#تجربه بسم الله.... اول شيء الحمد لله والشكر له سبحانه هذا ف | قدرات ثانوي ( ورقي و محوسب )
#تجربه
بسم الله.... اول شيء الحمد لله والشكر له سبحانه هذا فضل من ربّي وكرمه سبحانه.
(قال النّبيّ صلّى الله عليه وسلّم: “إذا رأى أحدكم من نفسه أو ماله أو من أخيه ما يُعجِبُه فليَدْعُ له بالبَركة؛ فإنّ العين حقّ” ) " ما شاء الله تبارك الله "
بقولكم "قصتّي" مع القدرات الي استمرت ما يُقارب الـ١١ شهر
-هم ٣ خطوات أساسيّة؛ وبإذن الله راح تحققون الي تبغون في اي شيء مو فقط القدرات: ١- الثقة والتوكَّل الكامل على الله ٢- التأسيس ٣- التدريب
"اللفظي عندي بذكر تجربته لحاله آخر شيء" ————————————————————-
أول شيء وأهم شيء هوَ توكُّلك الكامل على الله سبحانه، وإنه كل شيء يصير هو خير لك، اطلب من الله الي ماتتوقعه، اطلبه الي انت عاجز عنه، ولا تطلبه القليل بل زد وأطمع في طلب الرحمن والإنسان أيضاً هو نتيجة أفكاره، اذا بتفكر انك بتجيب ال١٠٠ بتجيبها بإذن الله، واذا بتفكر في ال٩٩ بتجيبها وهكذا.
————————————————————-
ثاني شيء وهو التأسيس، التأسيس هو اهم شيء لأن مع التأسيس بتصير تحل كل شيء يقابلك وتخترع طُرق حلّ سريعة وأفضل من شروحات بعض الاستاذة التأسيس له عدة طرق كثييييرة بذكرلكم تجربتي معه : ١- بديت نهاية رمضان الي راح مع نينو، تأسيسها جداً ممتاز ممتاز في الكمي واستفدت منه جداً وكان شرحها حلو "اللفظي ماجربت نينو" . ٢- المعاصر ٦ ، هذا الكتاب شيء جداً مهم في تجربتي، تأسيس وتدريب واختبارات تجريبية وشروحات الاستاذ عماد كلها في هالكتاب تخلص الكتاب الكبير و"تراجعه " لأن مهم تراجعه وبعدين تبدأ في الصغير حقه وبعدها اختباراته الالكترونية اذا عندك وقت.
————————————————————-
انتهينا من التأسيس، والآن الشيء الثالث ولايقل أهمية عن التأسيس ؛ "التدريب" التدريب جدًا مهم عشان تعرف اشكال المسائل وطُرقها الي تجي في القدرات وكيف تقدر تحلها، وترسخ القوانين الي تعلمتها مع كثرة التدريب، أيضًا بذكرلكم مصادر التدريب : ١- ال١٠٥ كمّي ٢- التكميلية ٧ ٣- المنصف ٤- تقفيلات عماد ( تقفيلات المنصف اخذت وقت مني وانا اذاكرها وبصراحة مقاطع عماد حقت التقفيلات تُغني عنها )
"طبعا كل الي اتكلم عنه فوق كمي " ————————————————————
الي فوق كان كلها للكمي، اللفظي كنت جداً سيئ فيه ومو راضي عن نفسي فيه. اشتريت كتاب هدفك ٧ وفادني جداً لكن ايضًا مو بنفس المستوى الي ابغاه. مع المذاكرة لقيت استاذ ايهاب عبدالعظيم مسوي دورة مدتها شهر وتنتهي قبل اختباري بكم يوم يعني اقدر استفيد منها جداً
دخلت الدورة وكانت ٤٧ مقطع كل واحد تقريبا ساعة شرح فيها النماذج كاملة وفيه اختبارات لكل نموذج وفيه اختبارات مجمّعة للقطع واشياء جداً مفيدة، انا عشان الوقت كان ضيّق بس خلصت الشروحات وراجعت كامل النماذج بدون الاختبارات حقتها .
"اسمها دورة مارس "
————————————————————-
هذي تجربتي وبإذن الله تكون ولو دافع بسيط في تقدُّم أحدكم في الدرجة.
وكل هذا بفضل ربِّي وتوفيقه سبحانه
وتذكروا مافي شيء صعب بعد التوكُّل على الله وقال تعالى ( انا عند ظن عبدي بي ) " ظُنّ بالله خيرًا تلقاه وقال تعالى: ( ومن يتوكَّل على اللهِ فهو حسبه ) وقال تعالى ( ومن أعرض عن ذكري فإن له معيشةً ضنكا )
لاتنسون ذكر الله على الدرجة ، وادعولي في مرحلتي القادمة التحصيلي ومابعده
اذا حابين تستفسرون عن اي شي يوزري @ba1zh وتراه ولد لا تقولون له لو سمحتي
