" قد تطلبُ من الله أن يُزهر وردةً في طريقك، فيَهبُك بكرمهِ بستانًا لم يخطر حتى في خيالك "
سلام عليكم معاكم الدكتورة : اسماء قبل كل شي بقولكم والله مافيه فرحه وما دفعنا ثمنها ربي سبحانه يختبر الصابرين ويوفيهم اجورهم .. طبعا في البدايه الي يبي ينجح ويحقق مراده الي يبي الرزق من اوسع ابوابه صلاتك صلاتك صلاتك قبل كلشي حسن علاقتك بربك والله مارح تندم انا طبعا كنت قبل اتوكل على الله ايه بس ماكنت متفائله ماكنت اتوقع الافضل لكن شخص واحد غير مجرى تفكيري بشكل كبير لدرجة اني سلمت امري لله تفاءلو تفاءلو توقعو الاجمل من ربي والله ما راح تندمون ف صلاتكم وثقتكم في الله اهم شي
اليوم راح احكي لكم قصتي مع القدرات الي الحمدلله كانت نهايتها مرضيه جدًا جدا لي طبعا ما راح احكي لكم من اول محاوله باحكي لكم عن المحاولة الثالثة بداية انا في اول محاولة جبت ٩١ والثانية ٨٩ والثالثة ٩٦ ولله الحمد طبعا ما راح اكثر كلام ومدري ايش باحكي لكم باختصار بداية بعد ما اختبرت المحاولة الثانية وطلعت النتيجة زعلتتت مررره مررره لاني منجد حرفيًا جلست اذاكر لها من ٥-٦ شهور تقريبًا ولكن الحمدلله قدر الله وما شاء فعل طبعا كان وقتها فترة اختبارات نهائية للفصل الاول فما ذاكرت على طول انتظرت شهر وحجزت بتاريخ ٢٩/٦ قلت بخليه على هذا التاريخ قبل ما تنزل نماذج جديده واتلخبط في المحاولتين الي راحت كنت اذاكر بجهد مو طبيعي كنت اذاكر من ٤-٦ شهور للمحاوله الوحدة طبعا كنت متأسسه بشكل ضعيف مرررا مررررا فهذا ايضاً سبب اني ما اجيب درجة ولكن ولله الحمد في النهايه عرفت ايش السر للي يبي نسبة بالقدرات انو (( ذاكر بذكاء وليس بجهد)) القدرات ترا يجماعه سهل سهل بس يبي لك تعرف لتكنيك بسيط وبتجيب امه ، طبعا خلصنا اختبارات نهائية للفصل الاول طبعا نسبتي نزلت بالمدرسه شويتين بسبب القدرات كان عقلي وقلبي معه وقتها مو شاغل تفكيري غيره .. خلصنا وبدات الاجازة اسبوع تقريبًا قلت انا لنفسي خلاااص لمتى التسويف لازم ابدا اشد على نفسي رحت واخذت المعاصر وبدات مع عماد اتاسس طبعا قبله كنت اتأسس من مقاطع فهد التميمي واحس مو مره فهمت له فا لجأت للمعاصر يجماعه حرفيًا الكتاب بطل وشرح أ. عماد بعد يجننن مرههه ف تاسست معه وذاكرت كتاب ال ١٢٠ الي مع المعاصر كنت للصراحة افتح الباركود الي يجي ف كتاب ال ١٢٠ لكل نموذج وهذا الشي بعد كان ممتاز اما اللفظي ما تأسست فيه خشيت علطول على ١٢٠ بدف كانت مدة مذاكرتي شهرر كامل و صراحة انا اكثر انسانه اسوف ف سوفت بعض الايام لكن الحمدلله شديت على نفسي اخر ثلاثه ايام وربي الحمدلله ارضاني اللهم لك الحمد يارب رحت اختبر بعدها رحت وانا مواصله ما نمت لي ٢٤ س صاحيه والشي ذا مو كويس نصيحة منننيي لاتروحون تختبرون الا وانتو مرتاحين ونايمين زين رحت اختبرت طلعت وانا مبسوطة جدا من الاختبار طبعًا جاني نموذج الندوة والقدرات الدماغية والله العظيم انه قبل اختباري بيوم صليت المغرب وخلصت صلاة ودعيت انه يجيني النموذج ذا والحمد لله ربي عطاني ياه ما تتخيلون قد ايش فرحت والله . طبعا التسريبات انتبهووو انتبهوا تعتمدو عليها قسما بالله ماجاني منها شي في خلوها كمراجعة ممكن بس لاتعتمدوها وبس والله هذي كانت حكايتي بإختصار والحمد لله كانت نهايتها ترضي الى ابعد حد مصادري للمذاكره: المعاصر ٦بلس ١٢٠ تبع المعاصر للتدريب ١٢٠ اللفظي ……………………………………………• دعواتكم لي ياصدقاء بالتحصيلي واقفل عليه بنسبه+٩٥ وانقبل طب بشري يارببب طبعا من الاشياء الي تعد اسباب من بعد الله صلاة الوتر وصلاة الضحى والله الي يصليها ما يخذله رببي الصلوات في وقتها طاعة والدينك و البعد عن المعاصي سورة يس فيها سحررر عجيب والله العظيم تحقق كل الي تبغاه بشكل يالله فا استمرو يا ابطال ولا تسمعون للي يحطمكم .. فمان الله
قناة تجارب القدرات : https://t.me/Kodurat1 قروب قدرات ثانوي : https://t.me/Kodurat2 قناة تسريبات قدرات : https://t.me/Kodurat3 - لمشاركة تجربتك أرسل هنا @Tgarpqudrat_bot
