قناة الشاعره هناء الدراجي.

2020-09-14 22:22:24 نعي ......
كأني بلسان مولاتي زينب الكبرى عليها السلام.

جيت ابهمي للزهره وگلت چلمه .
جسم ابنچ يبضعة مخضب بدمه. .
الخيول اهواي داست واطحنت جسمه.
اونسمات الهوى لو مرت اتلچمه
الف الله وأكبر والنحر مذبوح.
ابو الأكبر ييمه دمه ضل مسفوح.
على روس الرماح الراس ضل يلوح.
اشبه دورته بدورة سفينة نوح.

اعاينله يزهره وكلبي شيصبره
جسمه معفر ومحزوز من نحره
مذهوله بصفنتي وكلبي بي جمره
ذو الفقار چنه النام عالغبره.

الحزين شلون يكدر يفرح بيومه
يشوف أهله وعياله عالترب نومه
تشرح حالته دمعته المرسومة
عالخد والجفن والروحه مهمومه.

https://t.me/kkuyyu باز کردن / نظر دهید

2020-09-13 21:41:12 لسان امير المؤمنين وهو يحاور جبل الصبر سلام الله عليهم.


زينب سولفيلي ياضوة العين
عينچ ماعمت من طاح الحسين

ءءءءء

شسوالف والسوالف ذوبن چبدي
الجرح نابت ابگلبي امخضر اويدي
محتاره أوعلي منين ابدي ماابدي
عميتي عيوني من شفتچ تلوجين

ءءءءءء

جسم اطهر سلاله ابدمه أتخضب
عمت عيني عليه ابموتته أتعذب
يون بهداي چبده امن العطش يلهب
على هونچ يزينب من تونين

ءءءءءء

أعاين عالكفل لو عن نحر دامي
لو عن اليتامى التجر بجدامي
بسواد الليل صارت معتمه أيامي
سهم نام بدليلي اوصار نصين

ءءءءءء

بگيت ابديره وحدي بناري اتچوه
رحل عني الكفيل الچان الي سلوه
تشب نار بدليلي امن اذكر الخوه
بهيده أويه البچي خافن لتعمين

ءءءءءء

يدهري براضه وي كليبي لتلچمه
خذيت الچان يرهب لو حچه الچلمه
الكفل ويه الحسين مخضب بدمه
وسفه حسين تفزعله النساوين

هناء الدراجي.

https://t.me/kkuyyu باز کردن / نظر دهید

2020-09-13 06:24:01 إهرب حيث شئت ...
" إن إلى ربك الرجعى"
وافعل ما شئت فهناك ...
"كتاب لا يغادر كبيرة ولا صغيرة إلا أحصاها"
فاليوم يقبل منك "مثقال ذرة"
وغدا لن يقبل منك ملء الأرض ذهبا . باز کردن / نظر دهید

2020-09-12 15:00:02 نعي مولاتي مع واقعة السبي.

ابالي خطرت يالكافل حسبات هواي.
حسبة ناكة وحسبة هيمه والرووس وياي
چفينك ليش عايغهم يم شاطي الماي
تسئلني الناس وادكلي وين العباس.

تدري ياخويه الليله اخيالي إنشاف.
اوحملي زايد بالوالي فوك الاچتاف.
اوچم جرح النام ابكلبي لا مايراف.
بس الليل ال يحمينه امن عيون الناس.

چم خيمة احتركت يمي واچم صيوان
بذيال هدوم ايتامك شبت نيران.
وجم صوط النام أبمتني من العدوان
تذوب الونات ابكلبي امن انظر عالراس .

ترضاها الخدر خويه تركب عالنوك
بين العدوان ممشانه وانطوف السوك
كلما اذكر خدري ايئلمني الشوك.
يلمالك روحي أوذاتي أوكل الإحساس. ً

هناء. الدراجي.

https://t.me/kkuyyu باز کردن / نظر دهید

2020-09-11 23:25:56 قصيدة عن لسان الإمام المهدي روحي لتراب مقدمه الفداء وهو ينعى جبل الصبر...
(الحوراء زينب).


يزينب ياعظم صبرچ.
رحل ويه الكفل خدرچ.
السمه تبجي اعله حالج.
على مصاب الجرالچ.

1
اورثتي مصايب كربله ،من فاطمه بنت النبي.
امچ تچوت بالضلع، ونتي الاشد منهه السبي.
نار ابدليلچ تسطلي، تشوفچ عيون الاجنبي.
والاشد من هذا الجره، حرگ المخيم والعبي .

يزينب اخذ ابثارچ.
وطفي بالدمع نارچ.
السمه تبچي اعله حالچ.
على مصاب الجرالج.

2

بعد الابو مصاب الحسن، بالسم گضه نحبه رحل.
باب اوجرح يم الصبر،دموم متروس المحل.
الطف بده من المهد، مناغاتچ افراگ الاهل.
ارضعتي مصايب كربله ،من الصبه الحد الاجل.

يزينب ذبلن عيونج.
دمع جرحلج جفونج.
السمه تبچي اعله حالچ.
على مصاب الجرالچ.
3

عيونج تشاهد هالصور كل صورة ترسملج جرح.
جدامج حسين انسحگ وتعلى راسه اعله الرمح.
وعلتل وگف هيبت علي ومتاني بالطف الذبح.
يسترهن الليل المشن بس سولفيلي اعله الصبح.

كبر جرح اليمشونچ.
رسم چم سوط بمتونج.
السمه تبچي اعله حالج.
على مصاب الجرالج.

4
تسمعين صوت العايلة، تبچي وتون من الضمة.
هذا نسلب هذا انضرب، ذاك الحبل ضل يلچمة.
يا صبر صبرج بت علي، اورثت مصايب فاطمة.
ايعينچ الله اعله الهزل، يالحزنج امغطي السمة.

ذبل من الجرح عودچ.
البواچي لچمن خدودچ.
السمه تبجي اعله حالچ.
على مصاب الجرالچ.



هناء الدراجي.


https://t.me/kkuyyu
========= باز کردن / نظر دهید

2020-09-10 19:43:36 حملتي الآم من دهرچ
غريبه وياصبر صبرچ.
كلبچ لو يون حگه
عليچ مطوله الفركه.
غريبة وياصبر صبرچ.

ءءءءءءء

جمر كلبچ تجسد وي حزن يعگوب
جم يوسف قميصة مشگگ او مسلوب.
عفه كلبچ يحره شكد مشيتي دروب
اوچم راس لأخوتج عالرمح مصلوب.

يلبوة حيدره هونج
ذبل من الحزن لونچ.
يروحچ رايده الملگه
عليچ مطوله الفرگه.
غريبه وياصبر صبرچ.

ءءءءءءءءءء

دمع عينچ نزل عالوجنه لون احمر
من شفتي الفواطم تمشي ابهلبر.
عفه الصبرچ يحره الصخر منه انطر
جرح الشام بيج شما عتگ يكبر.

يزينب حالتچ حاله
اخوچ مگطعه اوصاله .
بروحچً شلتي چم حرگه
عليچ مطولة الفرگه

ءءءءءءءءءءء

على عيونچ اشوف سوالف الخيمة
لسع صوط وحرگ وأطفال بالهيمه.
تحبسين الدمع الي صبح غيمّه
تهدهد حيلچ اعله حسين ابو الشيمه.

على عيونچ حزن يكتل
مصابچ حدب السنبل.
بشهگة نفس مختنكه
عليج مطوله الفركه.

ءءءءء

مشيتي بالسبي چم سلف چم ديره
وسوالف صفنتچ بيها الف حيره.
حملتي شكد غصص ومصايب جبيره
توجهين العتب لحسين ابو الغيره.

كلبج والحزن جارح
عندج جم اخو طايح.
شفتي ضلوع منسحكة
عليج مطوله الفرگه.

ءءءءءءءءء

الله يعين گلبيچ حمل چم لوعه
جدامچ يتاما وحرم مفجوعه.
تنظرين العليل بروح موجوعه
تحبسين النفس والونه مسموعه.

الجروح عليج ملتمه
تطيب وترجع بلچمة.
المفارگ اخو اشيلگه
عليج مطوله الفرگه.


ءءءءءءء

هناء الدراجي.

———————————————
ياولي الأمر ياكهف الرجا..
مسني الضر وانت المرتجى..
والكريم المستجاب الملتجأ..
غير محتاج إلى بسط السؤال
بك المستغاث مولاي ياصاحب الزمان



———————————————

https://t.me/kkuyyu باز کردن / نظر دهید

2020-09-09 16:01:13 قصيدة واقعة الطفوف .
عن لسان الزهراء روحي لها الفداء .

جيتك ودموعي اتصب من دم.
جسم اوليدي شفته تخذم .

اوليدي نزفت كل جروحه .
وادمومه ظلت مسفوحه .
حزو نحره وطلعت روحه .

معفر جسمه اوصدره مهشم .
جسم اوليدي شفته تخذم .

بانت بضلوعك هاللوعه.
والونه بجسمك مسموعه .
جيتك مذهوله ومفجوعه.

حاجيني يوليدي اتكلم
جسم اوليدي شفته تخذم

راسم بعيونك جم صورة.
بالخيمه اطفالك مذعورة.
لا ترفع جفك مبتورة.

والخنصر منهم مايسلم .
جسم اوليدي شفته تخذم .

لمصابك جم عين التدمع .
عفت كليبي بحزنه تكطع .
من شفتك وحدك بالمصرع .

بالحافر صدرك يتالم .
جسم اوليدي شفته تخذم .

رضت جسمك هالخياله .
هل حاله اصعب من كل حاله .
اوحيد اومحد يبراله .

بعدك زينب تكبع بالهم .
جسم اوليدي شفته تخذم .

هناء الدراجي .

https://t.me/kkuyyu باز کردن / نظر دهید

2020-09-09 00:19:16 قصيدة واقعة الطفوف ....


الحزن يرسم مصابي.
ملاذي بس حجابي.
ردت تسمع جوابي. تعال.
خذو أختك سبيه.
الحبل كصص اديه.
يخويه انظر اليه. تعال.

،،،،،،،،،،،
شامت مگابل ضعن ابچفه دف
واحنه مابين العدا مشيتنه صف .
جاورينه ناس ماعدهم شرف.
اي سكتنه لاچن المدمع ذرف.

اجيتك يالتچيه.
دصد عينك عليه.
يخويه انطر اليه. تعال.
،،،،،،،،،،،،،،

هاجس الخوف انرسم بعيوني دم.
واني ما بين اليهز راس او علم.
زلم صلفة وعاينت صوب لحرم.
وجانن الچلمات اقسى منل سهم.

شفت ضيم اوذيه.
ابمصاب الغاضريه.
يخويه انظر اليه. تعال.
،،،،،،،،،،،،،،،،

خويه تدريني شفت اصعب ضروف.
وانه مابين الحرم امشي واطوف.
اه يمصاب اللفاني امن الطفوف.
خويه ياكافل تعال ابكلبي خوف.

ضربني ابن الدعيه.
ثجيله أسياط أميه.
يخويه انظر اليه. تعال.

الليل سنطه وينسمع صوت الونين
اشكد سوالف ضامه ابكَلبي اوحنين.
من اشاكف بيدي إسياط اللعين.
ّتصير عتمه ومظلمه بعيني السنين.

شفت أمي الزچيه
اجتني ابهالمسيه.
يخويه انظر اليه. تعال

،،،،،،،،

خوية يا كافل ضعوني گلبي حن.
كلشي بيه لشوفتك صدگني ونّ.
عالبنات الي انسبن كلبي امتحن.
وانه احميهن بدية من مشن.

دموعي تضل جريه.
على الطفله رقيه.
يخويه انظر اليه تعال.

..............
. هناء الدراجي.


https://t.me/kkuyyu باز کردن / نظر دهید