2021-10-09 19:33:45
#رسالة_إلى_طلبة_المرحلة_الأولى
ابدا مو عيب إنك تكون طالب مرحلة أولى
ابدا مو عيب إنك ما تعرف كل اجواء 《الجامعة》
مو عيب إنك تكول 《أستاذ》 بدل 《دكتور》
مو عيب إنك ما تعرف شتسوي اول ايام الكلية أو المعهد
مو عيب إنك تشيل وياك اكثر من ملزمة واقلام
مو عيب إنك تسمي الريست 《فرصة》
مو عيب إنك تكون في 《البداية》
اني واحد من ملايين الطلبة الي قبل اربع سنوات دخلت كلية ..
كل شي بالنسبة إليه كان غريب وجديد !
لكن بمرور الوقت والأيام اتعلمت ..
العيب إنك تسمع كلام هذا وذاك ..
لا تتصور طالب مرحلة رابعة يسخر منك هو احسن منك !
مرات تشوف طالب واصل ومتقدم بس سخريته منك دليل كافي على جهلة وعدم ثقافته !
ماكو شخص بالعالم وصل لمرحلة بدون ما يبدأ من الصفر !
الي يسخر منك جاوبه ؛ انت هم كنت اول !
نقطة البداية أبد مو عيب بل هي واجب !
اخر نصيحة ؛
خلي عندك ثقة بنفسك وأبدأ بداية مختلفة
البس بكيفك وعيش حياتك الجامعية بكيفك
لا تخلي احد يفرض رأيه عليك بالقوة ابدا
169 views𓆪 ﮼عباس𓆩ᴀʙʙᴀѕ 𓃠, 16:33