ولله الحمد بفضل الله سبحانه وتعالى قدرت احصل على نسبة ٩٩ % وعقبالكم يارب واعلى منها . ------
أول شي .. مفهوم ان القدرات صعب كذب مفهوم ان الميه شي ما يحصل للكل ذا كذبببببب .. ( أي احد يقدر يجيب ميه )
أنا كنت اكثر وحده كنت اتحلطم للي يعرفوني يعني + والله ما جتني هالنتيجه الا بعد تعبي يعني انا تعبت جدا ولولا مرارة الصبر ما استمتعنا بحلاوة النتيجه ... فاللهم لك الحمد ...
قبل ما ابدأ كلامي عن مصادر مذاكرتي عندي لكم نصائح او بالاصح خطوات هامه قبل ما تبدون تذاكرون ...
1. الثقه بالله : تعرفون لما تثقون ب بشر ضعيف لا يملك شيئًا من قدرة الله ولا من مُلكه سبحانه ... هل بيخيّب ظنك فيه بعد ما تثق فيه ثقه حقيقيه ..؟ طبعًا لا والف لا ،، ولله المثل الأعلى ... ما بيضيع انسان أعطى ثقته الكامله بالله سبحانه وتعالى ... ثقوا من هالشيء !
2. التوكل على الله : يعني تفوّضون أمركم لله ثم مع بذل الاسباب يعني نتيجتك ترتبط بتوكلك على وثقتك فيه ثم مع بذل الاسباب وما ينفع تبذل الاسباب دون توكل على الله ولا انك تتوكل على الله بدون فعل الأسباب لأن هذا اسمه تواكل مش توكل
انتوا لازم تبذلون كل ما تملكون من طاقه عشان توصلون لهدفكم والنتائج على الله ، والله سبحانه ما بيخيب ظنك فيه
...
بالنسبه لمصادر مذاكرتي" وبتكلم عن التجربه هذي مش تجارب سابقه
الكمي : 1. التأسيس أولًا وتحته مليون خططط لا تفكرون تتدربون الا ومتأسسين عدل .. المعاصر تخلصونه مرتين او ٣
انا ذاكرت المعاصر ( مرتين ) واذا ما كفتكم مرتين عادي تقدرون تعيدونه ، وبرأيي وبحسب خبرتي في المصادر وكمية المبالغ اللي دفعتها بمصادر التأسيس الا أن افضل مصدر للتأسيس هو المعاصر ...
2. طيب بعد التأسيس محتاجين تتدربون يعني تحلون اكبر قدر ممكن من المسائل ولا توقفون عن الحل او بالاصح لا تقطعون فترة ثم ترجعون مرة غلط .. ( لكن ضروري يكون لك يوم بالأسبوع بريك )
طيب من وين نتدرب ؟ بقول لكم يا أصحاب ال١٢٠ ليه ؟؟ لان ال١٠٥ اغلاطه كثيرة وال١٢٠ نادرا ما تحصل خطأ ... طيب لو ما نقدر نشتري ال١٢٠ كيف ؟ بقول لك شوف ال١٠٥ لكن تأكد من اغلاطه وشوفوا ملف الأخطاء
ملاحظه : بعد ال١٢٠ دخلت دورة استاذ عماد حق نماذج المحوسب وختمتها مرتين وصراحه دورته جبارة وجميله جدا الى مالا نهايه ...
( لكن تقدرون عادي بس تأسيس ثم ال١٢٠ مو شرط تدخلون اي دورة ) -
ملاحظة ثانيه : ياجماعه ملف المقارنات والرسومات اشوف كثير يستهينون فيه ! غلط ذولي الملفين مهمين جدا يعني يوم كنت اذاكر والله اضافة حرفين للسؤال يغيّر المعنى ... كلامي لكم يعني اعطوا الملفين حقهم في المذاكرة
انتبهوا للملفين ذولي خصوصًا بالمحوسب ... وذاكروهم اكثر من مرة بفهم ولا تفكرون تحفظون الا السؤال المتقفل اللي باقي ما تصحح ------ نجي للفظي : بصراحه اللفظي ما تأسست له لاني اعرف العلاقات وكذا واعرف اطلعهم ( من تأسيسي القديم ) ..
ف علطول رحت لباقات الرابح وختمت باقة اللفظي اكثر من مرة يعني يمكن ٤ مرات او اكثر حتى .. ( عيدوا النماذج كثير كثيرر ، وهذا الشي اللي ساعدني بعد الله اني اجيب ١٠٠ لفظي ) ---- بالنسبه ل الكمي عند الرابح برضوا حلو لكن انا ما ناسبني الشرح اللي يكون كتابه ،، احب اشتغل مع معلم سواء بث ولا شروحات مسجله للنماذج والناس تختلف
لكن نموذجي هو نفسه عند عماد وعند الرابح
هذي هي مصادر مذاكرتي ( مو شرط كلكم يناسبكم نفس المصادر ) ----- وبالاخير ابي أكرر واقول لكم ما فيه شي مستحيل بما اني جبتها وغيري الاف جابوها بتقدرون ما يفرقكم شي عني وعن غيري من الناس اللي وصلت وحققت احلامها ...
أشكر أمي الغاليه على دعمها لي و أشكر كل من ساعدوني لو بشرح او حتى كلام تحفيز خلاني استرجع طاقتي في المذاكرة ...
والشكر الخاص للناس اللي دعمتني دعم خاص وقوي ( يعرفون أنفسهم لانهم كثير والله ) حقيقي الله يسعدكم مثل ما وقفتوا معي وعمري ما بنسى فضلكم علي .
أتمنى تجربتي افادتكم لو بالقليل او كانت مصدر الهام لكم
واثقه فيكم جدا ف لا تستسلمون
ولا تنسوني من دعواتكم بالتحصيلي وبحياتي كلها .. ولكم بالمثل واضعاف يارب
قناة تجارب القدرات : https://t.me/Kodurat1 قروب قدرات ثانوي : https://t.me/Kodurat2 قناة تسريبات قدرات : https://t.me/Kodurat3 - لمشاركة تجربتك أرسل هنا @Tgarpqudrat_bot
