إلك هالكون ردد ، محمد يا محمد ؛؛؛؛؛؛؛؛؛؛؛؛؛؛؛؛؛ الشكر لله هد | الشاعر علي حسن الكناني

إلك هالكون ردد ، محمد يا محمد

؛؛؛؛؛؛؛؛؛؛؛؛؛؛؛؛؛

الشكر لله هدانا هالهدية
فخرنه صرنه أمه أحمديه
هويتنه و فرحنه إبهالهوية
نبينة والد الزهرة الزچية

منو ال من عندي أسعد ، محمد يا محمد

؛؛؛؛؛؛؛؛؛؛؛؛؛؛؛؛

بشر بس حير أملاك بصفاته
النبي يوسف ميوصل نص حلاته
حبيب الباري و الله يحب صلاته
الحسن و حسين ريحانة حياته

بعظمتك ما حصل جد ، محمد يا محمد

؛؛؛؛؛؛؛؛؛؛؛؛؛؛؛

الكرم و الجود بچفوفه علامة
شفيع الأمته بيوم القيامه
كلام الباري تسمع من كلامه
بحديث الغار هنيال الحمامة

العشها چان إلك سد ، محمد يا محمد

؛؛؛؛؛؛؛؛؛؛؛؛؛؛؛؛؛؛؛؛

آلهك رادك و سماك مختار
إليحبك صدگ ما يدخل النار
تره الما عنده أحمد حيل يحتار
و اليطب جنتك يحتاج كرار

بوجه عذاله ينسد ، محمد يا محمد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فضيلة وحدة راح أحچيها عنه
إذا ماكو محمد ماكو جنه
يگول حسين مني و آنه منه
فزنا بحب الحسين و سلمنه

بمحبته النار تبرد ، محمد يا محمد

؛؛؛؛؛؛؛؛؛؛؛؛؛؛؛؛؛؛؛؛

#محمد_يا_محمد
#علي_حسن_الكناني