كيفية قراءة الوصفة الطبية وما هي العوامل الي تساعدنا على قرائت | قناة المجموعة الطبية لجميع المراحل ؛ وزارة الصحة
كيفية قراءة الوصفة الطبية وما هي العوامل الي تساعدنا على قرائتها :_
○طبعاً اول ما تجيك الوصفة الطبية لازم تقرر انو اكدر اقراها او لا لان حياة الناس مو لعبة لازم تكون جداً حذر ....
اكو وصفات طبية سهلة القراءة ما تحتاج
واكو تحتاج ..
_اول عامل يساعدك تقراها هو حفظك لاكبر قدر ممكن من الادوية وبالاخص الاسماء التجارية منها والاشهر يعني أكو اسماء تجارية معروفه بحيث تبقه أبالك لكثرة الطلب عليها وأكو لا بس الأهم احفظو وركزوا ع الأسماء العلمية أول شي أنوب شويه شويه تبدون تحفظون التجارية واحاول كل علاج اكتبلكم كل الأسماء التجارية حته تحفظوهن وتسيطرون عليهن زين.
_ثاني عامل هو ان تتاكد من اختصاص الدكتور الي كاتب الوصفة لان اذا عرفت اختصاصه مثلاً باطنية راح تتذكر ادوية الباطنية اختصاص حمل راح تتذكر أدوية الحمل وهكذا وعلى ضوئها تحلل الوصفة وتكدر تعرف الايتمات الي بيها وبلاستمرارية تتعودون تقرون وصفات.
_ثالث عامل .. أذ مو كلش عرفت تسأل المريض عن الحالة مالته لانو ايضاً راح تعرف تحلل الوصفة من خلال معرفة حالة المريض ومن شنو يعاني وشنو بي مابي وهيج راح تعرف أكثر شنو مكتوب بلوصفه لانو اكيد عندك معلومات كافية عن كل مرض وشنو يصرفون اله.
