مخزون الحديد (Ferritin) كلنا نعرف ان مخزون الحديد او الفري | القناة العلمية للطب المخبري الدفعة الثانية
مخزون الحديد (Ferritin)
كلنا نعرف ان مخزون الحديد او الفريتين دائماً يستخدم كأحد التحاليل لتشخيص انيميا نقص الحديد
لكن تعرفون انه ممكن يستخدم للدلالة على امراض اخرى ؟
زي مانعرف الفريتين هو عبارة عن بروتين يُخزن الحديد في الجسم في صورته الثلاثية ومتى ماحصل احتياج من الجسم للحديد يخرج هذا الحديد للدم لسد الاحتياج
وين يكون متواجد بالغالب ؟
في الكبد ، الطحال ، النخاع العظمي
- فإذا حصل امتصاص للحديد من الامعاء راح ينتقل من الدم الى الخلايا عن طريق ناقل يسمى ترانسفيرين
- اذا دخل الحديد داخل الخليه راح تستخدمه والزائد يخزنه الفيريتين لان زياده الحديد داخل الخليه قد يسبب تدمير لها لذا يخزن داخل بروتين الفريتين لحين الاحتياج
طيب بما انه مخزون حديد بديهياً راح نستخدمه لتشخيص نقص الحديد صح ؟ معناته اي شخص عنده انيميا نقص حديد راح يكون الفريتين ناقص معه بعد ..
لكن لو جا مريض عنده الحديد ناقص لكن الفريتين عالي ايش ممكن يُفسّر؟
نشرحها بشكل مُبسط لنفرض الحين الجسم اصيب بعدوى و دخله فايروس .. طبعا راح يشتغل الجهاز المناعي وراح تجي الخلايا البالعه او الماكروفاج وراح يبدا يفرز مجموعه من المواد تسمى Cytokines او ماتسمى بPro-inflammatory mediators
هذي المواد تفرز نتيجه للالتهاب اللي حصل وكنتيجه لوجود هذي المواد في الدم راح تزيد من افراز البروتينات الخاصه بالالتهابات أو Acute phase proteinss ومن ضمنها الفريتين
لذا الفريتين يعتبر مؤشر للالتهابات وخاصة لوحظ في اغلب الدراسات على مرضى كوفيد-١٩ انه يرتفع الفريتين بشكل كبير نتيجه الالتهاب الشديد ..