2018-06-25 12:16:15
#بالدارجي_كدا ..
كتير مننا لما يطلع من علاقة فاشلة بحس انو الدنيا وقفت على كدا
و انو تاني مافي طريقة يعمل حاجة يستفيد منها لانو الزول الكان مشاركوا اللحظات الحلوة فات و كل حاجة سمحة انتهت و تاني ما حترجع مهما كان ..
لانو بإختصار انو عقارب الساعة وقفت على كدا و في اللحظة دي و ما بيدي فرصة لنفسو يباشر ايقاع الحياة الجميل
و لو فات من حياتنا زول مهما كان مقامو جوانا في عشرات الناس بتكون منتظرة فرصة انها تكون معانا و تفرحنا
#و_بالعكس الزول الفات دا ياداب ادانا فرصة نتعلم حاجة من حياتنا الكانت و نبدا نحاول نعمل اي حاجة تنسينا الفات و بي صفحة جديدة و حنلاقي الزول اليسعدنا و نفرح معاهو ..
ما بالضرورة انو اي حاجة نفقدها لازم تتعوض في نفس اللحظة الآنية الاتفقدت فيها .. بس اللازم نختبر نفسنا و نشوف الاسباب اللي خلتنا نفقد و نتعلم منها عشان نواصل في صيرورة الحياة الايجابية و نشوف جوانا اماكن القوة و نخليها تبقى طاغية على الضعف الجوانا ..
و نتصنع السعادة حتى لو م فينا مزاج ليها لانو العقل بيستجيب لتصورات الخيال اذا كانت ايجابية او سلبية
يعني لو قلت انا حزين و ما مبسوط تبقى نكدت على روحك بدون م تشعر و انو حزنك زايد كل لحظة و تحس بي تعب و اعياء .. حسب تصورك لحالتك النفسية في العقل الباطن.
اما اذا داير السعادة حاول تتصنعها و حاول اسعد الحواليك على قدر ما تقدر و #صدقني حتلقى روحك اسعد انسان رغم الزخم السيء الانت متخيلو او راسمو في دماغك ..
و اهي كدا كدا الحياة ماشة على احسن ما يكون ..
Nadøshå
127 views@Nadøshâ9, 09:16
ه
