وانا حبيتك باحساس طفلة بتنسج من ضو القمره خيوط احلاما طفلة بتمسك قلم الريد وتشخبط بكل عفوية على جدران احساسك تنحت حبها جوة قليبك ترسم شجرة وجدول موية زي ما كل اطفالنا بترسم وانت الشمس الشرقت دابا علي كراس اشواقا وانت بتجدل ليها ضفاير من احساسك ودقة قلبك وحبك ليها طفلة بتبني بيوتا لما مطيرة عشقك تهطل من كرياتك وطينة طيبة اصلك طفلة بتعرف انو الشمس الغابت هساا لازم بكره حتشرق ونورا يضوي سماء احلامنا وانو الموجه مهما تعلى بترمي الهم في حضن القيف وتهدأ الموجة على طبطاب القيف وكل شراع مغروس في قلب النيل لابد تحركو نسمة ويرسى في حضن القيف.. . . خربشات قلم .. enaam zareba 11.5K viewsEnaam Zareba, 11:10
