2018-12-28 13:08:04
رسالة نهاية
چنت اتمنى لو جان الموضوع كذب او اي شي. اي شي. عادي اتقبل واتحمله
قبل ٣ سنوات خنتي . وبعدها رجعنه وانطيتج الثقه الي تتمنينها
وبعدها لكيتج مع نفس الشخص ورجعت انطيت الثقه نفسها
وقبل سنه خنتي ورجعنه وانطيتج الثقه الي تريدينها
وكان العذر دائما انساك بيهم او اغثك او اقهرك لان على اساس انتي اتحبيني فكجنت اسامح .
وعلى كلشي سامحت وعفيت وعذرت
(الخميس/ ٢٠١٨/١٢/٢٧)(١:١٧ليلاً )
صار بهذا اليوم شي بعمررررري ما جنت متوقعه يصير ولا بحياتي راح افكر اتسوينه انتي ولا راح انسه هذه اليوم . انتي الي ماتوقعتها اتسوي مثل هذه الشي
ذكريات جمعتنه وشياء بسيطه جانت يمكن اتذكرج بيه وتخليني على طول بالج من ضمن الهدايه وردة. كلشي حتركتي بدون اي سبب بدون اي داعي تحترك كل الذكريات شنو السبب؟
جنت اكدر اسامح ع كلشي لان كلشي جنتي اتسوينه اكدر اسامحج عليه كد حبي الي جنت خيانتج ما اعتبرها خيانه وجنت ابررلج سبب وانسى كشي بلحضه بس من اترسلين رساله امحي كلشي وارجع مثل ما جنت واكثر واحبج ازيد واريدج مثل اول يوم عرفتج بي
بس صعبة عليه اشوفج اليوم تكسريني وتمحين ذكرياتي من حياتج وشلون اامن بعد بوحده حت لذكرياتي ما خلت خاطر ولا خلت مكان
صح الشي بسيط بنضرج وبنضر هواي ناس بس شي صعب كلش عليه اشوف شي الي يحترك وشي هديته الج يحترك
لهل درجه قيمتي معدومه وكل اشيائي رخيصه .
خلص انكول شي واحترك وخلص
ما فكرتي بيه من اشوف الصور ؟
انتي اليوم ما حركتي ذكرياتي لا حركتي كلبي وياهن هدمتي كلشي جنه نبني من قبل سنين بضحكه وبدمعه وبسوالفنه الحلوه والمرة بحجي وبجي ليل وسهر. كلشي انهدم بلحضه
ما اكدر اكول هاي نهاية ولا اكدر اني انهي ولا احجي ولا اتصرف
انتي سويتي كل هذه بفعلج هدمتي ونهيتي وتركتيني.
............
شكراً
على كل يوم حلو وعلى كل ضحكه وفرحه عشتها وياج وكل يوم وكل سنه انتي وياي بيها
اتمنالج كل الخير وكل التوفيق انشاء الله ربي ما تشوفين اي شر او اي قهر وعسى ايامج كلها فرح ويا رب اتكون لج هاي السنه بداية حياة جديده وتنتقلين من حال الى افضل ربي يستر عليج ويبعد عنج كل مكروه وكل شر وكل حاقد يريد بيج سوء واذية
..
* احبج رغم كل هذا ورغم الصار .
كل سنه وانتي طيبه وعساج بالف خير وتحقيق احلامج .
- فرصة سعيده .
89 views10:08