كيفكن يا أشاوس حبيت أحكي شوي بخصوص انو قربت النصفيات وقربت ب | موهِبَةُ فَتاة🌸💛
كيفكن يا أشاوس حبيت أحكي شوي بخصوص انو قربت النصفيات وقربت بنظر كتير مننا الامتحانات النهائية انو متوترين وما ضل وقت وكيف ابدأ ومنين أبدأ و عجب بلحق و عهاد الحكي .. أول شي حط ببالك قاعدة او كتبها على ورقة وحطها عطاولة دراستك ما عندك طاولة حطها عشي دفتر انو "لا مستحيل مع الله" تأكد مجرد ما عزمت تبدأ معناها الله عز وجل رايد فيك خير مثل العبد اللي بيستغفر بقولو انو رب العالمين بيحبوا لحتى الهموا الاستغفار واستغفر انت نفس الشي رب العالمين الهمك انك تبدأ كرمال تبدأ مو كرمال تقعد وتفكر اكتر ما ضل وقت للتخطيط بحرفية ما رح يمشي معك برنامج شهري و تمشي يوم وتوقف يوم و تنحبط تقول يااه هالكمية ما خلصت وهالمادة قصرت رووووق مابدها تعصيب بداية أنت كفو انت كفو لانك عم تدرس لو عندك تقصير بكل المواد بس انت بمدمار السباق الخيار بعود الك تكون الاخير او اول مين يقطع شريط الوصول انت بالمنافسة الك رضا او لا وصلت للوقت التنازلي هلق بلشت القدرات بلشت الطاقات بلش كل مين يطالع عضلاتو انت وين رايح بهالزحمة ؟ تقلي راحت علي هالكلمة حرام حدا متلك وصل لهالمرحلة يحكيها انت حدا عظيم حدا عظيم بمجرد انك عم تقرأ منشورات تفائلك ولسا بقلبك الحلم الله ما ضيع حدا حتى يضيعك انت و لا خجل حدا سعى حتى يخجلك انت و لا حدا دعالو الا واستجبلوا وعطاه متل ما بده واحسن بس الشغلة مو بس دعاء الشغلة بدها اخد بالاسباب كمان كان يقال عن الصحابة رضوان الله عليهم "كانوا يعملون حتى قلنا أنهم لا يتوكلون .. و كانوا يتوكلون حتى قلنا لا يعملون " اي شو ؟ الشغلة مساواة انا بعمل اللي علي ببري ذمتي بعدها بدعي يارب ثبتلي معلوماتي يا رب ردلي ياهن عند الحاجة مو واحد انكسرت اجرو مابيروح عالدكتور يقول يا رب تطيب و لاواحد قاعد بالبيت عبيستنا رزقو "السماء لن تمطر ذهباً" والشهادة مارح تمطر علامات الا اذا انت كنت الغيمة و انت و كرمك شد العزم وقول يا رب مو وقت الكسل وو لا وقت التفكير في كتير طلاب بتفكر بالاعادة هاد التفكير حرام والله حرام مابقي قد اللي راح قدمتو مذاكرات خير الله وقفت عورقة امتحان خلص شيلوا هالوساوس من بالكن لا عاد تسمعوا للناس كل واحد عقد قلبو يحط حلم كل واحد عقد ثقتوا بالله يحط حلمو يحطو ويسعاله يعاهد ربو يارب لو حاربني الانس والجن رح اصل رح اثبت وجودي رح قول انا هون عملتها رح اوفي بوعدي لاهلي فرح امي فرح اخواتي اوفي بوعدي لرفقاتي لاساتذتي اللي عم يتعبوا علي لكل حدا متأمل فيني لالي يارب بدي افرح الي و اصل لالي و ساوي المستقبل الي مو معقول تقول ماعاد اقدر طول ماربك معك انت بتقدر والله بتقدر بس بدها همة و ماراح الوقت معك 4 شهور و8 ايام حط عقلك براسك وبتلحق المنهاج بدل المرة مرتين بس توكل عالله رب العالمين حاشاه يضيع تعب حدا بس فرجي جهدك و هو البصير طبعاً عبيشوفك اساساً بس اياك تخلي لحالك لحظة ندم لا تقصر هلق و يوم النتائج تلاقي الكل بافخم الكليات وهاد طب ووهاد هندسة وانت ما طالعلك شي او راسب او بدك تعيد لااااتندم خلص هلق هالةانية خلص قراءة وروح ابدا لا تكتب مخطط رح يروح حماسك لتخلصوا وراح كلشي عالفاضي لا روح ومسوك اي مادة بتحبها ودروس ولو درس بعدها خطط بعد ماتكون اثبتت لحالك انو بقدر اللي حفظوا القرءن ما حفظوا كلو سوا صفحة صفحة جزء جزء خمسة خمسة عشرة عشرة لوصلوا للختم انت هيك درس درس وحدة وحدة نصفيات شاملات خالصين لا تبرح حتى تبلغ
