اوعى تكون منتظر إنك بعد ما تقرب من ربنا .. هوب فجأه هيطلعلك جن | ⤶سَكَن ⊁ 🤎

اوعى تكون منتظر إنك بعد ما تقرب من ربنا ..
هوب فجأه هيطلعلك جناحات وهتبقى ملاك !
أو إن العبادة هتبقى سهلة وحلوة ..
وإن الحرام خلاص معدش هيستهويك..!!
بالعكس ..؛

• كل اما تركب تاكس وتلاقيه مشغل الأغنية اللي كنت بتحبها ..
فتطلب منه يقفلها..
• وكل اما تلاقي لبس انتي عارفة انه هيبقى تحفة عليكي ..
فتتركيه لأنه مخالف للحجاب الشرعي..
• ولما تصادف البنت/الشاب اللي كان في بينكم علاقة ..
فتصرف نظرك وتغض بصرك ..

صمودك ده أمام شهوة ورغبة جواك..
وثباتك أمام فتنة اتعرضت عليك..
من كمال الإيمان ودليل على صدق الالتزام

- يقول الله تعالى :
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ"
مفيش إيمان كامل من غير تجاوز للفتن...

لازم تعرف انك طول الوقت في معركة ضد الشيطان والفتن..
والمعركة مش بتخلص..
كل اما تتجاوز فتنة هتجيلك فتنه أشد منها..
لـ حد ما ربنا يمن عليك بعد ثباتك وصبرك ومداومتك على طاعته ..
إنه يجنبك الفتن دي ويقللها في قلبك

في الحديث القدسي :
"وَمَا يَزالُ عَبْدِي يتقرَّبُ إِلى بالنَّوافِل حَتَّى أُحِبَّه، فَإِذا أَحبَبْتُه كُنْتُ سمعهُ الَّذي يسْمعُ بِهِ، وبَصره الَّذِي يُبصِرُ بِهِ، ويدَهُ الَّتي يَبْطِش بِهَا، ورِجلَهُ الَّتِي يمْشِي .."

- لكن حتى لو مرة وقعت وأصبت معصية ..
قوم بسرعة توب واستغفر ..
لكن احذر (الذنوب جراحات ورب جرح وقع في مقتل)