احوالات قتلگاه شعری بسیار عالی از سعدی زمان و استاد یحیوی بی | خیمه گاه اباالفضل

احوالات قتلگاه

شعری بسیار عالی از سعدی زمان و استاد یحیوی

بیر قوجا سید سایسز قوشون اللرده سنان
بیرطرفده اوخ ورانار گلدی اللرده کمان
بیرطرفده داش ورانار آه یا زهرا امان
نه دیوم نه ظلم لر وردی بروزه اهل کین

باش یارالی یوز یارالی سینه ده بیر دسته اوخ
آلنی اوخلی سینه قانلی نیزه دن داش زخمی چوخ
آغزی قانلی دیل دوداق قانلی کمک هچ کیمسه یوخ
نحری منحور ایستی توپراق جسمی قاننان گل نشین

اوخ یریندن اوخ دییب خنجر یریندن تیغ تیز
داش یریندن داش دییب یوخ قدرتی اتسون ستیز
جبرئیل لای لای چالان پیکر اولوب دی ریز ریز
باشینه توپراق سپوردی عرشیده روح الامین

قتلگاهی دولدوروب دریا کیمی موج اتدی قان
ایش دایاندی بیر یره رحم ایلدی خنجر وران
شمر گلدی خنجر الده آه یا صاحب زمان
خیمه دن عمون اوساعت چخدی محزون و غمین

حسین بیر وقته یتیشدیم من میداندا چالخلاردون
گورمزدی گوزون قاننان اوخلاری قوجاخلاردون
عطشان دیلوون اوسته سن قانوی ساخلاردون
هردن بیر اشاره لن اوندا منی یوخلاردون
معلومیدی قالمیشدون منن نگران قارداش
https://telegram.me/kheymegahhAbalfazl