2022-06-15 14:54:27
#وقفة_قبل_العشر
يا ترى عشر ذي الحجة هيغيروا فيك إيه
قف مع نفسك .. قفي مع نفسك ..
داخلة العشر و نيتك إيه
هدفك إيه
قبل العشر شوف ذنوبك إيه و صلحها
شوف مقصر في إيه وصلحه
#خد_قرار صلح علاقتك بربنا
العشر من ذي الحجة #ميلاد_توبة
مواسم العبادة بداية وليست نهاية
انوي من دلوقتي أنك هتعبد ربنا في العشر وبعد العشر
️اوعى تكون هتعبد ربنا على أنه موسم وهيعدي
أخطر مشكلة في الحياة
اللي بيقيم الليل لما يبقى عنده امتحان
اللي بيقيم الليل لما يبقى واقع في مشكلة
وأول ما المشكلة تعدي يرجع إنسان عادي
ربنا بيمثل لنا الحالة دي في قوله تعالى:
" و إذَا مَسَّ الْإِنْسَانَ ضُرٌّ دَعَا رَبَّهُ مُنِيبًا إِلَيْهِ ثُمَّ إِذَا خَوَّلَهُ نِعْمَةً مِنْهُ نَسِيَ مَا كَانَ يَدْعُو إِلَيْهِ مِنْ قَبْلُ وَجَعَلَ لِلَّهِ أَنْدَادًا "
لو عبدت ربنا عبادة موسمية ...
أنت فعلا استفدت أنك أخدت ثواب العبادة في الفترة دي
أنت كده استفدت الاستفادة الصغرى لكن ما استفدتش الإستفادة الكبرى
هو في استفادة أكثر من كده
الاستفادة الكبرى أنك تصحح وجهتك في العشر من ذي الحجة
متخرجش منها زي ما دخلتها
أننا ندخل ذي الحجة و نخرج منها بعزيمة الانطلاق فى علاقتنا بالله
#هي_دي_الثمرة
لازم تستفيد و تحقق الاستقامة و تبقى إنسان مستقيم
أيوة العبادة بعد مواسم الطاعات مش هتبقى بنفس درجة العبادة في المواسم ..
لكن متبقاش بعد العشر
صفر في القيام
صفر في الصيام
صفر في النوافل
صفر في جلسة الضحى
ياترى الكلام ده كله هتخرج منه بإيه
تجديد النية في المواسم
#نيتى
(أنني سأعبدك يارب عبادة غير موسمية فلن أتوقف عن عبادتك بعد أن تنتهي العشر)
وأنا داخل الموسم ده لازم أخرج منه مستقيم
اخرج من كل موسم عبادة بعمل واحد واثبت عليه
هتلاقى نفسك بعد سنة/ سنتين فى القمة
#اطلع_الطريق_خطوة_خطوة
في المواسم اعمل كل حاجة لكن لما تخرج اثبت على حاجة الأول و بعد كده كله هييجي وراها إن شاء الله
من أول يوم في العشر من ذي الحجة درب نفسك على العبادة
و نيتك أن العشر من ذي الحجة مش أيام و هتعدي
أخطر قرار هتاخده الأيام دي أنك تفصل لطريق الآخرة
قول لنفسك إيه العمل و العبادة اللي هخرج بيها من عشر ذي الحجة
اللي هيعبد ربنا بالطريقة دي وبالنية دي هتكون دي خطوة للأمام في طريقه للإلتزام
59 viewsخادمة الكتاب والسنة, edited 11:54
ك
