2021-12-14 11:42:06
#سردة
وقت خبرت رفيقتي إني رايحة شوف أكتر شخص أذاني كتير عصبت عليي ...وكتييير خافت عليي ارجع لنقطة البداية ....
كانت كل شوي عم تتصل لتطمن عني لتطمن أنو ما أذاني بكلامو كالعادة ...هي أكتر حدا واجه معي.. بعد كل مرة شوفو فيها كنت اتصل واحكيلها كيف دايقني بس ما كنت خبرو كنت ارجع حكيه برواق لأن كنت حبو للأسف.. وطبعاً تصرفي كتير غلط .. لأن بأول مرة دايقتو فيها واجهني بطريقة بشعة عكس اللي كنت أنا أعملو ...
شفتوا بعد فراق ... الشخص اللي كنت اقعد معو ساعات ما قدرت اتحملو دقايق !!!
الشخص اللي كنت طول الوقت اطلع بعيونو ما قادرة اتطلع فيه حتى قرفتوا بكل قوة!!
وقت كان يحكي وما يسكت كتيير افرح ..
بس وقت صار يحكي كتير عصبت وتمنيت قوم اخنقو لأخلص منو ومن صوتو!! ...
ما كنت آمن بمقولة الحب أعمى ...بس صرت صدق إنو الانسان وقت بحب بينعمى عن كتييير اشيا وبيصحى متأخر استفزني بالكلام وحكى بطريقة تجريح للمشاعر وبطريقة ذكورية بحته... مجردة من كل المشاعر تركتو وقمت!!!
مششيت بسرعة حسيت بدوخة بس قلت ما لازم وقف أو أوقع هون مشيت بسرعة هستيرية وبدووون وعي ..
للمكان اللي التقينا فيه أول مرة وقعدت وما كنت بوعيي أبدا بسمع حدا بدك مي ...
رفعت راسي قلت اي ياريت اخدت المي من العم قلي زعلك ام تركك هالمرة صرلي فترة بشوفك عم تجي لهون وتقعدي لفترات طويلة وهو ما معك كنت دايماً شوفكم سوا هون ... التفتت وقلتلو كسر قلبي هالمرة وبكيت كتير...
صار يهديني .. وحكيتلو اللي صار معي ببكا وتوتر وقتا نصحني وخبرني بكذا سر... هداني وراح بهداك اليوم حطيت اغنية (اتنسيت) وشردت كتير بكلام العم وقمت مشيت كتبتلو كم رسالة ودعتو فيهم ودفنت كل شي قبل ما امشي... واقتنعت انو دموعي أغلى بكتير من هيك حدا لئيم وأصفر عقولة العم
اتصلت رفيقتي ...لي ماعم تردي دايقك!! خبريني شو صار!! شو عمل!! كالعادة بكاكي !!! وردح لمدة نصف ساعة.... قلتلها مشيت ببرود قمت ومشيت وما دافعت عن حالي لأن كنت مع حدا مريض نفسي ما بيستاهل اني كلف حالي ودافع عن نفسي حدا ما بيستاهل برر تصرفي أساساً..
كانت الأسرار اللي قلي اياها العم بوقتها ميقاتية جداً
أول سر ياعمو هو من البداية ما حبك ... حب اهتمامك لهيك راح .....وكلام كتير كتير قنعني
الاسألة اللي ما كنت ملاقيتلها أجوبة كلهااا لقيتلها
#بالمختصر
بحياتنا بمر أشخاص ممكن نعتبرهم حب اول وممكن تجربة فاشلة وممكن عابرة وياخسارة الحب ويا خجلة الأمل ....
وممكن نخسرهم ويخسرونا لأننو ببساطة ما منتفق مع افكارهم السامة
هالاشخاص بحبوا دايما يشوفونا ضعاف
ممكن اوصفهم بأشخاص مصابين بداء العظمة
هالاشخاص بكونوا سامين ونرجسين وكتيير أنانيين والافضل انو نخسرهم لأن هيك أشخاص خسارتهم ربح
#Noura
495 viewsedited 08:42