2022-07-22 15:21:00
لِسيّدي وَلائي
لا يَنقَضي عَزائي
حَتى ظهُور القَائم
***
إنتـه ماتِحتَـاج مِن عِــندي المِحبـَّــه
وشـِنهي حَاجَاته الذي البَاري يحِبـَّه
آنا مِن أَهـوَاك أرفَـع نَـفسِــي رتبـَــه
وامشي وَاثِـق للمَعالي وگاعي صَلبه
أُمسِي منَ الأكَابر
وأكسَبُ المَفاخر
بِـدءاً بلَا اِنتهاءِ
لِسيّدي وَلائي
***
إنتـه تَاج الرَاس بـي مِرتفِـع سُـوگي
والعَـشيره الّي يرِف بِيـرَغها فـُـوگي
لَافِــتة حبّي اِكتَـــبتها بـدَم عِـــرُوگي
حسـين حِزبي وكتلِـتي وتيّار شُوگي
لصَاحبِ السِياده
شَوقٌ منَ الوِلاده
يَجري معَ الدماءِ
لِسيّدي وَلائي
***
دَرب تَوفـيقي ونَجاحي شلُون اَضَيعَه
وحَالي يلفِــيلَه الفقر ويسُوء وَضـعه
وأنَه ابجيب حسين اَمِـد چَفي واطَلعه
امحَمِّل بخَيرَات تِملي السِـمه السَبعه
ذا واهبُ العَطايا
وشَافعُ البَرايا
دَوماً لهُ ثَـنائي
لِسيّدي وَلائي
***
فَـضـل منـَّـك تقـبَـل امقَصِّــر يجيلَـك
ويلفـظ اسمَـك وبگلُب مُذنـب يشيلَك
ولأن نُـور الله وسَبيل الحَـق سَــبيلك
كُـون أتوَضـَّـه ابدِمـَـاي امنَ اعتِـنيلك
تدُوسُني الحُوافر
جسماً كَيومِ عاشِر
مَثلكَ في العَـراءِ
لِسيّدي وَلائي
***
بمَجلس حسين الذي هَيَّمني عِشگه
ربِّي إلهِمني البَچي وإرزِقني شَهگه
اوَّفِــق الچَفــين لِـــمرِادَف الدَگــَّــه
حَته اُوگـف بالحَشر وظلُوعي زَرگه
مُوَاسـياً عَقـيله
سَارَت على الهَزيله
بالضَرب والعَـناءِ
لِسيّدي وَلائي
***
لليَـقـين البـَـــاقي بســنين الخَـديعَـه
حُجـَّـة اَلله النَـازِح ابدِنيَـه الوِسِـيعه
نِقسِم بطَــبرِة عَلي وضَـلع الوِديعَـه
عَـزَه حسين انبِـيع كلشـي ومانبـيعَه
سَنُكمل المَسيره
للحظَـة ِالأخيرَه
ثأراً لـكربلاءِ
لِسيّدي وَلائي
--------------------------------
لقمان لعيبي البدران
@lukmanalbadran
https://www.facebook.com/265524366975919
661 viewsابو رضا, edited 12:21