#تجربه السلام عليكم معاكم الدكتورة دنا (انشاءلله) وجاية اشا | قدرات ثانوي ( ورقي و محوسب )
#تجربه السلام عليكم معاكم الدكتورة دنا (انشاءلله) وجاية اشارك معاكم تجربتي المتعبة في اختبار القدرات يلي قدرت اتخطاه ولله الحمد طبعا زي ما انتو شايفين هذي العلامة جات بالجهد والتعب ومن المحاولة الاخيرة، اول مرة اختبرت ماذاكرت ولاشي كويس وجبت 79 والمره الثانية شديت على نفسي وجبت 90 وقلت انو خلاص المحاوله الثالثة بجيب العلامة يلي ابغاها وفوق ال٩٥ لكن اتفاجئت من صعوبة الاختبار انو مرا ما كان من يلي ذاكرتو وضعت ف نص الاختبار وتوترت وجبت 89. وجات بعدها هذيك البكوة يلي ما توقف حرفيا اليوم كامل جلست ابكي هيا صح كويسة لكن انا مرا تعتبت وذاكرت ومافي فرق بينها وبين يلي قبلها ف كأنو راح تعبي على ولا شي وهذا يلي كان يزعل ويقهر. اتحطمت مرا نفسيا وقلت باقي لي اخر محاولة خلاص لازم اشد على نفسي من جد مع انو مرا ما كان لي خلق اختبر مرة ثانية واعيد نفس الموال لرابع مرة. خلاص بدأت ادرس وكل شي وخلصت تقريبا ف ٥٠ يوم لكن هذا كان لانو قد درست من اول ف ما اعرف قد ايش المدة المناسبة لشخص يبدأن الصفر لكن اعتقد شهرين تكفي لكن هذا اذا بتدرس يوميا مو تسحب يوم وتذاكر يلي بعدو. المهم خلصت الحمدلله ورحت اختبر وكنت بصرخ ف نص الاختبار من الفرحة لانو حرفيا النموذج يلي جاني مرا سهل اسمو التلوث والكسوف والحمدلله خرجت من الاختبار اكثر من مبسوطة لانو شعور الانجاز شي يفرحححح والحمدلله كان ختامها مسك مصادري: للكمي تأسست من كتاب المعاصر ٦ بلس لكن دحين صار ٧ بلس هو الاحدث ق الافضل انكم تشتروه هوا والتدريب تدربت من ال١٤٠ هوا حرفيا افضل كتاب تتدربو عليه ٩٥٪ منو بيجي ف اختباركم مو شرط نفس الارقام لكن نفس الافكار للفظي درست من ال١٢٠ pdf تلاقوه ف اي قروب في التيليجرام وتراه حفظ اكثر من فهم يعني الشي الوحيد يلي تفهموه هوا التناظر اللفظي لكن الباقي حفظ وقبل اختباري بأسبوع راجعت من ال٨٩ نموذج لانو مرا بيجي منو كثير وبعدين راجعت شويا من التسريبات لكن الصراحه انا اشوف انكم تراجعو من ال٨٩ نموذج اهم من التسريبات لانو يضمن كل النماذج وانا اصلا يوم اختباري مانزلت التسريبات على وقتها ولسا جبت ٩٦ لانو مراجعة من ال٨٩ نصيحة مني ادرسو الاثنين في نفس الوقت علشان ما تنسو شي. ذاكرو يوميااااا لا تسحبو حتى لو يوم. واخر نصيحة انو لا تيأسو ابدا لانو تعبكم ما رح يضيع وربنا رح يعطيكم قد تعبكم لانو ربنا كريم. هذا شي انا اتعلمتو لان في المحاولة الثالثة كنت ادعي من قلبي انو اجيب فوق ال٩٥ لكن جات العلامة تحطم وطلع ربنا بيختبر صبري ويبغاني اختبر تاني علشان اجيب العلامة يلي ابغاها والحمدلله انا صبرت.. ف ابدا لا تتحطمو اذا ما جات العلامة من اول او ثاني او ثالث محاولة لسا في امل مادامك تدرس وتجتهد. ف اتوكلو على الله وافتكرو انو ربنا دائما معاكم والحمدلله انتهى هم القدرات على خير الله يوفقكم كلكم وادعولي عقبال اجيب فوق لل٩٥ في التحصيلي
قناة تجارب القدرات : https://t.me/Kodurat1 قروب قدرات ثانوي : https://t.me/Kodurat2 قناة تسريبات قدرات : https://t.me/Kodurat3 - لمشاركة تجربتك أرسل هنا @Tgarpqudrat_bot
