مشاي للغوالي ؛؛؛؛؛؛؛؛؛؛؛ شلت بيدي ، أعز راية ، إسمعوني ، يم | الشاعر علي حسن الكناني
مشاي للغوالي
؛؛؛؛؛؛؛؛؛؛؛
شلت بيدي ، أعز راية ، إسمعوني ، يمشاية
أخذ روحي ، هوه حسيني ، و شغف عيني
إله هوايه
أمشيله بلا تعب و المكصد إله
يا شيعة كل الطرق تؤدي الكربله
و النية لزيارته أنويها بخشوع
و أمنيتي مني هالعمل بس يتقبله
تعنيت ، خطوة خطوة ، لحسين ، كلها فدوة
هيهات ، ما اعوفه بس اشوفه يهدا بالي
؛؛؛؛؛؛؛؛؛؛؛؛؛؛
إله ماشي ، و أحب دربه ، من جفوفه ، ردت شربه
أبو فاضل ، أحبه إشكد ، و من المرقد
ردت تربه
و بحسبتي يسوه الذهب مايه و تربته
و البيها يعتز النظر شوفة كبته
ما أعتقد بن حيدرة مكطوع الجفوف
و هاي الحشود الي إجت كلها ابأمرته
مولاي ، يا بو فاضل ، لولاك ، ماكو كافل
بحماك ، تبقى زينب ، يالمرتب ، تبقى عالي
؛؛؛؛؛؛؛؛؛؛؛؛؛؛؛؛؛؛؛؛؛؛
يسموني ، الخدم زاير ، أباوعهم ، و أضل حاير
مواكبهم ، ملت دربك ، و أثر حبك
كرم صاير
خدمتهم تخلي اليجي حاير بالوصف
بيها الفقير من الغني لا ما ينعرف
كل اليخدمونك شفت بالموكب سواء
واحد على الثاني أبد ما زايد حرف
خدام ، و إنتهينه ، حياك ، يالتجينه
عالراس ، ضل مجانك ، عالي شانك ، يالموالي
؛؛؛؛؛؛؛؛؛؛؛؛؛؛؛؛؛؛؛؛؛؛
أساميكم ، كتبناها ، بزيارتنه ، ذكرناها
يمن غبتوا ، غصب عنكم ، نعاهدكم
مننساها
عنكم نيابة بالمشي ننوي و نفتخر
ما ردنه غايب ينحرم من هذا الأجر
و الي منع عنكم سفر و بحجة وباء
كلوله ، بس ( خير الحسين ) بدربه منتشر
خسران ، الي تجافى ، و الراح ، رد معافى
معروف ، دربه وصفه ، اليمشي يشفه ، لا يبالي
؛؛؛؛؛؛؛؛؛؛؛؛؛؛؛؛؛؛؛؛؛؛؛
#مشاي_للغوالي
#علي_حسن_الكناني
معرف الخاص
@Ali22kinani
معرف الإنستا
Sh_a_h_k
https://t.me/kinani16