2023-09-02 06:28:59
Dota ဆိုတာ လေ့ကျင့်မှု ဖြတ်ထိုးဥာဏ် နည်းဗျူဟာနဲ့ တစ်ဦးချင်းကျွမ်းကျင်မှု အသင်းလိုက်နားလည်မှု အသုံးပြုပြီး ဥာဏ်ရည်ချင်းယှဉ်ပြိုင်ကစားရတဲ့ esports game တစ်မျိုးပါ။ ကျတော်တိုနိုင်ငံက ကာယအားပြုကစားရတဲ့ အားကစားနည်းတွေမှာ အတော်နောက်ကျနေခဲ့ပါပြီ ဒါပေမယ့် အခု ဥာဏ်ရည်သုံးပြီးကစားရတဲ့ Dota ဂိမ်းမှာ မြန်မာက ကလေးတွေ ကမ္ဘာ့အဆင့်မှီ စတင်ထိုးဖောက်နေရတာ တွေ့ရတာ အရာရာမှာနောက်ကျကျန်ခဲ့တဲ့ ကျတော်တို နိုင်ငံအတွက် အားတက်ပျော်ရွှင်စရာပါ။
IESF ပြိုင်ပွဲက ပထမဆုက $50000, ဒုတိယဆုက $30000ပါ။ မြန်မာအသင်းက final ရောက်သွားပြီဆိုတော့ အနည်းဆုံး ဒုတိယဆုကတော့ သေချာနေပါပြီ။ပထမဆုရခဲ့ရင် နိုင်ငံသားအားလုံး အတိုင်းထက်အလွန်ပျော်ရွှင်ရမှာပါ။
ဒီကလေးတွေကို သေချာ အသိအမှတ်ပြု ဂရုစိုက် အားပေးဖို မိဘဖြစ်တဲ့ အစိုးရမှာတာဝန်ရှိလာပါပြီ။ ဒီကလေး တွေက အခုမှ အသက် ၁၈၊၁၉၊၂၀ အဲ့ဒီဝန်းကျင်လေးတွေပဲရှိပါသေးတယ်။ အခုတောင် ဒီလောက်လုပ်ပြနေတာ ထောက်ပံ့မှုကောင်းကောင်းနဲ့ဆို
မြန်မာဆိုတာ ဘာလဲဆိုတာ ကမ္ဘာသိအောင် လုပ်ပြပါလိမ့်မယ်။
ဒီကလေးတွေက Local အခြေစိုက် YG ဆိုတဲ့အသင်းကပါ။ ကမ္ဘာ့အဆင့်မှာ YG က Tier 3 ပါ။ ဘောလုံးလိုပြောရရင် တတိယတန်းပေါ့။ Tier 1 အသင်းတွေ ယှဉ်ပြိုင်ကစားရတဲ့ Ti လိုခေါ်တဲ့ International Dota ပြိုင်ပွဲကြီးဟာ Total Prize Pool $18-40 million လောက် ရှိပါတယ်။ ကမ္ဘာမှာ ဆုကြေးငွေအများဆုံး E sports ပြိုင်ပွဲကြီးပါ။ ပထမရတဲ့ အသင်းက Total Prize pool ရဲ့ 40% လောက်ကိုရတာဖြစ်ပါတယ်။
မြန်မာနိုင်ငံက ကလေးတွေ အနိုင်ယူကျော်ဖြတ်ခဲ့တဲ့ ကာဂျစ်စတန်က player တစ်ယောက်ဟာ 2022 Ti လို ပြိုင်ပွဲမှာ ဒုတိယဆု ရခဲ့တဲ့ အသင်းကပါ။ အဲ့တော့ ငယ်ရွယ်နုပျိုနေတဲ့ ကျတော်တို မြန်မာက ကလေးတွေရဲ့ အလားအလာကို မှန်းကြည့်စေချင်ပါတယ်။ ကျားကို အတောင်ပံတပ်ပေးဖို လိုနေပါပြီ။ ဒီကောင်လေးတွေကို Ti လိုပြိုင်ပွဲတွေအထိရောက်အောင် အားပေးသင့်ပါတယ်။
E sports ဆိုတာ ဘောလုံးအားကစားနည်းလို Infrastructure တွေအများကြီးလုပ်ပေးစရာမလိုပါဘူး။
ဒီ IESF Dota ပြိုင်ပွဲမှာ ဖိုင်နယ် ရောက်နေတဲ့ ကလေးတွေ ပထမဆု ရသည်ဖြစ်စေ ဒုတိယဆို ရသည်ဖြစ်စေ
ဆုကြေးငွေ ထိုက်ထိုက်တန်တန် ချီးမြင့်ပေးဖိုပဲလိုတာပါ။
နိုင်ငံအစိုးရပိုင် မီဒီယာတွေကတဆင့် ဖော်ပြပြီး သေချာလေး အသိအမှတ်ပြုပေးစေချင်ပါတယ်။
ဒီကလေးတွေကို အတုယူပြီး ကျန်တဲ့ကလေးတွေလည်း ကြိုးစားပြီး အသက်မွေးဝမ်းကြောင်း အလုပ်အဖြစ်ရပ်တည်လိုရတဲ့ E sports တွေမှာ အောင်မြင်ဖြစ်ထွန်းစေချင်တာပါ။
ဝါသနာနဲ့ အလုပ်ထပ်တူကျတဲ့ ဘဝဟာ ပျော်ရွှင်စရာအကောင်းဆုံးပါ။
ပြည်တွင်းမှာလည်း အားကစားဝန်ကြီးဠာနကနေကြီးမှူးပြီး Dota, PUBG, MLBB အစရှိတဲ့ E sports တွေ ကျင်းပပေးမယ်ဆိုရင် ရွက်ပုန်းသီး လူငယ်လေးတွေ အများကြီး ပေါ်ထွန်းလာမှာပါ။
နောက်ဆုံးအကြံပေးချင်တာက
ကလေးတွေကို မိဘက ပျော်အောင်ထားပါ။
ပျော်တဲ့ ကလေးဟာ တော်လာဖို များပါတယ်။
လေးစားစွာဖြင့်
Jack
#BN
16.5K views03:28