين وعلم
بيهم نزل نون وقلم
بااعظم مقوله
يازينب.... يازينب
......
شافت حسين عالترب
قلبت موازين الحرب
هزت عروش من الغضب
دقت. طبوله
يازينب.... يازينب
.....
دينك محمد ينذبح
وحسين ابو وجه السمح
عالرمح باقي عالرمح
ابن البتوله
يازينب.... يازينب
المهندس جبار عبد الزهرة الشويلي باز کردن / نظر دهید

2022-06-24 23:36:22 قصيدة للعليله ع تخاطب والدها الامام الحسين عندما تركها في المدينه ورحل صوب كربلاء
فقالت

عفتني عفتني يبويه انه العليله
شفتني شفتني يبويه شكَد هزيله

روح روح بويه للاجل
روح روح عني بلاوجل
****
اردن حايره وعيوني ماتنساك
ودموعي سبتني شمايمر طرواك
دوهني زماني بيك ما عافاك
ياهجر الاحبه شسوه من فركَاك
هضمني هضمني هجركم شو هضمني
هضمني هضمني هجركم شو هضمني
****
يافحل الفحول وابن داحي الباب
شكد صعبه قضيتي وبيه كله اعتاب
تعوف ابنيتك بويه وتدور اجناب
ياناصر محمد بين كومه اغراب
يالاجناب يالاجناب شبه حيدر يالاجناب
يالاجناب يالاجناب شبه حيدر يالاجناب
****
بدمع عيني اجيتك وانه حاجيتك
قلبي من الالم مايهوه اطب بيتك
بيت بلاحسين وهجر تاليتك
تروح من ايدي وسفه اتعوف غاليتك
يصيحون يصيحون عليله شو يصيحون
يصيحون يصيحون عليله شو يصيحون
****
يخوتي شكد صعب فركه التحبونه
من جان بسلف وهسه يفردونه
احس بيهم غدر بلشده عافونه
راح من ايدي للطف هل يريدونه
يريدون يريدون ضحيه الهم يريدون
يريدون يريدون ضحيه الهم يريدون
****
اعاتب والعتب ماغيره بيدي ايكون
حسبت احساب ماضنهم تره يبعدون
اكله وياك اخذني لوردت تروحون
ولاساعة دمع بعيوني من تمشون

تروحون تروحون بدمع عيني تروحون
تروحون تروحون بدمع عيني تروحون

****
وداعيه يبويه شلون عندي احزان
ملايان القلب والجسد هل تعبان
دمد ايدك عليه وشافي الذبلان
اريد وياك لتخلي العقل حيران
يحيران يحيران بالعرب كله يحيران
يحيران يحيران بالعرب كله يحيران
****
جبار عبد الزهرة الشويلي باز کردن / نظر دهید

2022-06-23 23:38:44 *بشأن الإمام الجواد عليه السلام*



*حسره والالم بالروح هاي المسيه*
*ابني الجواد اليوم جثته رميه*

&&&

يتاسع الاولاد يا شمس الامامه
عليك القلم واللوح ينعه ابندامه
حتى الشريعه تصيح رمز الزعامه
*طود العلم مسموم ابن الشفيه*

&&&

مرمي ثلاثه ايام ماحد إجالك
حگي انوح اعليك گطعو وصالك
شنهو الذنب مغدور شنهي فعالك
*غير النهج والدين يبن الزچيه*

&&&

بدمعتي ناديت دسمع ونيني
اتناثرت الاحلام ضاعت اسنيني
كل ساع عدي شاب ذبحه ياذيني
*وانه عليكم دوم ونتي خفيه*

&&&

اهل الظلم والجور فتكو ابحالي
ما خلو هل عدوان راحه لبالي
بالظيم انوحن دوم كل الغوالي
*راحو غدر يناس كلهم سويه*

&&&

بالقهر والاحزان الگلب ذايب
يسعر دليلي نار الراس شايب
كل ونه بالاضلاع تصرخ حبايب
*نـامو ابحدر اتراب ابكل رزيه*




*بقلم الاخوات*
*عاشقة الولاية*
*و _ام اباذر السكيني*

*نسألكم الدعاء*


بهذا الطور




باز کردن / نظر دهید

2022-06-21 00:22:11 قصيدة بحق الامام الحسين عليه السلام جديد محرم ١٤٤٤ هـ


خِيــــرةُ اللهِ بأمــي وأبــــــي
خرَ ملقياً على الارضِ طعين
===================
قد قضى الانصارُ جمعاً صُرعوا
لم يهابوا الموتَ كانوا صادقين
===================
واجهوا الموتَ بقلبٍ مؤمِنٍ
عاهدوا اللهَ وأوفوا طائِعين
===================
ثم جاءَ بعدَهم الُ النبي
قُتُلوا لم يبقَ للسبطِ مُعين
====================
قُطِّعتْ أوصالُهُم في نينوى
في طريقِ الحقِ دوما ثابتين
===================
نادا يا أصحابيَ أبطالَ الصفا
كم أُنادي لم تجيبوا ساكتين
====================
واجَهَ القومَ بقلبٍ صابِرٍ
مفرداً بين أُناسٍ ظالمين
=================
لم يخافوا اللهَ في سبطِ النبي
اظهروا في قتلهِ الحقدَ الدفين
=================
قتلوه ثم نادوا واعلنوا
قد أخذنا الثأرَ في يومِ حنين
===================
ثــم نادوا يا جيادُ أقبـــِـلي
خرَ مَنْ مِنهُ جميعاً خائِفين
==================
لم تُرَ خيلٌ بمثلِ ما أتوا
اعوجياتٍ تُخيفُ الناظرين
===================
وذهاباً واياباً قــــد غـــدوا
يسحقوه واعتلوا صدرَ الحسين
===================
طحنوا اظلاعَهُ طحن الرحا
قُطِّعت اوصالْهُ يا مؤمنين
===================

أسألكم الدعاء رائد الاسدي باز کردن / نظر دهید