اساس الاكتئاب انو تركز بتفكيرك على الشي السلبي بحياتك وتمضي كل | قناة المجموعة الطبية لجميع المراحل ؛ وزارة الصحة
اساس الاكتئاب انو تركز بتفكيرك على الشي السلبي بحياتك وتمضي كل وقتك تفكر بيه وتنهك نفسك لدرجة انو كلش سلبي يصير وياك حتلو تافه انت تشوفه كلش چبير لأن ما عندك طاقه لتحمل اي شي أنه شخصيا وصلت مرحلة فكرت باشياء جنونية كلش بس الحمد لله اكو شغلتين اثرن بيه وغيرني : الاولى كتاب قريت بيه قصه عن شخص چان يعاني من مشكله چبيرة وجرب انو يحله بطريقه حلوة هي انو يتخيل دارئرتين برأسه أو يرسمهن بورقه الدائرة الأولى يكتب بية الاشياء السلبية بحياته والدائرة الثانية يكتب بيه الاشياء الإيجابية مهما كانت صغيرة ابسط شي اذا الجو حلو مثلا واءا واجه صعوبه يسأل الناس الوياه عن الاشياء الي يشوفوه حلوة بحياته لأن الناس بطبيعتهم يباوعون للشي الي ما عدهم وموجود عد الناس ،المهم من يكتبهن راح يعرف شكد عنده نعم ويشكر الله عليه ويعرف انو حته الاشياء السلبيه هي نعم بباطنه والي يگدر يحله منه يحاول يحله ،،
الشغلة الثانية هي الا ختلاط بالأشخاص الايجابيين والي كلهم نشاط وحيوية وتجنب الأشخاص السلبيين لأن السلبية والإيجابية عدوى تمام مثل بعض الأمراض وهالشي جربته شخصيا اكو صديقه هواي غيرت من نظرتي للحياة بايجابيته رغم بعدين عرفت شكد متاذيه بحياته بس هي چانت تتحدى الالم والمشاكل وتحاول تعتبر مثل المسابقه وتغلبه
وبالاخير الإنسان كلما عرف الغاية من وجودة بهاي الحياه راح يعرف أنه فأنية ودار اختبارات وكل شخص يأخذ على گد تعبه ماكو شي يضيع
