2021-02-01 21:17:12
شعر شرح معرفت به مناسبت روز مادر
شاعر: مقصود ارفعی خسروشاهی
ئورکده کی طپش و تاب و طاقتیمدی آنا
باشیمدا افسرِ شاءن و شرافتیمدی آنا
فرشته خو، سوءزی شیرین ، وجودی شمع وفا
سپهرِ عشقیده ، ماهِ ملا حتیمدی آنا
تمام ملکِ سلیمانه وئر مرم باخیشین
سروشِ مِهردی ، سِرّ ِ سعادتیمدی آنا
حیالی گوزلری صهبای معرفت دی منه
ایشقلی مشعلِ راهِ هدایتیمدی آنا
صفا تاپار ئورگیم هر زمان گلنده سسی
صداسی نغمه ی باغِ سیادتیمدی آنا
دویونجا شیره ی جانین نثار ائدیبدی منه
خلوص عشقینه احسن ، منابتیمدی آنا
گئجه گونوز منه لای لای چالیب ، مراقب اولوب
ملیکه ی دل وجان و اصالتیمدی آنا
الیم توتوب یئریدیبدور دل ئورگدیبدی منه
اساس عزّت وشاءن و جلالتیمدی آنا
نقدری باخسام اونا، دویمارام ، گویول خوش اولار
جمالی مظهرِ صدق و صداقتیمدی آنا
یورولمارام نقدر اگلشم ، دانیشسا منه
دئدیقجا دینجلرم ، وجد و حالتیمدی آنا
وجودی مایه ی عزّت ، نفس لری برکت
مرام و منطقی ، روح منا عتیمدی آنا
ائوین مدیر فهیم و چراغ و زینتیدی
حضانتینده امینِ امانتیمدی آنا
فرشته لر باشی اوسته همیشه شهپر آچار
دئسم روادی سفیرِ حمایتیمدی آنا
وجودی عزّتیمیزدی ، قوجالسا زینمتیمیز
ائویمده شادی ونور و طراوتیمدی آنا
مُفرّحِ دل وجانیم ، معلّیمیمدی منیم
خدای عالمیانه ، دلا لتیمدی آنا
حیا و عفّتینی واژه یوخدی شرح ائله سین
شرافتیمدی ، اساس طهارتیمدی آنا
کتاب و عترته تفسیریدور نماز شبی
چراغِ روشن راه عبادتیمدی آنا
قیام و سجده لری شرح معرفتدی منه
ئولونجه مرشدِ دین و دیانتیمدی آنا
دعاسی درگه اعلاده مستجاب اُ لو نان
گره گشا دی ، رموز فلاحتیمدی آنا
کلید جنت الاعلا اُنون رضایتیدور
رضاسی شادی روز قیامتیمدی آنا
الوبدی "ارفعی" محروم ، عمریدور آتادان
ئوزون امید الینی ئوزمه ای خدا آنادان
پایگاه خبری #خسروشاه_نیوز
https://t.me/joinchat/AAAAAEQtsuVQihLKRUbmSg
2.7K views18:17