چوار چالاکی مەدەنیی یارسان هێشتا هەر لە کرماشان دەستبەسەرن
چوار چالاکی مەدەنیی یارسان بە ناوەکانی سیاوەش حەیاتی، سەیدئەمین عەباسی، سەیدسرووش عەباسی و سەیدکەرەم عەباسی کە لە ڕێکەوتی ٩ و ١٠ی سەرماوەزدا (٣٠ی نۆڤامبر و ١ی دێسامبر) لە لایەن هێزەکانی دەزگای ئیتلاعاتی سپاوە لە شارەکانی کرماشان و ساوە دەستبەسەر کرابوون، تا ئێستایش هەر دەستبەسەرن.
تۆڕی مافەکانی مرۆڤی کوردستان زانیاریی بەدەست هێناوە کە لە ڕۆژانی ڕابردوودا سێ برای چالاکڤانی مەدەنیی یارسان، سەیدئەمین عەباسی، سەیدسرووش عەباسی و سەیدکەرەم عەباسی، کە لە ڕێکەوتی ٢٦ی سەرماوەزدا (١٧ی دێسامبر) لە دەستبەسەرگەی دەزگای ئیتلاعاتی سپای پاسدارانەوە ڕەوانەی زیندانی دیزڵئاوای کرماشان کرابوون، گوازراونەتەوە بۆ دەستبەسەرگەی ئیدارەی ئیتلاعاتی ئەم شارە.
https://kurdistanhumanrights.org/ku/?p=13161
@KurdistanHRN